| ᠮᠠᠨᠵᠦ ᠴᠢᠩ ᠤᠯᠤᠰ ᠤᠨ ᠦᠶᠡ ᠳᠤ ᠳᠠᠯᠠᠳ ᠬᠤᠰᠢᠭᠤ ᠶᠢ ᠤᠷᠳᠤᠰ ᠤᠨ ᠵᠡᠭᠦᠨ ᠭᠠᠷ ᠤᠨ ᠬᠤᠰᠢᠭᠤ | ᠭᠡᠳᠡᠭ ᠃ ᠲᠡᠷᠡ ᠦᠶᠡ ᠳᠤ ᠳᠠᠯᠠᠳ ᠬᠤᠰᠢᠭᠤ ᠣᠷᠳᠣᠰ ᠨᠤᠲᠤᠭ ᠲᠤ ᠪᠠᠨ ᠬᠦᠮᠦᠨ ᠠᠮᠠ ᠪᠠᠷ ᠬᠠᠮᠤᠭ ᠠᠷᠪᠢᠨ᠂ | ᠨᠤᠲᠤᠭ ᠳᠡᠪᠢᠰᠭᠡᠷ ᠨᠢ ᠴᠤ ᠦᠷᠭᠡᠨ ᠠᠭᠤᠳᠠᠮ ᠲᠤᠯᠠ ︽ᠭᠤᠷᠪᠡᠨ ᠭᠦᠩ᠂ ᠵᠢᠷᠭᠤᠭᠠᠨ ᠵᠠᠰᠠᠭ ᠴᠤ ᠨᠢᠭᠡᠯᠬᠡᠨ | ᠳᠠᠯᠠᠳ ᠳᠤ ᠬᠦᠷᠬᠦ ᠦᠭᠡᠢ︾ ᠭᠡᠰᠡᠨ ᠬᠡᠯᠡᠯᠭᠡ ᠲᠠᠢ ᠪᠠᠶᠢᠭᠰᠠᠨ᠃ ︵ᠭᠤᠷᠪᠠᠨ ᠭᠦᠩ ᠭᠡᠳᠡᠭ ᠨᠢ ᠤᠷᠢᠳ ᠤᠨ | ᠡᠮᠦᠨᠡᠲᠦ᠂ ᠳᠤᠮᠳᠠᠳᠤ᠂ ᠬᠤᠶᠢᠲᠤ ᠭᠤᠷᠪᠠᠨ ᠬᠤᠰᠢᠭᠤ ᠪᠤᠯᠤᠨᠠ᠃ ᠵᠢᠷᠭᠤᠭᠠᠨᠵᠠᠰᠠᠭ ᠭᠡᠳᠡᠭ ᠨᠢ ᠤᠷᠳᠤᠰ ᠤᠨ | ᠵᠠᠰᠠᠭ ᠬᠤᠰᠢᠭᠤ ᠶᠢ ᠬᠡᠯᠡᠵᠦ ᠪᠤᠢ᠃︶ ᠤᠤᠯ ᠳᠤ ᠪᠠᠨ ᠳᠠᠯᠠᠳ ᠬᠤᠰᠢᠭᠤ ᠡᠮᠦᠨᠡᠭᠦᠷ ᠢᠶᠠᠨ ᠡᠵᠡᠨ ᠬᠤᠷᠤᠭᠠ | ᠬᠤᠰᠢᠭᠤ ᠲᠠᠢ ᠵᠠᠬᠠ ᠨᠡᠶᠢᠯᠡᠵᠦ᠂ ᠵᠡᠭᠦᠨ ᠪᠠᠷᠠᠭᠤᠨ ᠲᠠᠯᠠ ᠪᠠᠷ ᠵᠡᠭᠦᠨᠭᠠᠷ ᠬᠤᠰᠢᠭᠤ᠂ ᠬᠠᠩᠭᠢᠨ ᠬᠤᠰᠢᠭᠤ ᠲᠠᠢ | ᠵᠡᠷᠭᠡᠯᠡᠳᠦᠵᠦ᠂ ᠬᠤᠶᠢᠰᠢ ᠪᠠᠨ ᠬᠠᠳᠤᠨ ᠭᠤᠤᠯ ᠢ ᠬᠡᠲᠤᠯᠡᠭᠡᠳ ᠡᠲᠦᠭᠡ ᠶᠢᠨ ᠪᠠᠶᠠᠨᠨᠠᠭᠤᠷ ᠬᠤᠲᠠ ᠶᠢᠨ ᠤᠷᠢᠳᠤᠨ | ᠬᠤᠶᠢᠲᠤ ᠬᠤᠰᠢᠭᠤᠨ ᠤ ᠱᠠᠯᠳᠠᠪ ᠤᠨ ᠰᠦᠮᠡ ᠬᠦᠷᠴᠦ᠂ ᠪᠦᠬᠦ ᠲᠠᠯᠠᠪᠡᠢ ᠨᠢ ᠬᠤᠶᠠᠷ ᠲᠦᠮᠡ ᠭᠠᠷᠤᠢ ᠳᠡᠭᠰᠢ | ᠳᠦᠷᠪᠡᠯᠵᠢᠨ ᠺᠢᠯᠤᠮᠧᠲᠷ ᠪᠠᠶᠢᠵᠠᠢ᠃ ᠲᠡᠷᠡ ᠦᠶᠡ ᠳᠤ ᠮᠤᠩᠭᠤᠯᠴᠤᠳ ᠬᠠᠳᠤᠨ ᠭᠤᠤᠯ ᠤᠨ ᠡᠮᠦᠨᠡ ᠲᠠᠯᠠ ᠳᠠᠬᠢ | ᠳᠠᠯᠠᠳ ᠬᠤᠰᠢᠭᠤᠨ ᠤ ᠭᠠᠵᠠᠷ ᠢ ︽ᠬᠠᠨᠲᠠᠢ︾ ᠭᠡᠳᠡᠭ ᠃ ᠳᠠᠯᠠᠳ ᠤᠨ ︽ᠬᠠᠨᠲᠠᠢ︾ᠭᠠᠵᠠᠷ ᠨᠢ ᠨᠠᠢᠮᠠᠨ ᠬᠠᠷᠢᠶᠠ | ᠂ ᠳᠦᠴᠢᠨ ᠰᠤᠮᠤ ᠬᠤᠪᠢᠶᠠᠵᠤ ᠪᠠᠶᠢᠪᠠ ᠃ ᠡᠨᠡ ᠬᠦ ᠨᠠᠢᠮᠠᠨ ᠬᠠᠷᠢᠶᠠ ᠨᠢ ᠵᠢᠷᠭᠤᠭᠠᠨ ᠰᠤᠮᠤᠨ ᠬᠠᠷᠢᠶᠠ᠂ ᠳᠦᠷᠪᠡᠨ | ᠰᠤᠮᠤᠨ ᠬᠠᠷᠢᠶᠠ᠂ ᠬᠡᠷᠢᠶᠡᠳ ᠬᠠᠷᠢᠶᠠ᠂ ᠮᠡᠷᠭᠡᠳ ᠬᠠᠷᠢᠶᠠ᠂ ᠰᠡᠴᠡᠨ ᠬᠠᠷᠢᠶᠠ᠂ ᠰᠢᠷᠠ ᠶᠢᠨ ᠬᠠᠷᠢᠶᠠ᠂ ᠪᠠᠭᠠ | ᠨᠠᠰᠤᠨ ᠬᠠᠷᠢᠶᠠ᠂ ᠬᠦᠨᠲᠠᠢ ᠶᠢᠨ ᠬᠠᠷᠢᠶᠠ ᠪᠤᠯᠤᠨᠠ᠃ ᠴᠢᠯᠦᠭᠡᠯᠡᠭᠳᠡᠬᠦ ᠠᠴᠠ ᠡᠮᠦᠨᠡᠬᠢ ᠨᠢᠭᠡᠳᠦᠭᠡᠷ ᠬᠠᠷᠢᠶᠠᠨ ᠤ | ᠬᠠᠷᠢᠶᠠᠨ ᠵᠡᠯᠡᠨ ᠨᠢ᠄ ᠪᠠᠶᠠᠨᠴᠠᠭᠠᠨ︔ ᠬᠤᠶᠠᠳᠤᠭᠠᠷ ᠬᠠᠷᠢᠶᠠᠨ ᠤ ᠬᠠᠷᠢᠶᠠᠨ ᠵᠡᠯᠡᠨ ᠨᠢ᠄ ᠴᠢ ᠱᠢ ᠮᠢᠩ︔ | ᠭᠤᠷᠪᠡᠳᠤᠭᠠᠷ ᠬᠠᠷᠢᠶᠠᠨ ᠤ ᠬᠠᠷᠢᠶᠠᠨ ᠵᠡᠯᠡᠨ ᠨᠢ᠄ ᠱᠠᠵᠢᠩᠭᠡᠷᠡᠯ︔ᠳᠦᠷᠪᠡᠳᠦᠭᠡᠷ ᠬᠠᠷᠢᠶᠠᠨ ᠤ ᠬᠠᠷᠢᠶᠠᠨ ᠵᠡᠯᠡᠨ ᠨᠢ᠄ | ᠴᠢᠩ ᠱᠤ᠋ ᠶᠢᠨ︔ᠲᠠᠪᠤᠳᠤᠭᠠᠷ ᠬᠠᠷᠢᠶᠠᠨ ᠤ ᠬᠠᠷᠢᠶᠠᠨ ᠵᠡᠯᠡᠨ ᠨᠢ᠄ ᠨᠠᠰᠤᠨᠨ᠋ᠦ᠋ᠯᠵᠢ︔ ᠵᠢᠷᠭᠤᠳᠤᠭᠠᠷ ᠬᠠᠷᠢᠶᠠᠨ ᠤ | ᠬᠠᠷᠢᠶᠠᠨ ᠵᠡᠯᠡᠨ ᠨᠢ᠄ ᠨᠠᠶᠠᠨᠲᠠᠢ︔ᠳᠤᠯᠤᠳᠤᠭᠠᠷ ᠬᠠᠷᠢᠶᠠᠨ ᠤ ᠬᠠᠷᠢᠶᠠᠨ ᠵᠡᠯᠡᠨ ᠨᠢ᠄ ᠮᠤᠤ ᠪᠠᠲᠤ︔ᠨᠠᠢᠮᠠᠳᠤᠭᠠᠷ | ᠬᠠᠷᠢᠶᠠᠨ ᠤ ᠬᠠᠷᠢᠶᠠᠨ ᠵᠡᠯᠡᠨ ᠨᠢ ᠄ ᠴᠢᠩ ᠢᠦᠢ ᠰᠢᠶᠠᠩ ᠵᠡᠷᠭᠡ ᠪᠤᠯᠤᠨᠠ᠃ | ᠬᠠᠳᠤᠨ ᠭᠤᠤᠯ ᠤᠨ ᠬᠤᠶᠢᠨᠠ ᠲᠠᠯᠠ ᠳᠠᠬᠢ ᠦᠷᠭᠡᠨ ᠠᠭᠤᠳᠠᠮ ᠲᠠᠯᠠ ᠭᠠᠵᠠᠷ ᠢ ︽ᠬᠠᠩᠬᠠ︾ ᠭᠡᠳᠡᠭ | ︵ᠳᠤᠳᠤᠷᠬᠠᠶᠢᠯᠠᠬᠤ ᠨᠢ᠄ ᠠᠳᠡ ᠬᠡᠯᠡᠵᠤ ᠪᠠᠶᠢᠭᠠ ︽ᠬᠠᠩᠬᠠ︾ ᠭᠡᠳᠡᠭ ᠨᠢ ᠵᠦᠪᠬᠡᠨᠲ᠋ᠡᠷᠡᠦᠶᠡᠰ ᠳᠠᠯᠠᠳ | ᠬᠤᠰᠢᠭᠤᠨ ᠳᠤ ᠯᠡ ᠬᠠᠷᠢᠶᠠᠯᠠᠭᠳᠠᠬᠤ ᠪᠦᠬᠦᠶᠢᠯᠡ ᠬᠠᠩᠬᠠ ᠶᠢᠨ ᠵᠡᠬᠦᠨ ᠭᠡᠰᠡᠭ ᠢ ᠵᠢᠭᠠᠵᠤ ᠪᠤᠢ︶᠃ ᠳᠠᠯᠠᠳ ᠲᠤ | ᠬᠠᠷᠢᠶᠠᠯᠠᠭᠳᠠᠬᠤ ︽ᠬᠠᠩᠬᠠ︾ ᠭᠠᠵᠠᠷ ᠤᠨ ᠡᠮᠦᠨᠡ ᠵᠠᠬᠠ ᠨᠢ ᠬᠠᠳᠤᠨ ᠭᠤᠤᠯ ᠲᠠᠢ ᠵᠠᠯᠭᠠᠯᠳᠤᠵᠤ᠂ ᠬᠤᠶᠢᠰᠢ | ᠪᠠᠨ ᠤᠷᠠᠳ ᠤᠨ ᠳᠤᠮᠳᠠᠳᠤ ᠪᠠ ᠬᠤᠶᠢᠳᠤ ᠬᠤᠰᠢᠭᠤᠨ ᠤ ᠬᠢᠯᠢ ᠬᠦᠷᠴᠦ᠂ ᠵᠡᠭᠦᠨ ᠲᠠᠯᠠ ᠪᠠᠷ ᠨᠢ ᠤᠷᠠᠳ ᠤᠨ | ᠡᠮᠦᠨᠡᠳᠤ ᠬᠤᠰᠢᠭᠤ ᠲᠠᠢ ᠵᠠᠬᠠ ᠨᠡᠶᠢᠯᠡᠵᠤ᠂ ᠪᠠᠷᠠᠭᠤᠨᠰᠢ ᠪᠠᠨ ᠬᠠᠩᠭᠢᠨ ᠬᠤᠶᠢᠳᠤ ᠬᠤᠰᠢᠭᠤᠨ ᠤ ᠶᠠᠩ ᠮᠢᠶᠤᠤ ︵ | ᠨᠠᠷᠠᠨ ᠡᠭᠦᠷ︶ ᠬᠦᠷᠲᠡᠯᠡ ᠪᠠᠶᠢᠵᠠᠢ᠃ ᠦᠷᠭᠡᠨ ᠪᠠᠷ ᠨᠢ ᠡᠮᠦᠨᠡ ᠠᠴᠠ ᠬᠤᠶᠢᠰᠢ ᠪᠠᠨ47 ᠺᠢᠯᠤᠮᠧᠲᠷ᠂ ᠤᠷᠲᠤ | ᠪᠠᠷ ᠢᠶᠠᠨ ᠵᠡᠭᠦᠨ ᠠᠴᠠ ᠪᠠᠷᠠᠭᠤᠨᠰᠢ ᠪᠠᠨ140 ᠺᠢᠯᠤᠮᠧᠲᠷ ᠠᠭᠤᠳᠠᠮ ᠶᠡᠭᠡ ᠭᠠᠵᠠᠷ ᠪᠠᠶᠢᠵᠠᠢ᠃ | ᠲᠡᠷᠡ ᠦᠶᠡ ᠳᠤ ᠳᠠᠯᠠᠳ ᠤᠨ ︽ᠬᠠᠩᠬᠠ︾ ᠭᠠᠵᠠᠷ ᠢ ᠵᠡᠭᠦᠨ᠂ ᠪᠠᠷᠠᠭᠤᠨ᠂ ᠳᠤᠮᠳᠠᠳᠤ ᠭᠤᠷᠪᠠᠨ ︽ | ᠵᠠᠭᠤᠨ︾ ᠬᠤᠪᠢᠶᠠᠵᠤ ᠪᠠᠶᠢᠪᠠ᠃ ᠵᠡᠭᠦᠨ ︽ᠵᠠᠭᠤᠨ ︾ ᠤ ᠳᠠᠷᠤᠭᠠ ᠨᠢ ᠳᠤᠯᠤᠨᠵᠢᠩ᠂ ᠮᠦᠨ ᠴᠤ ︽ᠬᠠᠩᠬᠠ︾ | ᠳᠤ ᠰᠠᠭᠤᠭᠠ ᠳᠠᠯᠠᠳ ᠬᠤᠰᠢᠭᠤᠨ ᠤ ᠠᠮᠤᠷ ᠢ ᠬᠠᠮᠠᠭᠠᠯᠠᠬᠤ ᠭᠤᠷᠪᠠᠳᠤᠭᠠᠷ ᠲᠤᠸᠡᠨ ᠤ ᠶᠢᠰᠦᠳᠦᠭᠡᠷ ᠯᠢᠶᠡᠨ ᠤ | ᠯᠢᠶᠠᠨᠵᠠᠩ ᠪᠤᠯᠤᠨᠠ᠃ ︽ᠵᠠᠭᠤᠨ︾ ᠪᠤᠯᠤᠨ ᠴᠡᠷᠢᠭ ᠤᠨ ᠰᠠᠭᠤᠭᠠ ᠠᠯᠪᠡᠨ ᠭᠡᠷ ᠨᠢ ᠱᠠᠯᠳᠠᠪ ᠤᠨ ᠰᠦᠮᠡ ᠳᠤ | ᠪᠠᠶᠢᠪᠠ᠃ | ︽ᠬᠠᠩᠬᠠ︾ ᠭᠠᠵᠠᠷ ᠲᠤ ᠳᠠᠯᠠᠳ ᠬᠤᠰᠢᠭᠤᠨ ᠤ ᠨᠠᠢᠮᠠᠨ ᠬᠠᠷᠢᠶᠠ ᠶᠢᠨ ᠠᠷᠠᠳ ᠪᠦᠷ ᠪᠠᠶᠢᠳᠠᠭ᠃ ︽ | ᠬᠠᠩᠬᠠ︾ ᠭᠠᠵᠠᠷ ᠲᠤ ᠪᠠᠰᠠ ᠶᠡᠭᠡ ᠪᠠᠭᠠ ᠬᠤᠶᠠᠷ ᠰᠤᠮᠤ ᠭᠡᠭᠴᠢ ᠪᠠᠶᠢᠵᠦ᠂ ᠰᠤᠮᠤᠨ ᠲᠠᠶᠢᠵᠢ ᠰᠢᠭᠤᠳ | ᠬᠠᠮᠢᠶᠠᠷᠤᠳᠠᠭ᠃ ᠭᠡᠳᠡᠯᠡ ᠳᠡᠳᠡᠨ ᠳᠤ ᠳᠤᠭᠲᠠᠭᠰᠠᠨ ᠭᠠᠵᠠᠷ ᠨᠤᠲᠤᠭ ᠬᠤᠪᠢᠶᠠᠵᠤ ᠦᠭᠭᠦᠭᠰᠡᠨ ᠦᠭᠡᠢ᠃ ᠬᠠᠷᠢᠨ | ︽ᠵᠠᠭᠤᠨ︾ ᠤ ᠭᠠᠵᠠᠷ ᠨᠤᠲᠤᠭ ᠲᠤ ᠵᠦᠷᠢᠯᠳᠦᠨ ᠰᠠᠭᠤᠷᠢᠰᠢᠵᠦ᠂ ᠰᠤᠮᠤᠨ ᠤ ᠬᠦᠮᠦᠰ ᠨᠢ ᠬᠠᠮᠢᠭᠠ ᠰᠠᠭᠤᠵᠤ | ᠪᠠᠶᠢᠪᠠᠯ ᠳᠠᠷᠤᠢ ᠲᠡᠭᠦᠨ ᠤ ᠭᠠᠵᠠᠷ ᠤᠷᠤᠨ ᠭᠡᠵᠦ ᠨᠡᠷᠡᠯᠡᠨᠡ᠃ ᠶᠡᠭᠡ ᠰᠤᠮᠤᠨ ᠤ ᠰᠤᠮᠤᠨ ᠲᠠᠶᠢᠵᠢ ᠶᠢ ᠡᠷᠳᠡᠨᠢ | ᠭᠡᠳᠡᠭ᠃ ᠶᠡᠭᠡ ᠪᠠᠶᠢᠰᠢᠩ ᠬᠦᠷᠢᠶᠡ ᠲᠠᠢ᠂ ᠭᠡᠷ ᠤᠨ ᠪᠤᠭᠤᠯ ᠲᠠᠢ ᠪᠠᠶᠠᠨ ᠴᠢᠨᠡᠭᠡᠯᠢᠭ ᠪᠦᠭᠡᠳ ᠡᠷᠬᠡ ᠰᠦᠷ | ᠲᠠᠢ ᠬᠦᠮᠦᠨ ᠪᠠᠶᠢᠵᠠᠢ᠃ ᠲᠡᠷᠡ ᠠᠮᠢᠨ ᠬᠡᠷᠡᠭ ᠤᠨ ᠶᠠᠯᠠ ᠲᠠᠢ ᠤᠴᠢᠷ ᠠᠴᠠ ᠴᠢᠯᠦᠭᠡᠯᠡᠭᠲᠡᠬᠦ ᠦᠶᠡ ᠳᠤ | ᠳᠠᠷᠤᠩᠭᠤᠶᠢᠯᠠᠭᠲᠠᠪᠠ᠃ ᠪᠠᠭᠠ ᠰᠤᠮᠤᠨ ᠤ ᠰᠤᠮᠤᠨ ᠲᠠᠶᠢᠵᠢ ᠶᠢ ᠴᠢ᠊ ᠲᠠᠷᠢᠪᠠᠯ ᠭᠡᠳᠡᠭ᠃ ᠪᠠᠰᠠ ᠶᠡᠭᠡ ᠪᠠᠶᠢᠰᠢᠩ | ᠬᠦᠷᠢᠶᠡ ᠲᠠᠢ᠂ ᠭᠡᠷ ᠤᠨ ᠪᠤᠭᠤᠯ ᠲᠠᠢ᠂ ᠪᠠᠶᠠᠨ ᠴᠢᠨᠡᠭᠡᠯᠢᠭ ᠡᠷᠬᠡ ᠰᠦᠷ ᠲᠠᠢ ᠬᠦᠮᠦᠨ ᠪᠠᠶᠢᠯᠠ᠃ | ᠡᠭᠦᠨ ᠠᠴᠠ ᠭᠠᠳᠠᠨᠠ᠂ ᠳᠠᠯᠠᠳ ᠬᠤᠰᠢᠭᠤᠨ ᠤ ︽ᠬᠠᠩᠬᠠ︾ ᠨᠤᠲᠤᠭ ᠲᠤ ᠪᠠᠰᠠ ᠬᠤᠶᠠᠷ ︽ᠨᠤᠶᠠᠨ | ᠰᠠᠩ︾ ᠭᠡᠵᠦ ᠪᠠᠶᠢᠳᠠᠭ᠃ ᠪᠠᠷᠠᠭᠤᠨ ︽ᠱᠠᠩ︾ ᠨᠢ ᠳᠠᠷᠤᠢ ᠰᠦᠮᠪᠡᠷᠪᠠᠲᠤ ᠸᠠᠩ ᠤᠨ ᠠᠴᠢ ᠬᠦᠪᠡᠭᠦᠨ | ᠺᠠᠨᠳᠠᠳᠤᠷᠵᠢ ᠸᠠᠩ ᠤᠨ ᠦᠶᠡ ᠳᠡᠭᠦᠦ ᠨᠤᠷᠪᠠᠪᠠᠳᠤ ᠶᠢᠨ ᠨᠠᠰᠤᠲᠠᠨ ᠯᠦᠸᠧ ᠶᠤᠸᠢ ᠫᠧᠩ ᠳᠤ ᠬᠤᠪᠢᠶᠠᠵᠤ | ᠦᠭᠭᠦᠭᠰᠡᠨ ᠭᠡᠷ ᠪᠠᠶᠢᠰᠢᠩ ᠭᠠᠵᠠᠷ ᠤᠷᠤᠨ ᠪᠤᠯᠤᠨᠠ᠃ᠨᠡᠨ ᠨᠢ ᠡᠳᠦᠭᠡ ᠶᠢᠨ ᠪᠠᠶᠠᠨᠨᠠᠭᠤᠷ ᠬᠤᠲᠠ ᠵᠢᠨᠡᠤ ᠶᠤᠸᠠᠨ | ᠰᠢᠶᠠᠨ ᠤ ᠦᠨᠳᠦᠰᠦᠲᠡᠨ ᠤ ᠰᠢᠶᠠᠩ ︵民族乡︶ ᠤᠨ ᠰᠢᠨ ᠹᠧᠩ ᠳᠤᠰᠬᠤᠨ ᠳᠤ ᠪᠤᠢ ᠃ ᠤᠭ ᠤᠨ | ᠭᠠᠵᠠᠷ ᠤᠨ ᠨᠡᠷᠡ ᠶᠢ ᠴᠠᠭᠠᠨ ᠨᠠᠭᠤᠷ ᠭᠡᠳᠡᠭ᠃ ᠳᠡᠭᠦᠨ ᠳᠤ ᠬᠤᠪᠢᠶᠠᠵᠤ ᠦᠭᠭᠦᠭᠰᠡᠨ ᠭᠠᠵᠠᠷ ᠨᠤᠲᠤᠭ ᠨᠢ ︽ | ᠬᠠᠩᠬᠠ︾ ᠶᠢᠨ ᠪᠠᠷᠠᠭᠤᠨ ᠭᠡᠰᠡᠭ ᠲᠤ ᠪᠠᠶᠢᠬᠤ ᠤᠴᠢᠷ ᠠᠴᠠ ᠪᠠᠷᠠᠭᠤᠨ ᠱᠠᠩ ᠭᠡᠳᠡᠭ᠃1940 ᠤᠨ ᠤ ᠦᠶᠡ | ᠪᠠᠷ ᠭᠠᠳᠠᠷ ᠭᠠᠵᠠᠷ ᠠᠴᠠ ᠢᠷᠡᠭᠰᠡᠨ ᠸᠠᠩ ᠵᠤᠤ ᠾᠧ ᠭᠡᠳᠡᠭ ᠬᠦᠮᠦᠨ ᠭᠠᠵᠠᠷ ᠰᠢᠷᠦᠢ ᠶᠢ ᠨᠢ ᠬᠦᠯᠦᠰᠦᠯᠡᠨ | ᠲᠠᠷᠢᠭᠰᠠᠨ ᠠᠴᠠ ᠨᠠᠰᠤᠲᠠᠨ ᠷᠠᠰᠠᠩ ᠰᠦᠮᠡ ᠳᠤ ᠨᠡᠭᠦᠨ ᠰᠠᠭᠤᠪᠠ᠃ | ᠳᠠᠯᠠᠳ ᠤᠨ ︽ᠬᠠᠩᠬᠠ︾ ᠭᠠᠵᠠᠷ ᠲᠤ ᠪᠠᠰᠠ ᠭᠤᠷᠪᠠᠨ ᠮᠠᠶᠢᠷᠠᠨ ᠤ ᠭᠠᠵᠠᠷ ᠪᠠᠶᠢᠳᠠᠭ᠃ ᠲᠦᠨᠵᠢᠩ | ᠮᠠᠶᠢᠷᠠᠨ ᠤ ᠭᠠᠵᠠᠷ ᠄ ᠡᠳᠦᠭᠡ ᠶᠢᠨ ᠪᠠᠶᠠᠨᠨᠠᠭᠤᠷ ᠬᠤᠲᠠ ᠶᠢᠨ ᠲᠦᠨᠵᠢᠩ ᠭᠧ ᠯᠢᠶᠠᠩ ︵同金圪梁︶ | ᠭᠡᠳᠡᠭ ᠭᠠᠵᠠᠷ ᠲᠤ ᠪᠠᠶᠢᠵᠠᠢ᠃ ᠮᠡᠩᠭᠡ ᠮᠠᠶᠢᠷᠠᠨ ᠤ ᠭᠠᠵᠠᠷ᠄ ᠡᠲᠦᠭᠡ ᠶᠢᠨ ᠪᠠᠶᠠᠨᠨᠠᠭᠤᠷ ᠬᠤᠲᠠ ᠵᠢᠨᠡᠤ ᠶᠤᠸᠠᠨ | ᠰᠢᠶᠠᠨ ᠤ ᠱᠠᠪᠬᠠᠲᠤ ᠳᠤ ᠪᠠᠶᠢᠵᠠᠢ᠃ ᠮᠤᠤ ᠪᠠᠲᠤ ᠮᠠᠶᠢᠷᠠᠨ ᠤ ᠭᠠᠵᠠᠷ᠄ ᠡᠲᠦᠭᠡ ᠶᠢᠨ ᠪᠠᠶᠠᠨᠨᠠᠭᠤᠷ ᠬᠤᠲᠠ ᠶᠢᠨ | ᠶᠤᠸᠡᠨ ᠰᠢᠶᠠᠨ ᠤ ᠰᠢᠳᠤᠷᠭᠤ ᠶᠢᠨ ᠬᠤᠳᠲᠤᠭ ︵水泉子︶ ᠭᠡᠳᠡᠭ ᠭᠠᠵᠠᠷ ᠲᠤ ᠪᠠᠶᠢᠵᠠᠢ᠃ ᠡᠳᠡᠭᠡᠷ | ᠮᠠᠶᠢᠷᠠᠨ ᠴᠦᠮ ᠶᠡᠭᠡ ᠭᠡᠷ ᠤᠷᠳᠤᠨ ᠲᠠᠢ ᠪᠦᠭᠡᠳ ᠵᠤᠬᠢᠬᠤ ᠬᠡᠮᠵᠢᠶᠡᠨ ᠤ ᠭᠠᠵᠠᠷ ᠰᠢᠷᠤᠢ ᠲᠠᠢ ᠪᠠᠶᠢᠳᠠᠭ᠃ | ᠳᠡᠭᠡᠷᠡᠬᠢ ᠪᠠᠶᠢᠳᠠᠯ ᠠᠴᠠ ᠦᠵᠡᠪᠡᠯ ᠤᠤᠯ ᠤᠨ ᠳᠠᠯᠠᠳ ᠬᠤᠰᠢᠭᠤᠨ ᠤ ︽ᠬᠠᠩᠬᠠ︾ ᠶᠢᠨ | ᠰᠠᠭᠤᠷᠢᠰᠢᠯ ᠤᠨ ᠵᠠᠰᠠᠭ ᠵᠠᠬᠢᠷᠭᠠᠨ ᠤ ᠬᠢᠯᠢ ᠬᠢᠵᠠᠭᠠᠷ ᠨᠢ ᠶᠡᠭᠡ ᠪᠤᠳᠤᠯᠢᠶᠠᠨ ᠲᠠᠢ᠂ ᠬᠠᠮᠢᠶᠠᠷᠤᠯᠲᠠ ᠨᠢ ᠡᠮᠬᠢ | ᠵᠠᠮᠬᠠᠷᠠᠭᠠ ᠦᠭᠡᠢ᠃ ᠢᠯᠠᠩᠭᠤᠶᠠ ᠰᠦᠮᠪᠡᠷᠪᠡᠲᠤ ᠸᠠᠩ ᠠᠴᠠ ᠺᠠᠨᠳᠠᠳᠤᠷᠵᠢ ᠸᠠᠩ ᠬᠦᠷᠲᠡᠯᠡᠬᠢ ᠦᠶᠡ ᠳᠤ ᠤᠤᠯ ᠤᠨ | ᠳᠠᠯᠠᠳ ᠬᠤᠰᠢᠭᠤᠨ ᠤ ︽ᠬᠠᠩᠬᠠ︾ ᠶᠢᠨ ᠭᠠᠵᠠᠷ ᠢ ᠳᠤᠷᠠ ᠪᠠᠷ ᠲᠠᠯᠪᠢᠵᠤ᠂ ᠶᠡᠬᠡᠩᠬᠢ ᠭᠠᠵᠠᠷ ᠰᠢᠷᠤᠢ ᠢ | ᠬᠤᠳᠠᠯᠳᠤᠨ ᠬᠠᠭᠠᠯᠪᠤᠷᠢᠯᠠᠭᠰᠠᠨ ᠠᠴᠠ ᠳᠠᠯᠠᠳ ᠬᠤᠰᠢᠭᠤᠨ ᠤ ︽ᠬᠠᠩᠬᠠ︾ ᠳᠠᠬᠢ ᠮᠤᠩᠭᠤᠯᠮᠠᠯᠴᠢᠨ ᠲᠦᠮᠡᠨ | ᠮᠠᠯᠵᠢᠯ ᠤᠨ ᠲᠠᠯᠠᠪᠠᠢ ᠪᠠᠨ ᠠᠯᠳᠠᠵᠤ ᠠᠮᠢᠳᠤᠷᠠᠬᠤ ᠶᠢᠨ ᠠᠷᠭᠠ ᠦᠭᠡᠢ ᠰᠠᠷᠨᠢᠨ ᠨᠡᠭᠦᠵᠦ ᠶᠠᠪᠤᠭᠰᠠᠨ ᠪᠠᠶᠢᠨᠠ᠃ | ᠲᠡᠷᠡ ᠦᠶᠡ ᠳᠤ ᠡᠤ ᠶᠤᠸᠠᠨ ᠤ ᠭᠠᠵᠠᠷ ᠤᠨ ᠡᠵᠡᠳ ᠪᠠ ᠳᠤᠳᠤᠷᠠ ᠭᠠᠵᠠᠷ ᠠᠴᠠ ᠢᠷᠡᠭᠰᠡᠨ ᠭᠠᠵᠠᠷ ᠤᠨ | ᠡᠵᠡᠳ ᠵᠠᠯᠢᠬᠠᠢ ᠬᠤᠳᠠᠯᠳᠤᠭᠠᠴᠢᠨ ᠶᠡᠭᠡ ᠬᠡᠮᠵᠢᠶᠡ ᠪᠠᠷ ᠭᠠᠵᠠᠷ ᠰᠢᠷᠤᠢ ᠬᠤᠳᠠᠯᠳᠤᠨ ᠠᠪᠴᠤ ᠬᠠᠭᠠᠯᠪᠤᠷᠢᠯᠠᠨ | ᠲᠠᠷᠢᠭᠠᠳ ᠬᠡᠳᠦᠬᠡᠨ ᠵᠢᠯ ᠤᠨ ᠳᠤᠳᠤᠷᠠ ᠶᠡᠭᠡ ᠪᠠᠷ ᠪᠠᠶᠠᠵᠢᠵᠦ ᠳᠡᠭᠦᠨᠴᠢᠯᠡᠨᠭᠤᠮᠢᠨᠳᠠᠩ ᠤᠨ ᠴᠡᠷᠢᠭ ᠤᠨ ᠡᠷᠬᠡᠲᠡᠨ | ᠲᠠᠢ ᠬᠤᠯᠪᠤᠭᠠᠯᠠᠭᠰᠠᠨ ᠠᠴᠠ ᠳᠠᠯᠠᠳ ᠬᠤᠰᠢᠭᠤᠨ ᠤ ᠵᠠᠰᠠᠭ ᠸᠠᠩ ᠤᠨ ᠨᠤᠶᠠᠷᠬᠠᠯ ᠬᠦᠴᠦᠨ ᠦᠭᠡᠢ ᠪᠤᠯᠵᠦ | ᠬᠠᠮᠢᠶᠠᠷᠤᠯᠲᠠ ᠶᠢᠨ ᠲᠠᠯᠠ ᠪᠠᠷ ᠶᠡᠭᠡ ᠪᠠᠷ ᠰᠤᠯᠠᠷᠠᠵᠦ ︽ᠬᠠᠩᠬᠠ︾ ᠨᠤᠲᠤᠭ ᠢᠶᠠᠨ ᠵᠠᠬᠢᠷᠣᠨ ᠬᠠᠮᠢᠶᠠᠷᠴᠦ | ᠳᠠᠶᠢᠯᠠᠬᠤ ᠦᠭᠡᠢ ᠶᠢᠨ ᠬᠡᠮᠵᠢᠶᠡᠨ ᠳᠤ ᠬᠦᠷᠴᠡᠢ᠃ | 1945ᠳ᠋ᠤᠭᠠᠷ ᠤᠨ ᠳᠤ ᠶᠠᠫᠤᠨ ᠡᠵᠡᠷᠬᠡᠭ ᠲᠦᠷᠢᠮᠡᠬᠡᠶᠢᠲᠡᠨ ᠪᠠᠭᠤᠵᠦ ᠦᠭᠭᠦᠭᠰᠡᠨ ᠤ ᠳᠠᠷᠠᠭᠠ ᠳᠠᠯᠠᠳ | ᠬᠤᠰᠢᠭᠤᠨ ᠤ ᠵᠠᠰᠠᠭ ᠨᠤᠶᠠᠨ ︽ᠬᠠᠩᠬᠠ︾ ᠨᠤᠲᠤᠭ ᠳᠠᠬᠢ ᠨᠤᠶᠠᠷᠬᠠᠯ ᠢᠶᠠᠨ ᠴᠢᠩᠭᠠᠳᠬᠤᠬᠠᠦ ᠶᠢᠨ ᠲᠦᠯᠦᠭᠡ ︽ | ᠬᠠᠩᠬᠠ︾ ᠭᠠᠵᠠᠷ ᠳᠤ ︽ ᠬᠡᠷᠡᠭ ᠡᠷᠬᠢᠯᠡᠬᠦ ᠭᠠᠵᠠᠷ︾ ᠪᠠᠶᠢᠭᠤᠯᠵᠦ ᠡᠷᠳᠡᠮ ᠮᠡᠳᠡᠯᠭᠡ ᠲᠠᠢ ᠤᠶᠤᠨ ᠤᠬᠠᠭᠠᠨ | ᠲᠡᠭᠦᠯᠳᠡᠷ ᠨᠠᠰᠤᠨᠳᠡᠯᠭᠡᠷ ᠢ ᠲᠤᠮᠢᠯᠠᠵᠤ ︽ᠬᠠᠩᠬᠠ ᠶᠢᠨ ᠬᠡᠷᠡᠭ ᠡᠷᠬᠢᠯᠡᠬᠦ ᠭᠠᠵᠠᠷ︾ ᠢ ᠡᠷᠬᠢᠯᠡᠭᠦᠯᠪᠡ᠃ᠨᠠᠰᠤᠨᠳᠡᠯᠭᠡᠷ | ᠤᠬᠤᠷᠬᠠᠨ ᠭᠤᠷᠪᠠᠨ ᠵᠢᠯ ᠤᠨ ᠬᠤᠭᠤᠴᠠᠭᠠᠨ ᠳᠤ ᠭᠠᠵᠠᠷ ᠤᠨ ᠡᠵᠡᠳ ᠵᠠᠯᠢᠬᠠᠢ ᠬᠤᠳᠠᠯᠳᠤᠭᠠᠴᠢᠨ ᠠᠴᠠ ᠶᠡᠭᠡ | ᠬᠡᠮᠵᠢᠶᠡᠨ ᠤ ᠠᠮᠤ ᠪᠤᠳᠠᠭᠠ ︵ᠳᠦᠷᠢᠶᠡᠰᠦᠯᠡᠯ ᠤᠨ ᠮᠦᠩᠭᠦ︶ ᠬᠤᠷᠢᠶᠠᠨ ᠠᠪᠤᠭᠰᠠᠨ ᠠᠴᠠ ᠠᠵᠢᠯᠳᠠᠨ ᠤ | ᠴᠠᠯᠢᠩ ᠤᠨ ᠠᠰᠠᠭᠤᠳᠠᠯ ᠢ ᠰᠢᠢᠳᠪᠦᠷᠢᠯᠡᠭᠰᠡᠨ ᠪᠠᠷ ᠦᠯᠦ ᠪᠠᠷᠠᠨ ᠠᠯᠪᠠᠨ ᠭᠠᠵᠠᠷ ᠢᠶᠠᠨ ᠵᠠᠰᠠᠨ ᠪᠠᠷᠢᠵᠦ᠂ ᠠᠯᠪᠠ | ᠬᠢᠬᠦ ᠨᠦᠭᠦᠴᠡᠯ ᠢᠶᠠᠨ ᠴᠤ ᠰᠠᠶᠢᠵᠢᠷᠠᠭᠤᠯᠪᠠ᠃ ᠢᠯᠠᠩᠭᠤᠶᠠ1947 ᠤᠨ ᠠᠴᠠ1949 ᠤᠨ ᠬᠦᠷᠳᠡᠯᠡ ᠪᠠᠷᠠᠭᠤᠨ | ︽ ᠵᠠᠭᠤᠨ︾ ᠤ ᠱᠠᠯᠳᠠᠪ ᠤᠨ ᠰᠦᠮᠡ᠂ ᠵᠡᠭᠦᠨ ︽ᠵᠠᠭᠤᠨ︾ ᠤ ᠳ᠋ᠦᠩ ᠬᠠᠢ ᠱᠧᠩ ︵东海生︶᠂ | ᠳᠤᠮᠲᠠ ᠵᠠᠭᠤᠨ ᠤ ᠲᠦᠨᠵᠢᠩ ᠭᠧ ᠯᠢᠶᠠᠩ ︵同金圪梁︶ᠵᠡᠷᠭᠡ ᠭᠠᠵᠠᠷ ᠳᠤ ᠭᠤᠷᠪᠠᠨ ᠰᠤᠷᠭᠠᠭᠤᠯᠢ | ᠪᠠᠶᠢᠭᠤᠯᠵᠤ ᠰᠤᠷᠭᠠᠭᠤᠯᠢ ᠶᠢᠨ ᠠᠯᠢᠪᠠ ᠵᠠᠷᠤᠳᠠᠯ᠂ ᠪᠠᠭᠰᠢ ᠶᠢᠨ ᠴᠠᠯᠢᠩ᠂ ᠰᠤᠷᠤᠭᠴᠢ ᠶᠢᠨ ᠢᠳᠡᠰᠢ ᠤᠤᠭᠤᠰᠢ᠂ | ᠰᠠᠭᠤᠬᠤ ᠵᠠᠷᠤᠳᠠᠯ᠂ ᠵᠢᠴᠢ ᠪᠤᠰᠤᠳ ᠰᠤᠷᠤᠯᠭᠠ ᠶᠢᠨ ᠰᠦᠢᠳᠭᠡᠯ ᠢ ᠪᠦᠷ ︽ᠬᠡᠷᠡᠭ ᠡᠷᠬᠢᠯᠡᠬᠦ ᠭᠠᠵᠠᠷ︾ ᠠᠴᠠ | ᠰᠢᠢᠳᠪᠦᠷᠢᠯᠡᠵᠦ ᠦᠭᠬᠦ ᠪᠠᠷ ᠪᠤᠯᠪᠠ᠃ ᠡᠨᠡ ᠨᠢ ᠨᠤᠲᠤᠭ ᠤᠨ ᠠᠷᠠᠳ ᠲᠦᠮᠡᠨ ᠳᠤ ᠨᠢᠭᠡᠨ ᠪᠤᠲᠠᠲᠤ | ᠠᠰᠠᠭᠤᠳᠠᠯ ᠢ ᠰᠢᠢᠳᠪᠦᠷᠢᠯᠡᠭᠰᠡᠨ ᠪᠠᠷ ᠦᠯᠦ ᠪᠠᠷᠠᠨ ᠴᠢᠯᠦᠭᠡᠯᠡᠭᠲᠡᠬᠦ ᠦᠶᠡ ᠶᠢᠨ ᠠᠷᠠᠳ ᠤᠨ ᠵᠠᠰᠠᠭ ᠤᠨ | ᠤᠷᠳᠤᠨ ᠳᠤ ᠴᠤ ᠶᠡᠭᠡ ᠬᠡᠮᠵᠢᠶᠡᠨ ᠤ ᠰᠤᠶᠤᠯ ᠲᠠᠢ ᠴᠢᠳᠠᠪᠦᠷᠢᠲᠠᠨ ᠢ ᠬᠦᠮᠦᠵᠢᠭᠦᠯᠪᠠ᠃ ︵ ᠨᠠᠷᠢᠨ ᠪᠠᠶᠢᠳᠠᠯ ᠢ | ᠨᠠᠰᠤᠨᠳᠡᠯᠭᠡᠷ ᠬᠢᠭᠡᠳ ᠬᠠᠩᠬᠠ ᠶᠢᠨ ᠬᠡᠷᠡᠭ ᠡᠷᠬᠢᠯᠡᠬᠦ ᠭᠠᠵᠠᠷ ᠭᠡᠬᠦ ᠪᠦᠯᠦᠭ ᠠᠴᠠ ᠦᠵᠡᠭᠡᠷᠡᠢ︶ | 1949 ᠤᠨ ᠤ 9 ᠰᠠᠷᠠ ᠶᠢᠨ19 ᠤ ᠡᠳᠦᠷ ᠹᠦ᠋ ᠽᠧ ᠢ ᠨᠠᠶᠢᠷᠠᠮᠳᠠᠯ ᠢᠶᠠᠷ ᠵᠢᠷᠤᠮ ᠤᠨ ᠪᠤᠰᠤᠯᠭᠠ | ᠭᠠᠷᠭᠠᠭᠰᠠᠨ ᠳᠠᠷᠠᠭᠠ᠂ ︽ ᠬᠠᠩᠬᠠ ᠶᠢᠨ ᠬᠡᠷᠡᠭ ᠡᠷᠬᠢᠯᠡᠬᠦ ᠭᠠᠵᠠᠷ︾ ᠨᠢ ᠠᠷᠪᠠᠨ ᠨᠢᠭᠡᠳᠦᠭᠡᠷ ᠴᠢᠦᠢ᠂ ᠠᠷᠪᠠᠨ | ᠬᠤᠶᠠᠳᠤᠭᠠᠷ ᠴᠢᠦᠢ᠂ ᠠᠷᠪᠠᠨ ᠭᠤᠷᠪᠠᠳᠤᠭᠠᠷ ᠴᠢᠦᠢ ᠪᠤᠯᠤᠨ ᠬᠤᠪᠢᠷᠠᠵᠦ᠂ ᠶᠠᠨ ᠵᠢᠶᠠᠩ ᠰᠢᠶᠠᠨ ︵宴江县 | ︶ ᠢ ᠦᠭᠡᠶᠢᠰᠬᠡᠵᠦ᠂ ᠳᠠᠯᠠᠳ ᠤᠨ ᠬᠤᠶᠢᠲᠣ ᠬᠤᠰᠢᠭᠤ ᠶᠢ ᠪᠠᠶᠢᠭᠤᠯᠪᠠ᠃ ᠬᠤᠰᠢᠭᠤ ᠵᠠᠰᠠᠭ ᠤᠨ ᠤᠷᠳᠤᠨ ᠤ | ᠪᠠᠶᠢᠭᠠ ᠭᠠᠵᠠᠷ ᠨᠢ ᠳᠤᠷᠤᠭ ᠮᠤᠳᠤᠨ ᠳᠤ ᠪᠠᠶᠢᠪᠠ ︵塔尔寺︶᠃ ᠳᠠᠷᠤᠢ ᠡᠳᠦᠭᠡ ᠶᠢᠨ ᠪᠠᠶᠠᠨᠨᠠᠭᠤᠷ | ᠬᠤᠲᠠ ᠶᠢᠨ ᠡᠤ ᠶᠤᠸᠠᠨ ᠰᠢᠶᠠᠨ ᠤ ᠪᠠᠶᠠᠨ ᠲᠠᠯᠠ ᠪᠠᠯᠭᠠᠰᠤ ᠪᠤᠯᠤᠨᠠ᠃1950 ᠤᠨ ᠤ ᠳᠠᠷᠠᠭᠠ ᠪᠠᠷ ᠳᠡᠭᠡᠷᠡ | ᠱᠠᠳᠤᠨ ᠠᠴᠠ ᠬᠡᠰᠢᠭᠳᠡᠯᠠᠢ ᠂ ᠪᠠ᠊ ᠣᠳᠣᠨ ᠢ ᠲᠤᠮᠢᠯᠠᠵᠤ ᠳᠡᠭᠡᠷᠡ ᠱᠠᠳᠤᠨ ᠤ ᠨᠠᠮ ᠤᠨ ᠬᠤᠷᠢᠶᠠᠨ ᠤ ᠵᠠᠷᠯᠢᠭ ᠢᠶᠠᠷ | ᠳᠠᠯᠠᠳ ᠤᠨ ᠬᠤᠶᠢᠳᠤ ᠬᠤᠰᠢᠭᠤ ᠶᠢ ᠡᠾᠧᠲ᠋ᠤᠤ ᠶᠢᠨ ᠵᠠᠰᠠᠭ ᠵᠠᠬᠢᠷᠭᠠᠨ ᠤ ᠬᠠᠮᠢᠶᠠᠷᠤᠯᠲᠠ ᠶᠢᠨ ᠲᠤᠭᠤᠷᠢᠭ ︵河套 | 行政管理区︶ ᠳᠤ ᠬᠤᠪᠢᠶᠠᠷᠢᠯᠠᠨ ᠦᠭᠪᠡ᠃ ᠰᠡᠭᠦᠯᠳᠡᠵᠦ ᠴᠠᠭ ᠤᠨ ᠪᠠᠶᠢᠳᠠᠯ ᠤᠨ ᠬᠦᠭᠵᠢᠯᠲᠡ ᠪᠠᠷ | ᠭᠠᠵᠠᠷ ᠰᠢᠷᠤᠢ ᠶᠢ ᠨᠢ ᠡᠤ ᠶᠤᠸᠠᠨ ᠪᠤᠯᠤᠨ ᠯᠢᠨ ᠡᠾᠧ ᠳᠤ ᠬᠤᠪᠢᠶᠠᠷᠢᠯᠠᠭᠰᠠᠨ ᠪᠦᠭᠡᠳ ᠪᠠᠶᠠᠨᠨᠠᠭᠤᠷ ᠠᠶᠢᠮᠠᠭ ᠲᠤ | ᠵᠠᠬᠢᠷᠤᠭᠳᠠᠬᠤ ᠪᠤᠯᠪᠠ᠃ ᠡᠭᠦᠨ ᠠᠴᠠ ᠬᠤᠶᠢᠰᠢ ᠰᠠᠶ᠋ᠢ ᠤᠤᠯ ᠤᠨ ᠳᠠᠯᠠᠳ ᠬᠤᠰᠢᠭᠤᠨ ᠤ ︽ᠬᠠᠨᠲᠠᠢ︾ ᠨᠤᠲᠤᠭ | ᠨᠢ ᠶᠡᠭᠡ ᠵᠤᠤ ᠠᠶᠢᠮᠠᠭ ᠲᠤ ︵ᠤᠷᠳᠤᠰ ᠬᠤᠲᠠ︶ ᠬᠠᠷᠢᠶᠠᠯᠠᠭᠳᠠᠵᠤ᠂ ︽ᠬᠠᠩᠬᠠ︾ ᠨᠤᠲᠤᠭ ᠨᠢ ᠪᠠᠶᠠᠨᠨᠠᠭᠤᠷ | ᠠᠶᠢᠮᠠᠭ ︵ᠬᠤᠲᠠ︶ ᠲᠤ ᠬᠠᠷᠢᠶᠠᠯᠠᠭᠲᠠᠬᠤ ᠪᠤᠯᠤᠭᠰᠠᠨ ᠪᠦᠭᠡᠳ ᠤᠷᠳᠤᠰ ᠪᠤᠯᠤᠨ ᠪᠠᠶᠠᠨᠨᠠᠭᠤᠷ ᠬᠠᠳᠤᠨ ᠭᠤᠤᠯ | ᠪᠠᠷ ᠰᠠᠪᠠᠯᠠᠬᠤ ᠪᠤᠯᠵᠠᠢ᠃ | |