| ᠡᠷᠳᠡᠨ ᠠᠴᠠ ᠤᠳᠤ ᠪᠤᠯᠳᠠᠯᠠ ᠤᠪᠤᠭᠠ ᠳᠠᠬᠢᠯᠭᠠ ᠨᠢ ᠲᠦᠢᠯ ᠤᠨ ᠬᠦᠷ ᠨᠠᠷᠭᠢᠶᠠᠨ ᠲᠠᠢ ᠪᠦᠭᠡᠳ | ᠤᠳᠬᠠ ᠠᠭᠤᠯᠭᠠ ᠪᠠᠷ ᠪᠠᠶᠠᠯᠢᠭ ᠪᠠᠶᠢᠳᠠᠭ᠃ ᠡᠯᠡ ᠤᠪᠤᠭᠠᠨ ᠤ ᠰᠠᠬᠢᠵᠦ ᠪᠠᠶᠢᠭᠠ ᠪᠤᠷᠬᠠᠨ ᠨᠢ ᠠᠳᠠᠯᠢ ᠦᠭᠡᠢ | ᠠᠴᠠ ᠪᠤᠯᠵᠦ᠂ ᠳᠠᠬᠢᠯᠭᠠ᠂ ᠰᠢᠭᠦᠰᠦ᠂ ᠵᠠᠰᠠᠬᠤ ᠪᠡᠯᠢᠭ ᠨᠢ ᠴᠦᠨ ᠤᠨᠳᠤᠤ ᠪᠠᠶᠢᠳᠠᠭ᠃ ᠳᠠᠯᠠᠳ ᠬᠤᠰᠢᠭᠤᠨ ᠤ | ᠽᠠᠨᠳᠠᠨᠵᠦ ᠶᠢᠨ《 ᠤᠩᠭᠤᠨ ᠤᠪᠤᠭᠠ》ᠪᠤᠯ ᠮᠠᠭᠺᠠᠯᠠᠶᠢᠨ ᠤᠪᠤᠭᠠ ᠲᠤᠯᠠ ᠮᠠᠭᠺᠠᠯᠠ ᠶᠢᠨ ᠪᠡᠯᠡᠭ ᠵᠠᠰᠠᠵᠦ᠂ | ᠬᠤᠨᠢᠨ ᠰᠢᠭᠦᠰᠦ ᠪᠠᠷ ᠳᠠᠬᠢᠵᠦ᠂ ᠳᠠᠯᠠᠳ ᠬᠤᠰᠢᠭᠤᠨ ᠤ ᠰᠤᠬᠠᠶᠢᠳᠤ ᠶᠢᠨ《 ᠰᠤᠨᠤᠭᠤ ᠶᠢᠨ ᠤᠨᠤᠭᠠ》ᠪᠤᠯ | ᠳᠠᠮᠵᠢᠨ ᠤ ᠤᠪᠤᠭᠠ ᠲᠤᠯᠠ ᠢᠮᠠᠭᠠᠨ ᠰᠢᠭᠦᠰᠦ ᠪᠠᠷ ᠳᠠᠬᠢᠵᠦ᠂ ᠳᠠᠮᠵᠢᠨ ᠤ ᠳᠠᠬᠢᠯᠭᠠ ᠶᠢᠨ ᠨᠤᠮ ᠢ ᠤᠩᠰᠢᠳᠠᠭ᠃ | ᠳᠠᠬᠢᠯᠭᠠ ᠨᠢ ᠶᠡᠷᠦ ᠳᠡᠭᠡᠨ ᠵᠢᠯ ᠳᠤ ᠨᠢᠭᠡ ᠤᠳᠠᠭᠠ ᠶᠠᠪᠤᠭᠳᠠᠵᠦ᠂ ᠰᠠᠷᠠ ᠡᠳᠦᠷ ᠨᠢ ᠴᠤ ᠡᠷᠳᠡ ᠠᠴᠠ | ᠳᠤᠭᠳᠠᠪᠤᠷᠢᠵᠢᠭᠠᠳ ᠤᠯᠠᠩᠭᠢ ᠳᠠᠭᠠᠨ ᠪᠢᠯᠢᠭ ᠤᠨ ᠤᠯᠠᠷᠢᠯ ᠤᠨ ᠳᠠᠪᠤᠨ ᠰᠠᠷᠠ ᠶᠢᠨ ᠰᠢᠨᠡ ᠶᠢᠨ ᠭᠤᠷᠪᠡᠨ᠂ | ᠠᠷᠪᠠᠨ ᠭᠤᠷᠪᠠᠨ᠂ ᠬᠤᠷᠢᠨ ᠲᠠᠪᠤᠨ ᠤ ᠠᠯᠢ ᠨᠢᠭᠡ ᠡᠳᠦᠷ ᠲᠤ ᠪᠤᠯᠳᠠᠭ᠃ ᠤᠪᠤᠭᠠᠨ ᠤ ᠳᠠᠬᠢᠯᠭᠠ ᠡᠬᠢᠯᠡᠪᠡᠯ | ᠠᠶᠢᠯ ᠰᠭᠠᠬᠠᠯᠳᠠ ᠶᠢᠨ ᠬᠢᠨ ᠤ ᠬᠦᠭᠰᠢᠨ ᠵᠠᠯᠠᠭᠤ ᠦᠭᠡᠢ ᠢᠷᠡᠵᠡᠭᠡᠵᠦ᠂ ᠶᠡᠭᠡ ᠳᠠᠬᠢᠯᠭᠠ ᠳᠤ ᠤᠷᠤᠯᠴᠠᠳᠠᠭ᠃ | ᠳᠠᠬᠢᠯᠭᠠ ᠶᠢᠨ ᠴᠠᠭ ᠬᠤᠭᠤᠴᠠᠭᠠ ᠶᠢᠨ ᠲᠠᠯᠠ ᠠᠴᠠ ᠰᠢᠨᠵᠢᠪᠡᠯ᠂ ᠪᠢᠯᠢᠭ ᠤᠨ ᠤᠯᠠᠷᠢᠯ ᠤᠨ ᠲᠠᠪᠤᠨ ᠰᠠᠷᠠ ᠪᠤᠯ | ᠵᠤᠨ ᠤ ᠳᠤᠮᠳᠠ ᠰᠠᠷᠠ ᠪᠦᠭᠡᠳ ᠮᠠᠯ ᠰᠦᠷᠦᠭ ᠳᠠᠷᠭᠤ ᠭᠦᠢᠴᠡᠭᠰᠡᠨ ᠴᠠᠭ᠂ ᠰᠠᠭᠠᠯᠢ ᠰᠦ ᠶᠢᠨ ᠭᠤᠤᠯ ᠭᠠᠷᠣᠯᠳᠠ | ᠶᠢᠨ ᠦᠶᠡ ᠮᠦᠨ᠃ ᠠᠭᠤᠷ ᠠᠮᠢᠰᠬᠤᠯ ᠳᠤᠯᠠᠭᠠᠨ ᠳᠤᠭᠳᠠᠭᠤᠨ ᠪᠠᠶᠢᠳᠠᠭ᠃ ᠡᠨᠡ ᠦᠶᠡᠰ ᠤᠪᠤᠭᠠᠨ ᠳᠠᠬᠢᠯᠭᠠ | ᠬᠢᠵᠦ᠂ ᠨᠠᠶᠢᠷ ᠨᠠᠭᠠᠳᠤᠮ ᠡᠭᠦᠰᠬᠡᠨ᠂ ᠰᠠᠶᠢᠨ ᠡᠷᠡ᠂ ᠰᠠᠶᠢᠨ ᠮᠤᠷᠢ ᠰᠢᠯᠭᠠᠷᠠᠭᠤᠯᠬᠤ ᠳᠤᠬᠢᠶᠠᠯ ᠢᠶᠠᠷ ᠮᠦᠨ | ᠮᠤᠩᠭᠤᠯᠴᠤᠳ ᠤᠨ ᠳᠤᠮᠳᠠ ᠰᠤᠶᠤᠯ᠂ ᠠᠵᠦ ᠠᠬᠤᠢ ᠶᠢᠨ ᠰᠤᠯᠢᠯᠴᠠᠭᠠ ᠬᠢᠬᠦ ᠨᠦᠭᠦᠴᠡᠯ ᠢ ᠪᠤᠢ ᠪᠤᠯᠭᠠᠵᠠᠢ᠃ | ᠤᠪᠤᠭᠠᠨ ᠳᠠᠬᠢᠯᠭᠠ ᠶᠢᠨ ᠪᠤᠳᠠᠳᠤ ᠳᠠᠬᠢᠯᠭᠠ ᠶᠢᠨ ᠶᠠᠪᠤᠴᠠ ᠠᠴᠠ ᠦᠵᠡᠪᠡᠯ᠄ | 《 ᠬᠤᠵᠢᠷᠳᠤ ᠶᠢᠨ ᠤᠪᠤᠭᠠᠨ》 ᠤ ᠶᠡᠭᠡ ᠳᠠᠬᠢᠯᠭᠠ | 《ᠬᠤᠵᠢᠷᠳᠤ ᠶᠢᠨ ᠤᠪᠤᠭᠠ》ᠪᠤᠯ ᠦᠤᠰᠢᠨ ᠬᠤᠰᠢᠭᠤᠨ ᠤ ᠲᠤᠭ ᠰᠤᠮᠤᠨ ᠤ ᠬᠤᠵᠢᠷᠳᠤ ᠶᠢᠨ ᠴᠠᠶᠢᠳᠠᠮ | ᠳᠡᠭᠡᠷᠡ ᠪᠠᠶᠢᠬᠤ ᠬᠤᠵᠢᠷᠳᠤ ᠶᠢᠨ ᠰᠦᠮᠡ ᠶᠢᠨ ᠤᠪᠤᠭᠠ ᠪᠤᠯᠤᠨᠠ᠃ ᠳᠤᠰ ᠤᠪᠤᠭᠠ ᠶᠢ ᠡᠷᠳᠡᠨ ᠠᠴᠠ ᠤᠳᠤ | ᠪᠤᠯᠳᠠᠯᠠ ᠵᠢᠯ ᠪᠦᠷᠢ ᠶᠢᠨ ᠪᠢᠯᠢᠭ ᠤᠨ ᠤᠯᠠᠷᠢᠯ ᠤᠨ ᠲᠠᠪᠤᠨ ᠰᠠᠷᠠ ︵ ᠤᠨ ᠲᠤᠭᠠᠯᠠᠯ ᠤᠨ ᠨᠠᠢᠮᠠᠨ ᠰᠠᠷᠠ︶ ᠶᠢᠨ | ᠬᠤᠷᠢᠨ ᠭᠤᠷᠪᠠᠨ ᠳᠤ ᠳᠠᠬᠢᠳᠠᠭ᠃ ᠶᠡᠭᠡ ᠳᠠᠬᠢᠯᠭᠠ ᠶᠢᠨ ᠦᠷᠯᠦᠭᠡ ᠪᠤᠯᠬᠤ ᠳᠤ ᠬᠠᠮᠢᠶᠠ ᠪᠦᠬᠦᠢ ᠮᠦᠷᠭᠦᠯᠴᠢᠨ | ᠪᠦᠭᠦᠳᠡ ᠢᠷᠡᠵᠡᠭᠡᠵᠦ᠂ ᠳᠤᠰᠬᠠᠢ ᠪᠡᠯᠡᠳᠬᠡᠭᠰᠡᠨ ᠪᠠ ᠤᠯᠠᠨ ᠠᠷᠠᠳ ᠤᠨ ᠰᠦᠰᠦᠭ ᠤᠨ ᠭᠡᠰᠢᠭ ᠢ ᠤᠪᠤᠭᠠᠨ ᠤ | ᠡᠮᠦᠨᠡ ᠦᠷᠦᠵᠦ ᠲᠠᠯᠪᠢᠨᠠ᠃ ᠶᠤᠰᠤᠯᠠᠯ ᠡᠬᠢᠯᠡᠬᠦ ᠦᠶᠡᠰ ᠤᠪᠤᠭᠠᠨ ᠳᠠᠭᠠᠨ ᠴᠢᠮᠡᠭᠯᠡᠯ ᠬᠢᠵᠦ᠂ ᠬᠡᠢ ᠮᠤᠷᠢ | ᠪᠤᠰᠬᠠᠬᠤ᠂ ᠤᠪᠤᠭᠠᠨ ᠤ ᠰᠤᠭᠰᠤᠭᠠ ᠵᠡᠷᠭᠡ ᠪᠠᠨ ᠵᠠᠰᠠᠵᠦ ᠭᠦᠢᠴᠡᠳᠬᠡᠭᠰᠡᠨ ᠤ ᠳᠠᠷᠠᠭᠠ ᠰᠠᠩ ᠬᠦᠵᠢ ᠲᠠᠯᠪᠢᠵᠦ᠂ | ᠳᠤᠩ ᠪᠦᠷᠢᠶᠡ ᠦᠯᠢᠶᠡᠨ ᠬᠤᠨᠢ ᠠᠯᠠᠵᠦ ᠳᠠᠬᠢᠯᠭᠠ ᠲᠠᠯᠪᠢᠨ ᠠᠷᠢᠬᠢ ᠳᠠᠷᠠᠰᠤ ᠠᠶᠢᠷᠠᠭ ᠤᠨ ᠰᠠᠴᠤᠯᠢ ᠰᠠᠴᠦᠵᠦ᠂ | ᠭᠠᠵᠠᠷ ᠤᠰᠤᠨ ᠤ ᠡᠵᠡᠳ ᠰᠠᠬᠢᠭᠤᠯᠰᠤᠨ᠂ ᠤᠪᠤᠭᠠ ᠤᠷᠤᠨ ᠤ ᠨᠠᠪᠳᠠᠭ ᠰᠠᠪᠳᠠᠭ ᠢ ᠬᠦᠷᠳᠡᠯᠡ ᠳᠠᠬᠢᠵᠦ | ᠠᠶᠢᠯᠠᠳᠬᠠᠭᠠᠳ《 ᠤᠪᠤᠭᠠᠨ ᠰᠠᠩ》 ᠢᠶᠠᠨ ᠤᠩᠰᠢᠨᠠ᠂《 ᠤᠪᠤᠭᠠᠨ ᠰᠠᠩ》 ᠳᠤ᠄ | 《 ᠤᠸ᠋ᠮ ᠡ ᠬᠤᠩ︕ ᠤᠸ᠋ᠮ ᠡ ᠬᠤᠩ︕ᠤᠸ᠋ᠮ ᠡ ᠬᠤᠩ︕ ︵ ᠢᠩᠭᠡᠵᠦ ᠭᠤᠷᠪᠠᠨᠳᠠ | ᠤᠩᠰᠢᠭᠠᠳ ᠪᠡᠯᠡᠳᠬᠡᠭᠰᠡᠨ ᠰᠠᠩ ᠤᠨ ᠡᠳ᠋ ᠢᠶᠠᠨ ᠵᠠᠰᠠᠨ ᠡᠷᠭᠦᠵᠦ ᠵᠤᠷᠢᠭᠰᠠᠨ ᠵᠤᠷᠢᠯᠭᠠ ᠪᠠᠨ ᠵᠤᠷᠢᠵᠦ ᠤᠩᠰᠢᠨᠠ︶ | ᠰᠠᠩ ᠤᠨ ᠵᠦᠢᠯ ᠤᠨ ᠦᠨᠦᠨ ᠳᠠᠬᠢᠯ ᠡᠭᠦᠪᠡᠷ | ᠪᠠᠯᠮᠠ ᠢᠳᠡᠮ ᠭᠤᠷᠪᠠᠨ ᠴᠤᠬᠠᠭ ᠳᠡᠭᠡᠳᠦ ᠶᠢ ᠳᠠᠬᠢᠮᠤᠢ | ᠬᠡᠢ ᠮᠤᠷᠢ ᠳᠦᠷᠪᠡᠨ ᠶᠡᠭᠡ ᠲᠡᠭᠷᠢ ᠶᠢ ᠳᠠᠬᠢᠮᠤᠢ | ᠳᠠᠯᠠᠨ ᠳᠠᠪᠤᠨ ᠮᠠᠭᠺᠠᠯᠠ ᠨᠤᠭᠤᠳ ᠢ ᠳᠠᠬᠢᠮᠤᠢ᠃ | ᠨᠠᠢᠮᠠᠨ ᠬᠦᠯᠢᠰ ᠶᠢᠰᠦᠨ ᠮᠡᠩᠭᠡ ᠶᠢᠨ ᠲᠡᠭᠷᠢ ᠶᠢ ᠳᠠᠬᠢᠮᠤᠢ | ᠲᠠᠯᠡᠬᠡᠢ ᠶᠢᠨ ᠡᠵᠡᠳ ᠬᠢᠭᠡᠳ ᠤᠷᠤᠨ ᠲᠡᠭᠷᠢ ᠶᠢ ᠳᠠᠬᠢᠮᠤᠢ | ᠶᠤᠺᠠᠽᠠᠷᠢ ᠪᠢᠳᠡᠨ ᠤ ᠬᠡᠢ ᠮᠤᠷᠢ ᠶᠢ ᠳᠠᠬᠢᠮᠤᠢ | ᠤᠸ᠋ᠮ ᠡ ᠬᠤᠩ︕ ᠤᠸ᠋ᠮ ᠡ ᠬᠤᠩ︕ᠤᠸ᠋ᠮ ᠡ ᠬᠤᠩ︕ | ᠳᠠᠩᠰᠤᠭ ᠪᠤᠯᠬᠤ ᠠᠳᠢᠰᠳᠠᠳ ᠤᠨ ᠰᠢᠳᠢ ᠬᠤᠷᠠ ᠶᠢ ᠦᠭᠭᠦᠭᠴᠢ | ᠳᠠᠭᠠᠯᠠᠯᠳᠤ ᠦᠢᠯᠡᠰ ᠤᠳ ᠢ ᠰᠤᠶᠤᠷᠬᠠᠭᠤᠯᠤᠨ ᠢᠪᠡᠭᠡᠴᠢ | ᠪᠤᠷᠬᠠᠨ ᠪᠤᠳᠢᠰᠸᠠ ᠨᠠᠷ ᠪᠠ ᠴᠤᠬᠠᠭ ᠭᠤᠷᠪᠠᠨ ᠡᠷᠳᠡᠨᠢ | ᠪᠠᠯᠮᠠ ᠢᠳᠡᠮ ᠭᠤᠷᠪᠠᠨ ᠴᠤᠬᠠᠭ ᠢᠶᠠᠷ ᠴᠢᠭᠤᠯᠤᠭᠰᠠᠨ ᠠᠷᠰᠢ ᠨᠠᠷ | ᠪᠠᠭᠠᠳᠤᠳ ᠪᠠ ᠷᠠᠭᠢᠨᠢᠰ ᠤᠨ ᠴᠢᠭᠤᠯᠭᠠᠨ ᠢᠶᠠᠷ ᠡᠬᠢᠯᠡᠨ | ᠠᠮᠠᠨ ᠠᠪᠤᠨ ᠳᠠᠩᠭᠠᠷᠢᠭᠯᠠᠭᠰᠠᠨ ᠨᠤᠮᠤᠨ ᠰᠠᠬᠢᠭᠤᠯᠰᠤᠨ ᠨᠠᠷ | ᠰᠠᠶᠢᠨ ᠢ ᠬᠦᠰᠡᠨ ᠰᠠᠨᠠᠭᠰᠠᠨ ᠪᠠ ᠶᠤᠺᠠᠽᠠᠷᠢ ᠪᠢᠳᠡᠨ ᠤ | ᠰᠠᠶᠢᠨ ᠤ ᠡᠷᠳᠡᠮ ᠬᠡᠢ ᠮᠤᠷᠢ ᠶᠢ ᠳᠡᠩᠴᠡᠭᠦᠯᠦᠨ ᠰᠤᠶᠤᠷᠬᠠ | ᠳᠠᠨ ᠤ ᠠᠤᠭᠠ ᠬᠦᠴᠦᠨ ᠢᠶᠠᠷ ᠬᠠᠷᠠ ᠶᠢᠨ ᠤᠮᠤᠭ ᠢ ᠳᠠᠷᠤᠭᠳᠤᠨ᠃ | ᠴᠠᠭᠠᠨ ᠵᠦᠭ ᠲᠤ ᠢᠯᠭᠤᠭᠰᠠᠨ ᠬᠦᠰᠡᠯ ᠬᠡᠷᠡᠭ ᠢ ᠪᠦᠳᠦᠭᠡ | ᠤᠷᠤᠩᠭᠠ ᠶᠢ ᠰᠠᠨᠰᠠᠷ ᠲᠤᠶᠢᠯ ᠤᠨ ᠦᠵᠦᠭᠦᠷ ᠲᠤ ᠪᠤᠰᠬᠠᠵᠦ | ᠶᠤᠺᠠ ᠮᠢᠨᠤ ᠬᠡᠢ ᠮᠤᠷᠢ ᠶᠢ ᠳᠡᠭᠡᠭᠰᠢᠳᠡ ᠳᠡᠭᠵᠢᠭᠦᠯ | ᠪᠠᠷᠰ ᠮᠡᠳᠦ ᠳᠤᠪᠳᠤᠯᠤᠭᠴᠢ ᠬᠡᠢ ᠮᠤᠷᠢ ᠶᠢ ᠮᠠᠨᠳᠤᠭᠤᠯ | ᠠᠷᠰᠯᠠᠨ ᠮᠡᠳᠦ ᠤᠮᠤᠭ ᠰᠦᠷᠳᠦ ᠬᠡᠢ ᠮᠤᠷᠢ ᠶᠢ ᠮᠠᠨᠳᠤᠭᠤᠯ | ᠭᠠᠷᠤᠳᠢ ᠮᠡᠳᠦ ᠴᠢᠷᠪᠢᠨ ᠨᠢᠰᠬᠦ ᠬᠡᠢ ᠮᠤᠷᠢ ᠶᠢ ᠮᠠᠨᠳᠤᠭᠤᠯ | ᠯᠤᠤ ᠮᠡᠳᠦ ᠴᠠᠬᠢᠯᠭᠠᠨᠳᠤ ᠬᠡᠢ ᠮᠤᠷᠢ ᠶᠢ ᠮᠠᠨᠳᠤᠭᠤᠯ | ᠬᠢᠵᠠᠭᠠᠷ ᠦᠭᠡᠢ ᠳᠦᠷᠪᠡᠨ ᠶᠡᠭᠡ ᠬᠦᠴᠦᠳᠡᠨ ᠯᠦᠭᠡ ᠨᠦᠬᠦᠴᠡᠨ | ᠬᠡᠢ ᠮᠤᠷᠢ ᠶᠢ ᠪᠠᠳᠠᠷᠠᠩᠭᠤᠢ ᠭᠠᠶᠢᠬᠠᠮᠰᠢᠭᠳᠤ ᠪᠤᠯᠭᠠᠭᠳᠤᠨ︕ | ᠵᠤᠬᠢᠰᠳᠠᠶᠢᠬᠠᠨ ᠮᠠᠨ ᠢ ᠶᠤᠭᠠᠨ ᠦᠷᠭᠦᠯᠵᠢᠳᠡ ᠳᠡᠭᠵᠢᠷᠡᠭᠦᠯ | ᠵᠤᠬᠢᠰ ᠦᠭᠡᠢ ᠳᠠᠶᠢᠨ ᠠᠶᠢᠮᠠᠭ ᠪᠦᠬᠦᠨ ᠢ ᠲᠤᠪᠷᠠᠭᠯᠠ᠃ | ᠴᠢᠨᠳᠠᠮᠤᠨᠢ ᠡᠷᠳᠡᠨᠢ ᠪᠦᠷᠢᠨ ᠳᠡᠭᠦᠰ ᠭᠠᠶᠢᠬᠠᠮᠰᠢᠭᠳᠤ ᠳᠡᠭᠵᠢᠷᠠ | ᠳᠠᠩᠰᠤᠭ ᠠᠷᠢᠭᠤᠨ ᠪᠤᠶᠠᠨᠳᠤ ᠦᠢᠯᠡᠰ ᠤᠨ ᠴᠡᠴᠡᠭ ᠵᠢᠮᠢᠰ ᠳᠡᠯᠭᠡᠷᠡ | ᠳᠡᠷᠰ ᠳᠠᠶᠢᠰᠤᠨ ᠪᠦᠬᠦᠨ ᠬᠡᠢ ᠮᠤᠷᠢ ᠶᠢ ᠳᠡᠭᠵᠢᠷᠡᠭᠦᠯᠦᠭᠰᠡᠨ ᠪᠤᠶᠠᠨ ᠢᠶᠠᠷ | ᠮᠠᠨ ᠤ ᠪᠠᠶᠠ ᠶᠢᠨ ᠠᠮᠢᠨ ᠨᠠᠰᠤᠨ ᠤ ᠡᠷᠬᠡ ᠬᠦᠴᠦᠨ ᠪᠠᠳᠠᠷᠠ | ᠠᠵᠢᠨᠠᠢ ᠬᠦᠯᠦᠭ ᠤᠨ ᠦᠪᠡᠳᠡᠭᠰᠢ ᠨᠠᠷᠠᠨ ᠮᠡᠳᠦ ᠮᠠᠨᠳᠦᠵᠦ | ᠠᠮᠤᠷ ᠳᠤᠰᠠ ᠴᠤᠭ ᠲᠤᠷ ᠠᠬᠤ ᠶᠢᠨ ᠦᠯᠵᠡᠢ ᠬᠤᠳᠤᠭ ᠤᠷᠤᠰᠢ | ᠭᠦᠩᠳᠦ᠂ ᠰᠤᠷᠸᠠᠨ ᠳ᠋ᠳᠦ᠋ᠤ ᠡᠾᠤᠤ ᠬᠡᠢ ᠮᠤᠷᠢ | ᠳᠡᠭᠵᠢᠨ ᠮᠠᠨᠳᠤᠳᠤᠭᠠᠢ︕》 ᠭᠡᠵᠦ ᠤᠩᠰᠢᠨᠠ᠃ | ᠨᠤᠮ ᠤᠩᠰᠢᠵᠦ ᠪᠠᠶᠢᠬᠤ ᠪᠦᠬᠦ ᠶᠠᠪᠤᠴᠠ ᠳᠤ ᠵᠤᠯᠠ᠂ ᠬᠦᠵᠡ᠂ ᠰᠠᠩ ᠳᠠᠰᠤᠷᠠᠬᠤ ᠦᠭᠡᠢ᠃ ᠤᠯᠠᠨ | ᠬᠦᠮᠦᠰ ᠭᠡᠷ ᠠᠴᠠ ᠪᠠᠨ ᠠᠪᠴᠢᠷᠠᠭᠰᠠᠨ ᠪᠦᠰ ᠳᠡᠭᠡᠷᠡ ᠬᠡᠢ ᠮᠤᠷᠢ ᠪᠠᠨ ᠳᠠᠷᠤᠵᠦ᠂ ᠰᠠᠩ ᠤᠨ ᠤᠳᠤᠭᠠᠨ ᠳᠡᠭᠡᠷᠡ | ᠳᠠᠷᠤᠵᠦ ᠲᠠᠯᠪᠢᠳᠠᠭ᠃ ᠳᠠᠬᠢᠯᠭᠠ ᠶᠢᠨ ᠰᠠᠩ ᠪᠠ ᠮᠦᠷᠭᠦᠯ ᠤᠨ ᠳᠠᠷᠠᠭᠠ ᠬᠦᠮᠦᠨ ᠠᠮᠢᠳᠠᠨ ᠤ ᠠᠮᠢ ᠨᠠᠰᠤ᠂ ᠠᠳᠠᠯ | ᠦᠢᠯᠡᠰ᠂ ᠬᠤᠪᠢ ᠢᠷᠦᠭᠡᠯ ᠠᠯᠢᠪᠡ ᠪᠦᠬᠦᠨ ᠢᠶᠠᠨ ᠴᠦᠮ ᠰᠠᠶᠢᠨ ᠵᠦᠭ ᠲᠤ ᠨᠠᠮᠠᠨᠴᠢᠯᠠᠨ ᠳᠠᠭᠠᠳᠬᠠᠵᠦ ᠬᠦᠮᠦᠨ | ᠪᠦᠬᠦᠨ ᠰᠦᠬᠦᠷᠡᠨ ᠮᠦᠷᠭᠦᠭᠡᠳ ᠪᠠᠰᠠ ᠵᠠᠷᠢᠮ ᠨᠢ ᠢᠷᠦᠭᠡᠯ ᠳᠠᠭᠠᠳᠬᠠᠯ ᠤᠩᠰᠢᠳᠠᠭ᠃ ᠢᠷᠦᠭᠡᠯ ᠳᠤ ᠄ | 《 ᠤᠨ ᠡᠷᠳᠡᠨ ᠠᠴᠠ ᠤᠢ ᠳᠠᠶᠢᠭᠠ ᠳᠠᠬᠢᠳᠠᠭ | ᠤᠯᠠᠨ ᠮᠤᠩᠭᠤᠯ ᠵᠠᠩᠰᠢᠯ | ᠤᠳᠤ ᠪᠤᠯᠳᠠᠯᠠ ᠤᠯᠠᠮᠵᠢᠯᠠᠭᠳᠠᠭᠠᠳ | ᠲᠡᠷᠡ ᠬᠦ ᠵᠢᠷᠤᠮ ᠢ ᠮᠦᠷᠳᠡᠨ | ᠳᠡᠨᠢᠭᠡᠷ ᠠᠭᠤᠳᠠᠮ ᠤᠷᠤᠨ ᠤ ᠪᠠᠨ | ᠳᠡᠭᠷᠢ ᠯᠤᠤᠰ ᠢ ᠰᠢᠲᠦᠨᠡᠮ | ᠲᠡᠦᠬᠡᠨ ᠤᠴᠢᠷ ᠢ ᠦᠨᠡᠯᠡᠵᠦ | ᠦᠨᠳᠦᠷ ᠳᠠᠭᠳᠤ ᠪᠤᠰᠬᠠᠨ | ᠦᠷᠯᠦᠭ ᠮᠠᠶᠢᠬᠠᠨ ᠪᠠᠷᠢᠵᠦ᠂ | ᠳᠠᠩᠰᠤᠭ ᠢᠳᠡᠭᠡ ᠰᠢᠭᠦᠰᠦ ᠪᠠᠨ | ᠳᠠᠪᠠᠭ ᠳᠠᠪᠰᠢᠨ ᠳᠤ ᠦᠷᠦᠭᠡᠳ | ᠠᠯᠳᠠᠨ ᠰᠦᠮᠪᠦᠷ ᠤᠪᠤᠭᠠ ᠪᠠᠨ | ᠠᠷᠢᠭᠤᠳᠬᠠᠨ ᠳᠠᠬᠢᠵᠦ ᠮᠦᠷᠭᠦᠭᠡᠳ | ᠰᠠᠩ ᠤᠨ ᠠᠷᠢᠭᠤᠨ ᠤᠳᠤᠭᠠ ᠶᠢ | ᠰᠠᠨᠰᠠᠷ ᠲᠤᠯᠳᠠᠯᠠ ᠳᠡᠭᠳᠡᠭᠡᠵᠦ | ᠬᠤᠳᠤᠭ ᠦᠯᠵᠡᠢ ᠪᠦᠷᠢᠯᠳᠦᠭᠰᠡᠨ | ᠬᠤᠷᠳᠤᠨ ᠰᠤᠮᠤ ᠪᠠᠨ ᠪᠠᠷᠢᠵᠦ | ᠬᠤᠪᠢ ᠭᠡᠰᠢᠭ ᠤᠨ ᠪᠤᠶᠠᠨ ᠢ | ᠬᠤᠷᠤᠶᠢᠯᠠᠨ ᠳᠠᠯᠠᠯᠵᠦ ᠠᠪᠴᠢᠷᠠᠨᠠᠮ︕》 ᠭᠡᠵᠦ ᠢᠷᠦᠭᠡᠨ ᠬᠡᠭᠡᠷᠡ ᠲᠠᠯᠠ ᠳᠡᠭᠡᠷᠡ | ᠠᠮᠪᠠᠨ ᠢᠷᠭᠡ ᠪᠠᠨ ᠰᠢᠭᠦᠰᠦᠯᠡᠵᠦ ᠳᠠᠷᠠᠰᠦ ᠪᠠᠨ ᠦᠷᠦᠵᠦ᠂ ᠬᠤᠯᠢᠶᠠ ᠲᠠᠢ ᠴᠠᠭᠠᠳᠠᠢ ᠲᠤᠳᠤᠷᠭᠠᠨ ᠪᠤᠳᠠᠭᠠ ᠪᠠᠨ | ᠴᠢᠨᠠᠵᠦ ᠬᠠᠮᠳᠤ ᠪᠠᠷ ᠢᠳᠡᠵᠦ ᠤᠤᠭᠤᠵᠠᠭᠠᠨ ᠢᠷᠡᠬᠦ ᠵᠢᠯ ᠤᠨ ᠢᠶᠠᠨ ᠰᠠᠶᠢᠨ ᠰᠠᠶᠢᠬᠠᠨ ᠢ ᠵᠦᠩᠨᠡᠨ ᠪᠡᠯᠭᠡᠳᠡᠳᠡᠭ | ᠪᠢᠯᠡ᠃ ᠡᠭᠦᠨ ᠤ ᠳᠠᠭᠠᠦ ᠪᠦᠬᠡ ᠪᠠᠷᠢᠯᠳᠤᠬᠤ᠂ ᠮᠤᠷᠢ ᠤᠷᠤᠯᠳᠤᠬᠤ᠂ ᠵᠤᠯᠠᠭ ᠵᠤᠯᠠᠭᠯᠠᠬᠤ ᠵᠡᠷᠭᠡ ᠨᠠᠶᠢᠷ ᠨᠠᠭᠠᠳᠤᠮ | ᠢ ᠡᠭᠦᠰᠬᠡᠵᠦ᠂ ᠪᠠᠰᠠ ᠳᠠᠭᠤᠯᠠᠵᠦ ᠨᠠᠶᠢᠷᠯᠠᠵᠠᠭᠠᠳᠠᠭ᠃ | ᠤᠪᠤᠭᠠᠨ ᠳᠠᠬᠢᠯᠭᠠ ᠶᠢᠨ ᠪᠤᠳᠠᠭᠠ ᠴᠠᠢ ᠶᠢ ᠢᠳᠡᠵᠦ ᠤᠤᠭᠤᠬᠤ ᠠᠴᠠ ᠡᠮᠦᠨᠡ ᠤᠷᠢᠳᠠᠪᠠᠷ ᠭᠠᠯ ᠠᠴᠠ | ᠲᠡᠷᠢᠭᠦᠯᠡᠨ ᠪᠡᠯᠴᠢᠭᠡᠷ ᠤᠰᠤ ᠬᠦᠳᠡᠭᠡ ᠲᠠᠯᠠ ᠳᠠᠭᠠᠨ ᠨᠢᠭᠡᠨ ᠵᠡᠷᠭᠡ ᠰᠠᠴᠤᠨ ᠡᠷᠭᠦᠭᠰᠡᠨ ᠤ ᠳᠠᠷᠠᠭᠠ ᠰᠠᠶ᠋ᠢ | ᠪᠦᠭᠦᠳᠡᠭᠡᠷ ᠢᠶᠠᠨ ᠴᠠᠳᠲᠠᠯᠠ ᠢᠳᠡᠵᠦ ᠬᠠᠨᠳᠠᠯᠠ ᠤᠤᠭᠤᠳᠠᠭ ᠪᠠᠶᠢᠨᠠ᠃ ᠨᠠᠶᠢᠷ ᠤᠨ ᠳᠡᠭᠡᠵᠢ ᠨᠢᠭᠡ ᠬᠤᠨᠢᠨ ᠬᠠ | ᠴᠤ ᠪᠤᠯᠤᠭ ᠦᠯᠡᠳᠡᠪᠡᠯ ᠪᠦᠭᠦᠳᠡᠭᠡᠷ ᠬᠤᠪᠢᠶᠠᠯᠴᠠᠨ ᠠᠪᠳᠠᠭ᠃ ᠦᠭᠡᠷᠡ ᠪᠠᠷ ᠬᠡᠯᠡᠪᠡᠯ ᠦᠯᠡᠳᠡᠭᠰᠡᠨ ᠵᠦᠢᠯ ᠢᠶᠠᠨ | ᠠᠳᠠᠯᠢ ᠳᠡᠭᠰᠢ ᠬᠤᠪᠢᠶᠠᠯᠴᠠᠵᠦ ᠠᠶᠢᠯ ᠡᠷᠦᠬᠡ ᠳᠡᠭᠡᠨ ᠦᠯᠡᠳᠡᠵᠦ ᠬᠤᠴᠤᠷᠠᠭᠰᠠᠨ ᠬᠡᠦᠭᠡᠳ ᠪᠠ ᠨᠠᠰᠤᠳᠠᠳ ᠲᠠᠭᠠᠨ | ᠠᠮᠰᠠᠭᠤᠯᠵᠦ ᠢᠳᠡᠭᠦᠯᠬᠦ ᠰᠠᠶᠢᠬᠠᠨ ᠶᠤᠰᠤ ᠪᠠᠶᠢᠳᠠᠭ᠃ | ᠨᠠᠶᠢᠷ ᠦᠷᠭᠦᠯᠵᠢᠯᠡᠬᠦ ᠳᠤ ᠬᠦᠷᠪᠡᠯ ᠰᠦᠨᠢ ᠲᠤᠵᠢ ᠳᠦᠳᠡᠭ ᠭᠠᠯ ᠲᠦᠯᠡᠵᠦ᠂ ᠮᠠᠷᠭᠠᠰᠢ ᠶᠢᠨ ᠬᠢᠨ | ᠦᠤᠷ ᠤᠨ ᠭᠡᠭᠡ ᠶᠢ ᠤᠭᠳᠤᠬᠤ ᠤᠳᠠᠭᠠ ᠴᠤ ᠤᠯᠠᠨ ᠭᠠᠷᠳᠠᠭ᠃ ᠡᠳᠡᠭᠡᠷ ᠨᠢ ᠬᠡᠳᠦᠶᠢᠪᠡᠷ ᠨᠢᠭᠡ ᠲᠠᠯᠠ ᠪᠠᠷ | ᠲᠡᠭᠷᠢ ᠭᠠᠵᠠᠷ ᠲᠤ ᠡᠳᠦᠢ ᠲᠡᠳᠦᠢ ᠢᠳᠡᠭᠡᠯ ᠨᠠᠶᠢᠳᠠᠪᠤᠷᠢ ᠲᠠᠯᠪᠢᠵᠦ ᠪᠠᠶᠢᠬᠤ ᠶᠠᠪᠤᠳᠠᠯ ᠪᠤᠯᠪᠠᠴᠤ ᠦᠨᠡᠨ ᠳᠡᠭᠡᠨ ᠮᠠᠯ | ᠰᠦᠷᠦᠭ ᠤᠨ ᠢᠶᠠᠨ ᠦᠨᠢᠷ ᠦᠰᠦᠯᠳᠡ ᠪᠡ ᠲᠠᠷᠢᠶᠠ ᠲᠦᠮᠦᠰᠦ ᠶᠢᠨ ᠡᠯᠪᠡᠭ ᠬᠤᠷᠢᠶᠠᠯᠳᠠ ᠶᠢ ᠪᠡᠯᠡᠭᠯᠡᠨ | ᠳᠤᠷᠠᠰᠬᠠᠬᠤ ᠴᠡᠩᠬᠡᠯᠳᠦᠬᠦ ᠨᠠᠶᠢᠷ ᠨᠠᠭᠠᠳᠤᠮ ᠤᠨ ᠠᠭᠤᠯᠭᠠ ᠪᠤᠯᠤᠨᠠ᠃ ᠡᠨᠡ ᠬᠦ ᠰᠠᠶᠢᠨ ᠰᠠᠶᠢᠬᠠᠨ ᠵᠠᠩᠰᠢᠯ ᠨᠢ | ᠮᠠᠨ ᠤ ᠤᠷᠳᠤᠰ ᠨᠤᠳᠤᠭ ᠤᠨ ᠠᠷᠠᠳ ᠲᠦᠮᠡᠨ ᠤ ᠳᠤᠮᠳᠠ ᠤᠨ ᠤᠳᠠᠭᠠᠨ ᠬᠠᠳᠠᠭᠠᠯᠭᠰᠠᠭᠠᠷ᠂ | ᠤᠯᠠᠮᠵᠢᠯᠠᠭᠳᠠᠭᠰᠠᠭᠠᠷ ᠢᠷᠡᠵᠡᠢ᠃ | ᠳᠡᠭᠡᠷᠡᠬᠢ《 ᠤᠪᠤᠭᠠᠨ ᠳᠠᠬᠢᠯᠭᠠ ᠶᠢᠨ ᠰᠠᠩ》 ᠠᠴᠠ ᠦᠵᠡᠬᠦ ᠳᠤ ᠤᠪᠤᠭᠠᠨ ᠤ ᠲᠠᠬᠢᠯᠭᠠ ᠶᠢᠨ ᠦᠭᠡ | ᠰᠢᠭ ᠪᠤᠯᠪᠠᠴᠤ ᠦᠨᠡᠨ ᠳᠡᠭᠡᠨ ᠪᠦᠬᠦ ᠮᠤᠩᠭᠤᠯ ᠨᠤᠳᠤᠭ ᠤᠨ ᠠᠯᠳᠠᠷᠳᠤ ᠠᠭᠤᠯᠠ ᠣᠰᠣ ᠶᠢ ᠳᠤᠷᠠᠳᠴᠤ ᠪᠠᠶᠢᠬᠤ | ᠪᠠᠷ ᠪᠠᠷᠠᠬᠤ ᠦᠭᠡᠢ ᠡᠪᠡᠰᠦ ᠪᠡᠯᠴᠢᠭᠡᠷ ᠦᠩ ᠰᠢᠮᠡᠯᠢᠭ ᠠᠳᠤᠭᠤ ᠮᠠᠯ ᠳᠠᠷᠭᠤ ᠰᠠᠶᠢᠳᠠᠢ᠂ ᠬᠦᠮᠦᠨ ᠠᠮᠢᠳᠠᠨ ᠡᠷᠡᠭᠦᠯ | ᠡᠩᠬᠡ᠂ ᠬᠠᠷᠢ ᠶᠢᠨ ᠳᠠᠶᠢᠰᠤᠨ ᠤ ᠳᠠᠷᠣᠯᠠᠯ ᠦᠭᠡᠢ ᠳᠦᠪᠰᠢᠨ ᠵᠢᠷᠭᠠᠯ ᠲᠠᠢ ᠪᠠᠶᠢᠬᠤ ᠶᠢ ᠬᠦᠰᠡᠭᠰᠡᠨ ᠰᠡᠳᠭᠢᠯᠭᠡᠨ ᠤ | ᠴᠢᠭᠯᠡᠯ ᠳᠤᠳᠤᠬᠠᠨ ᠪᠠᠶᠢᠳᠠᠭ᠃ ᠤᠷᠳᠤᠰ ᠮᠤᠩᠭᠤᠯ ᠤᠨ ᠤᠳᠬᠠ ᠰᠤᠶᠤᠯ᠂ ᠠᠵᠢᠯ ᠦᠢᠯᠡᠰ ᠡᠭᠦᠷᠢᠳᠡ ᠨᠠᠷᠠ | ᠮᠡᠳᠦ ᠮᠠᠨᠳᠤᠵᠦ᠂ ᠠᠪᠴᠢ ᠮᠡᠳᠦ ᠳᠡᠯᠭᠡᠷᠡᠵᠦ ᠶᠠᠪᠤᠬᠤ ᠶᠢ ᠵᠤᠷᠢᠭᠰᠠᠨ ᠵᠤᠷᠢᠯᠳᠠ ᠴᠤ ᠪᠤᠢ᠃ |