| 1.ᠰᠢᠭᠦᠰᠦᠨ ᠰᠠᠪᠠ ᠶᠢ 2 ᠪᠤᠭᠤᠷᠰᠤᠭ ᠲᠤᠯᠤᠭᠠᠢ ᠵᠢᠩᠰᠡ ᠲᠠᠢ ᠨᠢ ᠬᠠᠷᠢᠭᠤᠯᠠᠨᠠ᠃ | 2.ᠰᠢᠨᠡ ᠶᠢᠨ ᠰᠠᠪᠠ ᠶᠢ ᠪᠦᠭᠦᠳᠡ ᠶᠢ ᠬᠠᠷᠢᠭᠤᠯᠠᠨᠠ᠃ ( ᠵᠠᠷᠢᠮ ᠭᠠᠵᠠᠷ ᠲᠤ ᠵᠦᠪᠬᠡᠨ ᠵᠢᠩᠰᠡ ᠶᠢ | ᠬᠠᠷᠢᠭᠤᠯᠠᠳᠠᠭ ᠦᠵᠡᠭᠳᠡᠯ ᠪᠤᠢ)᠃ | 3.ᠰᠢᠨᠡ ᠶᠢᠨ ᠰᠠᠪᠠ ᠠᠴᠠ ᠪᠤᠰᠤᠳ ᠰᠠᠪᠠ ᠶᠢᠨ ᠬᠠᠷᠢᠭᠤ ᠨᠢ 2 ᠪᠤᠭᠤᠷᠰᠤᠭ ᠢ ᠵᠢᠩᠰᠡ ᠲᠠᠢ ᠨᠢ | ᠪᠤᠴᠠᠭᠠᠳᠠᠭ᠃ ᠵᠤᠴᠢᠨ ᠮᠤᠷᠳᠠᠬᠤ ᠦᠶᠡ ᠳᠤ ᠴᠠᠭᠠᠨ ᠢᠳᠡᠭᠡᠨ ᠢᠶᠠᠨ ᠠᠮᠰᠠᠭᠤᠯᠵᠦ᠂ ᠰᠠᠪᠠ ᠳᠡᠭᠡᠵᠢ ᠬᠠᠷᠢᠭᠤᠯᠠᠵᠦ | ᠪᠡᠯᠡᠭ ᠵᠡᠬᠦᠨᠡ᠃ | ᠡᠩ ᠤᠨ ᠴᠠᠭ ᠲᠤ ᠬᠠᠳᠠᠭ᠂ ᠰᠠᠮᠪᠠᠢ᠂ ᠠᠯᠴᠢᠭᠤᠷ ᠳᠤᠷᠭᠠ ᠵᠡᠷᠭᠡ ᠪᠠᠶᠢᠳᠠᠭ᠂ ᠵᠠᠷᠢᠮ ᠭᠠᠵᠠᠷ ᠨᠤᠳᠤᠭ ᠲᠤ | ᠰᠠᠪᠠ ᠳᠡᠭᠡᠵᠢ ᠦᠭᠡᠢ ᠭᠡᠵᠦ ᠵᠦᠪᠬᠡᠨ ᠨᠠᠰᠤᠳᠠᠢ ᠨᠢᠯᠬᠠᠰ ᠲᠤ ᠬᠤᠪᠢ ᠨᠡᠷᠡ ᠲᠠᠢ ᠤᠴᠢᠭᠰᠠᠳ ᠲᠤ ᠵᠤᠴᠢᠨ ᠢᠶᠠᠨ | ᠭᠠᠷ ᠬᠤᠭᠤᠰᠤᠨ ᠶᠠᠪᠤᠭᠤᠯᠬᠤ ᠦᠭᠡᠢ᠂ ᠠᠯᠴᠢᠭᠤᠷ ᠬᠠᠳᠠᠭ ᠵᠡᠭᠦᠳᠡᠭ ᠴᠤ ᠪᠤᠢ᠃ | ᠬᠤᠷᠢᠮ ᠤᠨ ᠪᠡᠯᠡᠭ ᠪᠤᠯ ᠠᠳᠠᠯᠢ ᠦᠭᠡᠢ᠂ ᠬᠤᠶᠠᠷ ᠠᠶᠢᠯ ᠢᠶᠠᠷ ᠢᠶᠠᠨ ᠶᠠᠷᠢᠯᠴᠠᠨ ᠳᠤᠭᠳᠠᠨᠠ᠃ ᠶᠡᠭᠡ ᠪᠠᠭᠠ | ᠡᠷᠬᠢᠯᠳᠡ ᠳᠤ ᠤᠴᠢᠭᠰᠠᠨ ᠨᠢ ᠤᠶᠢᠷᠠ ᠳᠦᠷᠦᠯ ᠰᠠᠳᠤᠨ ᠪᠤᠯᠬᠤᠷ ᠪᠡᠯᠡᠭ ᠨᠢ ᠬᠦᠨᠳᠦ ᠰᠢᠭ᠂ ᠴᠠᠢ᠂ ᠡᠮᠦᠰᠬᠡᠯ᠂ | ᠳᠡᠭᠡᠷᠡ ᠨᠢ ᠬᠠᠳᠠᠭ ᠠᠯᠴᠢᠭᠤᠷ ᠲᠠᠢ᠂ ᠪᠤᠰᠤᠳ ᠬᠡᠦᠬᠡᠨ ᠬᠦᠷᠭᠡᠵᠦ ᠢᠷᠡᠭᠰᠡᠳ ᠲᠤ ᠬᠠᠳᠠᠭ ᠠᠯᠴᠢᠭᠤᠷ ᠪᠠᠷᠢᠵᠦ᠂ | ᠬᠤᠷᠢᠮ ᠤᠨ ᠳᠦᠪ ᠳᠠᠭᠠᠭᠠᠴᠢᠯᠠᠭᠴᠢ᠂ ᠳᠡᠮᠴᠢ᠂ ᠬᠤᠨᠵᠢᠨ ᠬᠦᠷᠭᠡᠨ᠂ ᠪᠡᠷᠭᠡᠯᠡᠭᠰᠡᠨ ᠬᠦᠮᠦᠰ ᠲᠤ ᠴᠠᠢ ᠶᠢᠨ ᠪᠡᠯᠡᠭ | ᠳᠡᠭᠡᠷᠡ ᠨᠢ ᠠᠯᠴᠢᠭᠤᠷ ᠪᠤᠶᠤ ᠬᠠᠳᠠᠭ ᠲᠠᠢ᠂ ᠬᠠᠷᠢᠨ ᠬᠤᠷᠢᠮ ᠤᠨ ᠲᠦᠪ ᠲᠤ ᠳᠠᠪᠬᠤᠷ ᠠᠯᠴᠢᠭᠤᠷ ᠪᠤᠶᠤ ᠬᠠᠳᠠᠭ | ᠲᠠᠢ ᠪᠠᠶᠢᠳᠠᠭ ᠤᠴᠢᠷ ᠨᠢ ᠳᠦᠪ ᠮᠤᠷᠳᠠᠬᠤ ᠳᠤ ᠪᠠᠨ ᠨᠢᠭᠡ ᠶᠢ ᠨᠢ ᠰᠢᠷᠡᠭᠡᠨ ᠳᠡᠭᠡᠷᠡ ᠳᠡᠯᠭᠡᠨ ᠲᠠᠯᠪᠢᠵᠦ᠂ 2 | ᠳᠦᠭᠦᠷᠡᠩ ᠠᠷᠢᠬᠢ ᠲᠠᠢ ᠬᠤᠨᠳᠠᠭᠠ ᠲᠠᠯᠪᠢᠵᠦ《ᠳᠦᠭᠦᠷᠡᠩ ᠪᠠᠶᠠᠷ ᠳᠦᠪᠰᠢᠨ ᠵᠢᠷᠭᠠᠯ ᠲᠠᠢ》ᠪᠠᠶᠢᠬᠤ ᠶᠢ | ᠪᠡᠯᠭᠡᠳᠡᠵᠦ ᠪᠠᠶᠢᠭᠠ ᠰᠡᠳᠬᠢᠯ ᠢᠶᠠᠨ ᠢᠯᠡᠳᠬᠡᠨᠡ᠃ | ᠵᠠᠷᠢᠮ ᠭᠠᠵᠠᠷ ᠨᠤᠳᠤᠭ ᠲᠤ ᠳᠦᠪ ᠲᠤ ᠳᠠᠪᠬᠤᠷ ᠴᠠᠢ ᠵᠡᠬᠦᠬᠦ ᠦᠵᠡᠭᠳᠡᠯ ᠪᠤᠢ᠂ ᠳᠠᠪᠬᠤᠷ ᠴᠠᠢ ᠵᠡᠭᠦᠪᠡᠯ | ᠬᠠᠳᠠᠭ ᠠᠯᠴᠢᠭᠤᠷ ᠲᠠᠢ ᠠᠳᠠᠯᠢ᠂ ᠨᠢᠭᠡ ᠶᠢ ᠨᠢ ᠰᠢᠷᠡᠭᠡᠨ ᠳᠡᠭᠡᠷᠡ ᠲᠠᠯᠪᠢᠵᠦ ᠠᠷᠢᠬᠢ ᠲᠠᠢ ᠬᠤᠨᠳᠠᠭᠠ ᠪᠠᠨ ᠳᠡᠭᠡᠷᠡ | ᠨᠢ ᠲᠠᠯᠪᠢᠨᠠ᠃ |