| 1. ᠭᠡᠶᠢᠴᠢᠨ ᠵᠣᠴᠢᠨ ᠴᠤᠭᠯᠠᠷᠠᠬᠤ | ᠭᠦᠭᠦᠯ ᠬᠤᠷᠢᠮ ᠪᠠ ᠰᠠᠭᠠᠳᠠᠭ ᠬᠤᠷᠢᠮ ᠳᠤ ᠬᠡᠦᠬᠡᠨ ᠲᠠᠯᠠ ᠪᠠ ᠬᠦᠷᠭᠡᠨ ᠲᠠᠯᠠ ᠶᠢᠨ ᠰᠢᠳᠠᠷ ᠲᠥᠷᠥᠯ | ᠰᠠᠳᠤᠨ ᠵᠠᠪᠠᠯ ᠬᠤᠷᠢᠮ ᠤᠨ ᠤᠷᠢᠳ ᠡᠳᠦᠷ ᠲᠤ ᠲᠤᠰ ᠲᠤᠰ ᠲᠠᠭᠠᠨ ᠴᠤᠭᠯᠠᠷᠠᠵᠤ ᠢᠷᠡᠭᠰᠡᠨ ᠪᠠᠶᠢᠬᠤ ᠬᠡᠷᠡᠭᠲᠡᠢ᠃ | ᠭᠡᠬᠦ ᠳᠡᠭᠡᠨ ᠬᠤᠷᠢᠮ ᠤᠨ ᠰᠠᠪᠠ᠂ ᠭᠡᠷ ᠤᠨ ᠰᠠᠪᠠ᠂ ᠬᠦᠷᠭᠡᠨ ᠬᠦᠦ᠂ ᠬᠡᠦᠬᠡᠨ ᠤ ᠬᠤᠪᠢ ᠭᠡᠵᠤ ᠭᠤᠷᠪᠠᠨ | ᠵᠦᠢᠯ ᠤᠨ ᠰᠠᠪᠠ ᠶᠢᠨ ᠪᠡᠯᠡᠳᠬᠡᠮᠵᠢ ᠲᠠᠢ ᠢᠷᠡᠨᠡ᠃ | 2.ᠰᠠᠪᠠ ᠪᠡᠯᠡᠭ ᠲᠠᠯᠪᠢᠬᠤ | ᠲᠥᠷᠥᠯ ᠤᠳ ᠴᠤᠭᠯᠠᠷᠠᠨ ᠢᠷᠡᠭᠰᠡᠨ ᠳᠠᠷᠠᠭᠠ ᠠᠮᠤᠷ ᠮᠡᠨᠳᠤ ᠠᠰᠠᠭᠤᠯᠴᠠᠨ ᠬᠦᠬᠦᠷ ᠰᠣᠯᠢᠯᠴᠠᠵᠤ ᠵᠣᠯᠭᠠᠵᠤ | ᠭᠡᠷ ᠲᠤ ᠣᠷᠣᠵᠤ ᠴᠠᠢ ᠠᠮᠰᠠᠭᠰᠠᠨ ᠳᠠᠷᠠᠭᠠ ᠰᠢᠳᠠᠷ ᠲᠥᠷᠥᠯ ᠤᠨ ᠶᠡᠭᠡ ᠪᠠᠭᠠ ᠶᠢᠨ ᠳᠠᠷᠠᠭᠠᠯᠠᠯ ᠢᠶᠠᠷ ᠰᠠᠪᠠ | ᠪᠡᠯᠡᠭ ᠢᠶᠠᠨ ᠲᠠᠯᠪᠢᠨᠠ᠃ | ᠬᠤᠨᠢᠨ ᠰᠢᠭᠦᠰᠦᠨ ᠳᠤ ᠬᠠᠰᠢᠯᠠᠭ ᠪᠣᠯᠭᠠᠵᠤ ᠵᠢᠷᠭᠤᠭᠠᠨ ᠪᠣᠭᠤᠷᠰᠤᠭ ᠳᠠᠭᠠᠯᠳᠤᠭᠤᠯᠵᠤ ᠰᠢᠭᠦᠰᠦᠨ ᠳᠡᠭᠡᠷᠡ | ᠨᠢ ᠵᠠᠪᠠᠯ ᠵᠢᠩᠰᠡ ︵ᠲᠤᠭ︶ ᠲᠠᠯᠪᠢᠬᠤ ᠬᠡᠷᠡᠭᠲᠡᠢ᠃ ᠭᠡᠷ ᠤᠨ ᠰᠠᠪᠠ ᠳᠤ ᠨᠠᠢᠮᠠᠨ ᠪᠣᠭᠤᠷᠰᠤᠭ᠂ ᠲᠤᠭ ᠲᠠᠢ | ᠲᠠᠯᠪᠢᠨᠠ᠃ ᠴᠠᠢ ᠶᠢᠨ ᠰᠢᠭᠦᠰᠦᠨ ᠳᠤ ᠵᠢᠷᠭᠤᠭᠠᠨ ᠪᠣᠭᠤᠷᠰᠤᠭ ᠳᠠᠭᠠᠯᠳᠤᠭᠤᠯᠵᠤ ᠳᠡᠭᠡᠷᠡ ᠨᠢ ᠲᠤᠭ ᠲᠠᠯᠪᠢᠵᠤ᠂ | ᠴᠠᠢ ᠶᠢᠨ ᠦᠰᠦᠭ ᠤᠨ ᠲᠣᠯᠤᠭᠠᠢ ᠶᠢ ᠪᠡᠶᠡ ᠵᠦᠭ ᠢᠶᠠᠨ ᠬᠠᠨᠳᠤᠭᠤᠯᠤᠨᠠ᠃ ᠰᠠᠪᠠ ᠪᠡᠯᠡᠭ ᠢᠶᠠᠨ ᠲᠠᠯᠪᠢᠭᠰᠠᠨ | ᠬᠤᠶᠢᠨᠠ ᠬᠤᠷᠢᠮ ᠤᠨ ᠲᠥᠪ ᠦᠭᠡᠢ ᠪᠣᠯ ᠭᠡᠷ ᠤᠨ ᠡᠵᠡᠨ ᠳᠤ ᠴᠠᠭᠠᠨ ᠢᠳᠡᠭᠡ ᠠᠮᠰᠠᠭᠤᠯᠤᠨ ᠶᠠᠮᠠᠷ ᠶᠠᠮᠠᠷ ᠰᠠᠪᠠ | ᠪᠡᠯᠡᠭ ᠭᠡᠵᠤ ᠨᠡᠷᠡᠴᠢᠯᠡᠵᠤ ᠲᠤᠰᠢᠶᠠᠨᠠ᠃ ᠰᠠᠪᠠ ᠪᠡᠯᠡᠭ ᠢ ᠭᠠᠷᠳᠠᠨ ᠠᠪᠤᠭᠰᠠᠨ ᠳᠠᠷᠠᠭᠠ ᠰᠠᠪᠠ ᠶᠢᠨ ᠬᠠᠷᠢᠭᠤ ᠭᠡᠵᠤ | ᠬᠤᠶᠠᠷ ᠪᠣᠭᠤᠷᠰᠤᠭ ᠢ ᠳᠠᠷᠤᠢ ᠳᠤᠨᠢ ᠪᠤᠴᠠᠭᠠᠨᠠ᠃ | ᠬᠦᠷᠭᠡᠨ ᠬᠦᠦ ᠪᠤᠶᠤ ᠬᠡᠦᠬᠡᠨ ᠤ ᠬᠤᠪᠢ ᠶᠢ ᠲᠤᠰ ᠬᠦᠮᠦᠨ ᠳᠤ ᠨᠢ ᠴᠠᠭᠠᠨ ᠢᠳᠡᠭᠡ ᠠᠮᠰᠠᠭᠤᠯᠤᠨ | ᠥᠭᠭᠦᠨᠡ ᠃ ᠭᠡᠬᠦ ᠳᠤ ᠴᠠᠭᠠᠨ ᠢᠳᠡᠭᠡᠨ ᠠᠮᠰᠠᠭᠠᠳ ᠮᠥᠷᠭᠦᠵᠦ ᠳᠣᠰᠴᠤ ᠠᠪᠤᠨᠠ᠃ ᠶᠡᠷᠦᠩᠬᠡᠢ ᠳᠡᠭᠡᠨ ᠬᠦᠷᠭᠡᠨ | ᠬᠦᠦ ᠪᠠ ᠬᠡᠦᠬᠡᠨ ᠤ ᠬᠤᠪᠢ ᠳᠤ ᠨᠠᠢᠮᠠᠨ ᠪᠣᠭᠤᠷᠰᠤᠭ᠂ ᠵᠠᠬᠠ ᠬᠤᠪᠴᠠᠰᠤ ᠪᠤᠶᠤ ᠬᠤᠪᠴᠠᠰᠤᠨ ᠤ ᠪᠠᠷᠠᠭᠠ᠂ | ᠬᠡᠦᠬᠡᠨ ᠤ ᠡᠮᠦᠰᠭᠡᠯ ᠵᠠᠰᠠᠯ ᠴᠢᠮᠡᠭ ᠤᠨ ᠡᠳ᠋᠂ ᠵᠣᠭᠤᠰ ᠮᠥᠩᠭᠦ ᠴᠤ ᠪᠠᠶᠢᠵᠤ ᠪᠣᠯᠤᠨᠠ᠃ | ᠭᠡᠶᠢᠴᠢᠨ ᠵᠣᠴᠢᠨ ᠴᠥᠮ ᠴᠤᠭᠯᠠᠷᠠᠵᠤ ᠰᠠᠪᠠ ᠪᠡᠯᠡᠭ ᠲᠠᠯᠪᠢᠵᠤ ᠪᠠᠷᠠᠭᠰᠠᠨ ᠳᠠᠷᠠᠭᠠ ᠵᠣᠴᠢᠳ ᠲᠤ ᠰᠠᠭᠤᠳᠠᠯ | ᠵᠠᠰᠠᠵᠤ ᠴᠠᠢ ᠤᠤᠭᠤᠯᠭᠠᠨᠠ᠃ ᠢᠩᠬᠢᠭᠡᠳ ᠭᠡᠷ ᠤᠨ ᠡᠵᠡᠨ ᠵᠣᠴᠢᠳ ᠲᠠᠭᠠᠨ ᠭᠤᠷᠪᠠᠨ ᠬᠤᠨᠳᠠᠭᠠ ᠠᠷᠢᠬᠢ | ᠪᠠᠷᠢᠭᠠᠳ᠄ ︽ᠵᠠ︕ ᠬᠤᠷᠢᠮ ᠤᠨ ᠡᠬᠡᠳᠡᠨ᠂ ᠬᠤᠨᠴᠢᠨ᠂ ᠪᠡᠷᠭᠡᠳ ᠬᠤᠯᠠ ᠣᠶᠢᠷᠠ ᠶᠢᠨ ᠥᠷᠭᠡᠨ | ᠲᠥᠷᠥᠯ ᠤᠳ ᠢ ᠤᠷᠢᠵᠤ ᠠᠪᠴᠢᠷᠠᠭᠰᠠ ᠤᠴᠢᠷ ᠪᠣᠯᠪᠠᠰᠤ ᠮᠠᠨ ᠤ ᠬᠦᠦ ︵ᠬᠡᠦᠬᠡᠨ︶ ᠨᠢᠭᠡ ᠪᠡᠶᠡ ᠬᠤᠶᠠᠷ ᠪᠣᠯᠵᠤ | ᠠᠶᠢᠯ ᠭᠡᠷ ᠪᠣᠯᠬᠤ ᠬᠤᠷᠢᠮ ᠨᠠᠶᠢᠷ ᠬᠢᠬᠦ ᠲᠤᠬᠠᠢ ᠶᠤᠮ ᠡ᠂ ᠬᠤᠷᠢᠮ ᠤᠨ ᠶᠠᠪᠤᠳᠠᠯ ᠢ ᠬᠡᠷᠬᠢᠨ ᠵᠣᠬᠢᠴᠠᠭᠤᠯᠵᠤ | ᠥᠩᠭᠡ ᠲᠠᠢ ᠰᠠᠶᠢᠬᠠᠨ ᠪᠣᠯᠭᠠᠬᠤ ᠶᠢ ᠲᠠ ᠪᠦᠬᠦᠨ ᠳᠡᠭᠡᠨ ᠨᠠᠶᠢᠳᠠᠵᠤ ᠪᠠᠶᠢᠨᠠ ︾ ᠭᠡᠵᠤ ᠮᠥᠷᠭᠦᠭᠡᠳ ᠬᠤᠷᠢᠮ ᠤᠨ | ᠲᠥᠷᠦᠭᠦᠦ ᠳᠤ ᠬᠤᠷᠢᠮ ᠢ ᠰᠠᠶᠢᠬᠠᠨ ᠠᠮᠵᠢᠯᠲᠠ ᠲᠠᠢ ᠪᠣᠯᠭᠠᠰᠤᠭᠠᠢ ᠭᠡᠵᠦ ᠲᠠᠬᠢᠨᠳᠠ ᠬᠠᠳᠠᠭ ᠲᠠᠲᠠᠵᠤ ᠨᠠᠶᠢᠲᠠᠨᠠ᠃ | ᠬᠤᠷᠢᠮ ᠤᠨ ᠲᠥᠷᠦᠭᠦᠦ ᠭᠡᠷ ᠤᠨ ᠡᠵᠡᠨ ᠤ ᠨᠠᠶᠢᠳᠠᠯᠭᠠ ᠪᠠᠷ ᠬᠤᠷᠢᠮ ᠤᠨ ᠳᠡᠮᠴᠢ ᠲᠡᠷᠢᠭᠦᠯᠡᠨ ᠠᠯᠢᠪᠠ | ᠲᠣᠭᠤᠭᠠᠴᠢ᠂ ᠦᠢᠯᠡᠴᠢᠯᠡᠭᠴᠢ᠂ ᠬᠤᠨᠴᠢᠨ᠂ ᠨᠠᠶᠢᠷᠴᠢᠨ᠂ ᠪᠡᠷᠭᠡᠨ ᠬᠦᠷᠳᠡᠯᠡ ᠨᠢᠭᠡ ᠨᠢᠭᠡ ᠪᠠᠷ ᠠᠷᠢᠬᠢ ᠪᠠᠷᠢᠵᠤ | ᠠᠵᠢᠯ ᠳᠠᠭᠠᠭᠠᠯᠭᠠᠨᠠ᠃ ᠢᠩᠬᠢᠭᠡᠳ ᠪᠦᠬᠦ ᠵᠣᠴᠢᠳ ᠲᠤ ᠰᠠᠭᠤᠳᠠᠯ ᠵᠠᠰᠠᠵᠤ ᠭᠦᠭᠦᠯ ᠬᠤᠷᠢᠮ ᠪᠤᠶᠤ ᠰᠠᠭᠠᠳᠠᠭ | ᠬᠤᠷᠢᠮ ᠵᠢᠩᠬᠢᠨᠢ ᠪᠠᠷ ᠡᠬᠢᠯᠡᠵᠦ ᠬᠤᠷᠢᠮ ᠤᠨ ᠴᠠᠢ ᠤᠤᠭᠤᠨᠠ᠃ | ᠭᠦᠭᠦᠯ ᠬᠤᠷᠢᠮ ᠨᠢ ᠬᠤᠷᠢᠮ ᠤᠨ ᠴᠠᠢ ᠠᠴᠠ ᠡᠮᠦᠨᠡ ᠮᠣᠷᠳᠠᠬᠤ ᠬᠡᠦᠬᠡᠨ ᠤ ᠭᠡᠵᠢᠭᠡ ᠶᠢ ᠭᠦᠭᠦᠯ ᠭᠦᠷᠦᠵᠦ | ᠡᠬᠡᠨᠡᠷ ᠬᠦᠮᠦᠨ ᠤ ᠮᠠᠯᠠᠭᠠᠢ ᠵᠠᠰᠠᠯ᠂ ᠰᠠᠶᠢᠬᠠᠨ ᠬᠤᠪᠴᠠᠰᠤ ᠡᠮᠦᠰᠭᠡᠵᠤ ᠲᠣᠯᠤᠭᠠᠢ ᠶᠢ ᠳᠣᠷᠳᠣᠩ ᠢᠶᠠᠷ ᠪᠦᠷᠬᠦᠵᠦ | ᠣᠯᠠᠨ ᠲᠥᠷᠥᠯ ᠳᠤ ᠠᠮᠤᠷ ᠠᠰᠠᠭᠤᠵᠤ ᠬᠦᠬᠦᠷ ᠰᠣᠯᠢᠨᠠ᠃ | 3.ᠳᠠᠭᠤᠤ ᠳᠦᠷᠢᠵᠤ ᠬᠤᠷᠢᠮ ᠨᠠᠶᠢᠷ ᠡᠬᠢᠯᠡᠬᠦ | ᠬᠤᠷᠢᠮ ᠤᠨ ᠴᠠᠢ ᠶᠢᠨ ᠳᠠᠷᠠᠭᠠ ᠬᠤᠷᠢᠮ ᠤᠨ ᠠᠷᠢᠬᠢ ᠭᠤᠷᠪᠠᠨ ᠬᠤᠨᠳᠠᠭᠠ ᠥᠩᠭᠡᠷᠡᠪᠡᠯ ᠬᠤᠷᠢᠮ ᠤᠨ | ᠲᠥᠪ ᠰᠢᠷᠡᠭᠡᠨ ᠠᠴᠠ ︽ᠠᠶᠠᠬᠠᠨ ᠰᠠᠶ᠋ᠢ᠂ ᠸᠠᠶᠢᠳᠤᠨ ᠰᠠᠶ᠋ᠢ᠂ ᠠᠶᠠᠬᠠᠨ ᠰᠠᠶ᠋ᠢ ᠠᠰᠢᠳᠠ ᠶᠢᠨ ᠠᠮᠤᠭᠤᠯᠠᠩ ᠵᠢᠷᠭᠠᠶᠠ | ᠪᠢᠳᠡ︾ ᠭᠡᠵᠦ ᠳᠠᠭᠤᠤ ᠳᠥᠷᠢᠭᠰᠡᠭᠡᠷ ᠳᠠᠭᠤᠴᠢᠨ ᠨᠠᠶᠢᠷᠴᠢᠨ ᠮᠠᠩᠯᠠᠢ ᠳᠠᠭᠤᠤ ᠮᠠᠰᠢ ᠴᠤᠬᠠᠭ ᠳᠡᠭᠡᠳᠤ ᠁ | ᠭᠡᠳ ᠯᠠ ᠬᠠᠩᠭᠢᠨᠠᠭᠤᠯᠤᠨᠠ᠃ ᠬᠤᠶᠠᠷ ᠠᠴᠠ ᠭᠤᠷᠪᠠᠨ ᠪᠠᠳᠠᠭ ᠳᠠᠭᠤᠯᠠᠬᠤ ᠪᠤᠷᠢ ᠲᠥᠪ ᠤᠨ ᠰᠢᠷᠡᠭᠡᠨ ᠠᠴᠠ | ᠳᠠᠬᠢᠨᠳᠠ ᠲᠥᠷᠢᠯᠭᠡ ᠡᠬᠢᠯᠡᠭᠦᠯᠵᠦ᠂ ᠬᠤᠶᠠᠳᠠᠬᠢ ᠭᠦᠷᠦ ᠳᠠᠭᠤᠤ ᠪᠠᠨ ᠳᠠᠭᠤᠯᠠᠨᠠ᠂ ᠮᠥᠨ ᠬᠤᠶᠠᠷ ᠠᠴᠠ ᠭᠤᠷᠪᠠᠨ | ᠪᠠᠳᠠᠭ ᠳᠠᠭᠤᠯᠠᠭᠰᠠᠨ ᠳᠠᠷᠠᠭᠠ ᠬᠤᠷᠢᠮ ᠤᠨ ᠲᠥᠪᠯᠡᠨ ᠰᠠᠭᠤᠭᠴᠢᠳ ᠠᠴᠠ ᠭᠤᠷᠪᠠᠳᠠᠬᠢ ᠳᠠᠭᠤᠨ ᠤ ᠲᠥᠷᠢᠯᠭᠡ | ᠬᠢᠵᠤ ᠳᠠᠭᠤᠴᠢᠨ ᠠᠴᠠ ᠭᠤᠷᠪᠠᠳᠠᠬᠢ ᠭᠦᠷᠦ ᠳᠠᠭᠤᠤ ᠪᠠᠨ ᠳᠠᠭᠤᠯᠠᠨᠠ᠃ | ᠦᠷᠭᠦᠯᠵᠢ ᠳᠠᠭᠤᠯᠠᠳᠠᠭ ᠭᠦᠷᠦ ᠳᠠᠭᠤᠤ ︽ ᠮᠠᠰᠢ ᠴᠤᠬᠠᠭ︾᠂ ︽ᠰᠠᠭᠯᠠᠭᠠᠷ ᠽᠠᠨᠳᠠᠨ︾᠂ | ︽ᠬᠥᠬᠡᠷᠡᠭᠴᠢ ᠤᠭᠲᠠᠷᠭᠤᠢ︾᠂ ︽ᠪᠣᠷᠣ ᠲᠤᠬᠤᠢ ᠶᠢᠨ ᠴᠡᠴᠡᠭ ︾᠂ ︽ᠰᠠᠶᠢᠷ ᠪᠤᠯᠠᠭ︾᠂ ︽ᠥᠨᠳᠥᠷ | ᠵᠢᠮᠡ ᠶᠢᠨ ᠰᠢᠯᠢ︾᠂ 《 ᠳᠠᠯᠭᠡᠷ ᠬᠠᠩᠭᠠᠢ ︾᠂ ︽ᠲᠥᠷᠥ ᠶᠢᠨ ᠶᠡᠭᠡ ᠠᠰᠠᠷ ︾ ᠭᠡᠬᠦ ᠮᠡᠲᠦ ᠪᠠᠷ ᠠᠷᠪᠠᠭᠠᠳ | ᠳᠠᠭᠤᠤ ᠪᠠᠶᠢᠳᠠᠭ ᠰᠠᠨ᠃ | 4.ᠳᠠᠭᠤᠤ ᠶᠢᠨ ᠵᠣᠷᠢᠭ ᠮᠡᠳᠡᠭᠦᠯᠬᠦ | ᠮᠠᠩᠯᠠᠢ ᠭᠤᠷᠪᠠᠨ ᠳᠠᠭᠤᠤ ᠥᠩᠭᠡᠷᠡᠪᠡᠯ ᠳᠠᠭᠤᠴᠢᠳ ᠠᠴᠠ ᠨᠢᠭᠡ ᠡᠷᠡᠭᠲᠡᠢ ᠨᠢᠭᠡ ᠡᠮᠡᠭᠲᠡᠢ ᠲᠥᠯᠦᠭᠡᠯᠡᠨ | ᠭᠠᠷᠴᠤ ᠬᠤᠨᠳᠠᠭᠠᠨ ᠳᠠᠭᠠᠨ ᠠᠷᠢᠬᠢ ᠳᠦᠭᠦᠷᠭᠡᠵᠦ ᠲᠥᠪᠯᠡᠨ ᠰᠠᠭᠤᠭᠰᠠᠨ ᠬᠤᠶᠠᠷ ᠬᠦᠮᠦᠨ ᠳᠤ: ︽ᠡᠵᠡᠨ | ᠲᠡᠭᠷᠢ ᠶᠢᠨ ᠬᠡᠰᠢᠭ ᠪᠠᠶᠢᠨᠠ᠂ ᠡᠷᠬᠡᠲᠦ ᠶᠠᠮᠠᠲᠤᠭ ᠤᠨ ᠷᠠᠰᠢᠶᠠᠨ ᠪᠠᠶᠢᠨᠠ ᠁ ᠡᠷᠭᠦᠨ ᠪᠠᠷᠢᠬᠤ ᠶᠢᠨ ᠵᠣᠷᠢᠭ | ᠪᠠᠶᠢᠨᠠ︾ ᠭᠡᠵᠦ ᠬᠡᠳᠦᠨ ᠪᠠᠳᠠᠭ ᠳᠠᠭᠤᠯᠠᠵᠤ ᠠᠷᠢᠬᠢ ᠪᠠᠨ ᠪᠠᠷᠢᠵᠦ ᠳᠠᠭᠤᠤ ᠶᠢᠨ ᠵᠣᠷᠢᠭ ᠮᠡᠳᠡᠭᠦᠯᠦᠨᠡ᠃ | ᠢᠩᠬᠢᠬᠦᠯᠡᠷ ᠲᠥᠪᠯᠡᠨ ᠰᠠᠭᠤᠭᠰᠠᠨ ᠬᠦᠮᠦᠨ ᠬᠤᠨᠳᠠᠭᠠ ᠲᠠᠢ ᠠᠷᠢᠬᠢ ᠶᠢ ᠨᠢ ᠠᠪᠴᠤ ᠤᠤᠭᠤᠭᠠᠳ ᠲᠠᠬᠢᠨ | ᠳᠦᠭᠦᠷᠭᠡᠵᠤ᠄ ︽ ᠬᠤᠭᠤᠯᠠᠢ ᠨᠢ ᠬᠤᠩᠬᠤ ᠪᠣᠯᠭᠠ᠂ ᠬᠤᠳᠣᠭᠤᠳᠤ ᠨᠢ ᠯᠣᠩᠬᠤ ᠪᠣᠯᠭᠠ᠂ ᠳᠠᠯᠠᠨ ᠡᠬᠢᠲᠦ | ᠳᠠᠭᠤᠤ ᠪᠠᠨ ᠳ᠋ᠠᠩ ᠳ᠋ᠠᠩ ᠢᠶᠠᠷ᠂ ᠤᠯᠠᠭᠠᠨ ᠨᠠᠷᠠ ᠭᠠᠷᠲᠠᠯᠠ᠂ ᠠᠯᠠᠭ ᠱᠠᠭᠠᠵᠠᠭᠠᠢ ᠱᠠᠭᠰᠢᠭᠳᠠᠯᠠ ᠳᠠᠭᠤᠯᠠᠭᠠᠰᠠᠢ︾ | ᠭᠡᠵᠤ ᠳᠠᠭᠤᠴᠢᠨ ᠳᠤ ᠬᠠᠷᠢᠭᠤ ᠠᠷᠢᠬᠢ ᠥᠭᠭᠦᠨᠡ᠃ ᠢᠩᠬᠢᠬᠦ ᠳᠤ ᠬᠤᠶᠠᠷ ᠳᠠᠭᠤᠴᠢᠨ ᠬᠤᠨᠳᠠᠭᠠ ᠲᠠᠢ | ᠠᠷᠢᠬᠢ ᠶᠢ ᠮᠥᠷᠭᠦᠨ ᠲᠣᠰᠴᠤ ᠠᠪᠤᠭᠠᠳ᠄ ︽ ᠠᠭᠰᠤᠮ ᠠᠭᠰᠤᠮ ᠮᠣᠷᠢ ᠪᠠᠶᠢᠨᠠ᠂ ᠵᠢᠯᠣᠭᠤ ᠶᠢ ᠨᠢ ᠰᠣᠶᠢᠵᠤ | ᠮᠣᠷᠳᠠᠶᠠ ᠳ᠋ᠠ᠂ ᠠᠮᠪᠠᠨ ᠨᠣᠶᠠᠨ ᠤ ᠥᠭᠭᠦᠭᠰᠡᠨ ᠬᠡᠰᠢᠭ ᠢ ᠠᠰᠬᠠᠯ ᠦᠭᠡᠢ ᠬᠦᠷᠲᠡᠶᠡ ᠳ᠋ᠠ︾ ᠭᠡᠵᠤ ᠳᠠᠭᠤᠯᠠᠭᠠᠳ | ᠠᠷᠢᠬᠢ ᠪᠠᠨ ᠤᠤᠭᠤᠵᠤ᠂ ᠳᠠᠭᠤᠴᠢᠳ ᠨᠠᠶᠢᠷᠴᠢᠳ ᠲᠤ ᠥᠭᠭᠦᠭᠰᠡᠨ ᠬᠤᠪᠢ ᠪᠠᠨ ᠲᠣᠰᠴᠤ ᠠᠪᠤᠨᠠ᠃ | ᠳᠠᠭᠤᠤ ᠲᠦᠷᠡᠬᠦ ᠭᠡᠵᠤ ᠪᠣᠯ ᠳᠠᠭᠤᠴᠢᠳ ᠢ ᠳᠠᠭᠤᠤ ᠰᠣᠯᠢᠭᠤᠯᠵᠤ ᠳᠤᠮᠳᠠ ᠨᠢ ᠵᠢᠭᠠᠬᠠᠨ ᠠᠮᠠᠷᠠᠭᠤᠯᠬᠤ ᠶᠢ | ᠢᠯᠡᠳᠬᠡᠵᠡᠢ᠃ ᠬᠤᠷᠢᠮ ᠤᠨ ᠲᠥᠪ ᠰᠢᠷᠡᠭᠡᠨ ᠠᠴᠠ ᠳᠠᠭᠤᠤ ᠲᠦᠷᠢᠵᠤ ᠯᠠ ᠪᠠᠶᠢᠪᠠᠯ ᠳᠠᠭᠤᠴᠢᠳ ᠮᠥᠨ ᠳᠠᠭᠤᠤ | ᠰᠣᠯᠢᠭᠠᠳ ᠳᠠᠭᠤᠯᠠᠵᠤ ᠯᠠ ᠰᠠᠭᠤᠬᠤ᠂ ᠭᠡᠬᠦ ᠳᠡᠭᠡᠨ ᠴᠥᠮ ᠰᠢᠯᠦᠭ ᠳᠠᠭᠤᠤ ᠳᠠᠭᠤᠯᠠᠨᠠ᠂ ᠬᠠᠮᠢᠶᠠ ᠦᠭᠡᠢ | ᠤᠯᠠᠭᠠᠨ ᠳᠠᠭᠤᠤ ︵ᠱᠠᠯᠢᠭ ᠳᠠᠭᠤᠤ︶ ᠳᠠᠭᠤᠯᠠᠵᠤ ᠪᠣᠯᠳᠠᠭ ᠦᠭᠡᠢ ᠶᠤᠮ᠃ | 5.ᠭᠡᠷ ᠤᠨ ᠪᠠᠶᠠᠷ ᠪᠠᠷᠢᠬᠤ | ᠳᠠᠭᠤᠤ ᠶᠢᠨ ᠵᠣᠷᠢᠭ ᠮᠡᠳᠡᠭᠦᠯᠦᠭᠰᠡᠨ ᠳᠠᠷᠠᠭᠠ ᠭᠡᠷ ᠤᠨ ᠪᠠᠶᠠᠷ ᠪᠠᠷᠢᠨᠠ᠃ ᠭᠡᠷ ᠤᠨ ᠪᠠᠶᠠᠷ ᠪᠠᠷᠢᠬᠤ ᠭᠡᠵᠤ | ᠪᠣᠯ ᠭᠡᠷ ᠤᠨ ᠡᠵᠡᠨ ᠡᠷᠡ ᠡᠮᠡ ᠬᠤᠶᠠᠭᠤᠯᠠ ︽ ᠮᠠᠨ ᠤ ᠬᠦᠦ ︵ᠬᠡᠦᠬᠡᠨ︶ ᠨᠢᠭᠡ ᠪᠡᠶᠡ ᠬᠤᠶᠠᠷ ᠪᠣᠯᠵᠤ ᠠᠶᠢᠯ | ᠭᠡᠷ ᠪᠣᠯᠬᠤ ᠪᠠᠶᠠᠷ ᠡ᠂ ᠲᠠ ᠨᠠᠷ ᠮᠣᠷᠢᠯᠠᠨ ᠰᠠᠭᠠᠳᠠᠵᠦ ᠬᠤᠷᠢᠮ ᠳᠤ ᠭᠡᠷᠡᠯ ᠭᠢᠯᠪᠠᠭᠠ ᠨᠡᠮᠡᠭᠳᠡᠭᠦᠯᠦᠭᠰᠡᠨ ᠳᠤ | ᠪᠠᠶᠠᠷᠯᠠᠨ ᠲᠠᠯᠠᠷᠬᠠᠵᠤ ᠪᠠᠶᠢᠨᠠ︾ ᠭᠡᠵᠤ ᠶᠣᠰᠣᠷᠬᠠᠭ ᠰᠠᠶᠢᠬᠠᠨ ᠢᠶᠠᠷ ᠰᠡᠳᠬᠢᠯ ᠢᠶᠠᠨ ᠬᠦᠢᠴᠡᠳᠬᠡᠵᠤ ᠠᠷᠢᠬᠢ | ᠪᠠᠷᠢᠬᠤ ᠶᠢ ᠬᠡᠯᠡᠨᠡ᠃ ᠡᠨᠡ ᠦᠶᠡ ᠳᠤ ᠳᠠᠭᠤᠴᠢᠳ ᠠᠷᠢᠬᠢᠨ ᠳᠠᠭᠤᠤ ︽ ᠠᠯᠲᠠᠨ ᠬᠤᠨᠳᠠᠭᠠ︾᠂ ︽ ᠪᠠᠷᠠᠭᠤᠨ | ᠪᠤᠯᠠᠭ ᠤᠨ ᠤᠰᠤ︾᠂ ︽ ᠬᠤᠨ ᠶᠤ᠋ ᠭᠠᠯᠠᠭᠤ︾᠂ ︽ ᠨᠠᠢᠮᠠᠨ ᠰᠠᠷᠠ ᠶᠢᠨ ᠨᠠᠪᠴᠢ ᠴᠡᠴᠡᠭ︾᠂ ︽ ᠯᠣᠩᠬᠤᠨ | ᠳᠣᠲᠤᠷᠠ ᠪᠠᠨ ᠪᠠᠶᠢᠬᠤ︾ ᠭᠡᠬᠦ ᠮᠡᠲᠦ ᠪᠠᠷ ᠭᠡᠷ ᠤᠨ ᠪᠠᠶᠠᠷ ᠪᠠᠷᠢᠭᠠᠳ ᠪᠠᠷᠠᠳᠠᠯᠠ ᠣᠯᠠᠨ ᠠᠷᠢᠬᠢᠨ ᠳᠠᠭᠤᠤ ᠪᠠᠨ | ᠡᠭᠡᠯᠵᠢᠯᠡᠭᠦᠯᠦᠨ ᠳᠠᠭᠤᠯᠠᠵᠤ ᠬᠥᠭᠵᠢᠭᠡᠨ ᠲᠠᠢ ᠪᠣᠯᠭᠠᠳᠠᠭ᠃ ᠬᠤᠷᠢᠮ ᠤᠨ ᠣᠯᠠᠨ ᠭᠡᠶᠢᠴᠢᠳ ᠴᠤ ᠳᠠᠭᠤᠴᠢᠳ ᠲᠠᠢ | ᠬᠠᠮᠲᠤ ᠳᠠᠭᠤᠯᠠᠨ ᠠᠷᠢᠬᠢᠳᠠᠵᠤ ᠨᠠᠶᠢᠷ ᠤᠨ ᠣᠷᠭᠢᠯ ᠪᠣᠯᠤᠨᠠ᠃ | 6.ᠵᠠᠪᠰᠠᠷ ᠮᠡᠳᠡᠭᠦᠯᠬᠦ | ᠵᠠᠪᠰᠠᠷ ᠮᠡᠳᠡᠬᠦᠯᠬᠦ ᠭᠡᠵᠤ ᠪᠣᠯ ᠠᠷᠢᠬᠢ ᠬᠠᠯᠠᠮᠰᠢᠵᠤ ᠰᠢᠭᠦᠰᠦ ᠪᠣᠯᠬᠤ ᠦᠶᠡ ᠳᠤ ᠰᠢᠭᠦᠰᠦ ᠲᠠᠯᠪᠢᠭᠴᠢ | ᠢᠷᠡᠵᠤ ᠬᠤᠷᠢᠮ ᠤᠨ ᠲᠥᠪ ᠠᠴᠠ ᠡᠬᠢᠯᠡᠨ ᠪᠦᠬᠦ ᠵᠣᠴᠢᠳ ᠲᠤ ᠨᠢᠭᠡ ᠨᠢᠭᠡ ᠬᠤᠨᠳᠠᠭᠠ ᠠᠷᠢᠬᠢ ᠪᠠᠷᠢᠭᠠᠳ ︽ | ᠵᠠᠪᠰᠠᠷ ᠮᠡᠳᠡᠭᠦᠯᠵᠤ ᠪᠠᠶᠢᠨᠠ︾ ᠭᠡᠵᠤ ᠥᠨᠳᠥᠷ ᠳᠠᠭᠤᠨ ᠢᠶᠠᠷ ᠬᠡᠯᠡᠭᠡᠳ ᠮᠥᠷᠭᠦᠵᠦ ᠭᠠᠷᠴᠤ ᠶᠠᠪᠤᠨᠠ᠃ ᠡᠨᠡ | ᠦᠶᠡ ᠳᠤ ᠣᠯᠠᠨ ᠵᠣᠴᠢᠳ ᠰᠤᠯᠠ ᠶᠠᠷᠢᠯᠴᠠᠵᠤ ᠰᠠᠭᠤᠬᠤ ᠪᠤᠶᠤ ᠪᠡᠶᠡ ᠵᠠᠰᠠᠬᠤ ᠪᠠᠷ ᠭᠠᠷᠴᠤ ᠪᠣᠯᠤᠨᠠ᠃ | ᠢᠩᠬᠢᠭᠡᠳ ᠲᠠᠪᠤ ᠠᠴᠠ ᠠᠷᠪᠠᠨ ᠮᠢᠨᠤᠲ ᠪᠣᠯᠪᠠᠯ ᠵᠣᠴᠢᠳ ᠢ ᠭᠠᠷ ᠢ ᠨᠢ ᠣᠬᠢᠶᠠᠯᠭᠠᠵᠤ ᠤᠭ ᠰᠠᠭᠤᠳᠠᠯ ᠳᠤᠨᠢ | ᠰᠠᠭᠤᠯᠭᠠᠨᠠ᠃ | |