| | ᠬᠤᠷᠠᠭᠠ ᠶᠢ ᠰᠦ ᠠᠴᠠ ᠨᠢ ᠡᠷᠳᠡ ᠰᠠᠯᠭᠠᠵᠦ ᠴᠤᠯ ᠨᠠᠷᠢᠯᠢᠭ ᠪᠤᠷᠳᠤᠭᠠ ᠪᠠᠷ ᠪᠤᠷᠳᠤᠬᠤ ᠮᠡᠷᠭᠡᠵᠢᠯ ᠳᠤ ᠲᠤᠩ ᠤᠯᠠᠨ ᠲᠠᠪᠠᠭᠤᠯᠢᠭ ᠲᠠᠢ᠄ ᠨᠢᠭᠡ ᠨᠢ ᠨᠢᠯᠬᠠ | ᠬᠤᠷᠠᠭᠠ ᠨᠢ ᠡᠬᠢᠨ ᠤ ᠭᠤᠷᠪᠠᠨ ᠰᠠᠷᠠ ᠳᠤ ᠦᠰᠦᠯᠳᠡ ᠨᠢ ᠬᠠᠮᠤᠭ ᠤᠨ ᠬᠤᠷᠳᠤᠨ ᠪᠠᠶᠢᠵᠦ᠂ ᠡᠭᠦᠨ ᠠᠴᠠ ᠰᠡᠭᠦᠯᠡᠷ ᠦᠰᠦᠯᠳᠡ ᠶᠢᠨ ᠬᠤᠷᠳᠤᠴᠠ ᠨᠢ | ᠤᠳᠠᠭᠠᠰᠢᠷᠠᠬᠤ ᠲᠤᠯᠠ ᠡᠷᠳᠡ ᠬᠤᠭᠤᠴᠠᠭᠠᠨ ᠳᠤ ᠪᠤᠷᠳᠤᠪᠠᠯ ᠠᠯᠠᠰᠢᠨ ᠳᠤ ᠭᠠᠷᠭᠠᠬᠤ ᠨᠤᠷᠮᠠ ᠨᠢ ᠨᠡᠯᠢᠶᠡᠳ ᠦᠨᠳᠦᠷ ᠪᠤᠯᠵᠦ ᠴᠢᠳᠠᠨᠠ᠃ ᠬᠤᠶᠠᠷ ᠨᠢ ᠲᠤᠰ | ᠮᠡᠷᠭᠡᠵᠢᠯ ᠨᠢ ᠵᠦᠪᠭᠡᠨ ᠨᠠᠷᠢᠯᠢᠭ ᠪᠤᠷᠳᠤᠭᠠ ᠪᠠᠷ ᠲᠡᠵᠢᠭᠡᠵᠦ ᠪᠦᠳᠦᠭᠦᠯᠢᠭ ᠪᠤᠷᠳᠤᠭᠠ ᠪᠠᠷ ᠲᠡᠵᠢᠭᠡᠬᠦ ᠦᠭᠡᠢ ᠲᠤᠯᠠ ᠬᠠᠮᠢᠶᠠᠷᠬᠤ ᠳᠤ ᠲᠦᠭᠦᠮ ᠮᠦᠷᠳᠡᠭᠡᠨ | ᠰᠢᠩᠭᠡᠭᠡᠯᠳᠡ ᠶᠢᠨ ᠵᠠᠮ ᠤᠨ ᠭᠡᠮ ᠡᠭᠦᠰᠬᠦ ᠦᠭᠡᠢ ᠪᠠᠶᠢᠳᠠᠭ ᠠᠴᠠ ᠪᠤᠷᠳᠤᠭᠠᠨ ᠤ ᠬᠤᠪᠢᠷᠠᠭᠠᠯᠳᠠ ᠪᠤᠯᠤᠨ ᠡᠳᠦᠷ ᠤᠨ ᠬᠦᠨᠳᠦ ᠶᠢᠨ ᠨᠡᠮᠡᠭᠳᠡᠯ ᠢ ᠲᠡᠭᠡᠭᠰᠢᠯᠡᠭᠦᠯᠵᠦ | ᠴᠢᠳᠠᠨᠠ᠃ ᠲᠤᠷᠰᠢᠯᠭᠠ ᠭᠡᠷᠡᠴᠢᠯᠡᠭᠰᠡᠨ ᠨᠢ ᠨᠢᠯᠬᠠ ᠬᠤᠷᠠᠭᠠ ᠰᠠᠷᠠ ᠬᠠᠭᠠᠰ ᠪᠤᠯᠵᠦ᠂ ᠪᠡᠶᠠ ᠶᠢᠨ ᠬᠦᠨᠳᠦ ᠨᠢ 10 ᠺᠢᠯᠦᠭᠷᠠᠮ ᠪᠤᠯᠬᠤ ᠦᠶᠡᠰ ᠰᠦ ᠠᠴᠠ ᠨᠢ | ᠰᠠᠯᠭᠠᠵᠦ 50 ᠡᠳᠦᠷ ᠪᠤᠷᠳᠤᠵᠦ᠂ 3 ᠰᠠᠷᠠ ᠪᠤᠯᠬᠤ ᠦᠶᠡᠰ ᠠᠯᠠᠵᠦ ᠵᠠᠬᠠ ᠳᠤ ᠭᠠᠷᠭᠠᠪᠠᠯ ᠬᠤᠷᠠᠭᠠ ᠶᠢᠨ ᠪᠡᠶᠠ ᠶᠢᠨ ᠬᠦᠨᠳᠦ ᠨᠢ 25 — 30 | ᠺᠢᠯᠦᠭᠷᠠᠮ ᠳᠤ ᠬᠦᠷᠴᠦ᠂ ᠲᠤᠮᠳᠠᠴᠢ ᠡᠳᠦᠷ ᠤᠨ ᠬᠦᠨᠳᠦ ᠶᠢᠨ ᠨᠡᠮᠡᠭᠳᠡᠯ ᠨᠢ ᠪᠠᠷᠤᠭ 400 ᠭᠷᠠᠮ ᠬᠦᠷᠦᠭᠡᠳ ᠠᠵᠤ ᠠᠬᠤᠢ ᠶᠢᠨ ᠤᠷᠤᠯᠭᠠ ᠢᠯᠡᠷᠭᠡᠢ ᠪᠠᠶᠢᠳᠠᠭ᠃ | ᠪᠤᠷᠳᠤᠬᠤ ᠠᠴᠠ ᠡᠮᠦᠨᠡᠬᠢ ᠪᠡᠯᠡᠳᠭᠡᠯ | ᠬᠤᠷᠠᠭᠠ ᠰᠠᠷᠠ ᠬᠠᠭᠠᠰ ᠪᠤᠯᠬᠤ ᠳᠤ ᠰᠦ ᠠᠴᠠ ᠨᠢ ᠰᠠᠯᠭᠠᠨᠠ᠂ ᠡᠮᠦᠨᠠ 15 ᠡᠳᠦᠷ ᠲᠤ ᠬᠠᠰᠢᠶᠠ ᠰᠠᠯᠭᠠᠵᠦ ᠪᠤᠷᠳᠤᠭᠠ ᠨᠦᠬᠦᠪᠤᠷᠢᠯᠡᠵᠦ ᠲᠡᠵᠢᠭᠡᠬᠦ ᠪᠤᠶᠤ | ᠦᠷᠯᠦᠭᠡ ᠤᠷᠤᠢ ᠲᠤᠭᠳᠠᠮᠠᠯ ᠴᠠᠭ ᠲᠤ ᠬᠤᠷᠠᠭᠠ ᠪᠤᠯᠤᠨ ᠡᠭᠡ ᠬᠤᠨᠢ ᠶᠢ ᠰᠠᠯᠭᠠᠵᠦ᠂ ᠬᠤᠷᠠᠭᠠ ᠶᠢ ᠲᠤᠰᠬᠠᠢ ᠬᠠᠰᠢᠶᠠᠨ ᠳᠤ ᠬᠦᠳᠡᠯᠭᠡᠭᠡᠨ ᠬᠢᠯᠭᠡᠵᠦ᠂ | ᠬᠦᠳᠡᠯᠭᠡᠭᠡᠨ ᠤ ᠬᠠᠰᠢᠶᠠᠨ ᠲᠤᠳᠤᠷᠠ ᠨᠠᠷᠢᠯᠢᠭ ᠪᠤᠷᠳᠤᠭᠠᠨ ᠤ ᠤᠩᠭᠤᠴᠠ ᠪᠤᠯᠤᠨ ᠤᠰᠤᠨ ᠤᠩᠭᠤᠴᠠ ᠲᠠᠭᠠᠷᠠᠭᠤᠯᠵᠦ᠂ ᠪᠤᠰᠤᠳ ᠴᠠᠭ ᠲᠤ ᠡᠭᠡ ᠲᠠᠢ ᠨᠢ ᠬᠠᠮᠳᠤ | ᠪᠠᠶᠢᠯᠭᠠᠨᠠ᠃ ᠨᠦᠬᠦᠪᠤᠷᠢᠯᠡᠬᠦ ᠪᠤᠷᠳᠤᠭᠠ ᠶᠢ ᠰᠦ ᠠᠴᠠ ᠨᠢ ᠰᠠᠯᠭᠠᠭᠰᠠᠨ ᠤ ᠰᠡᠭᠦᠯᠡᠷ ᠪᠤᠷᠳᠤᠬᠤ ᠪᠤᠷᠳᠤᠭᠠ ᠲᠠᠢ ᠠᠳᠠᠯᠢ ᠪᠠᠶᠢᠯᠭᠠᠵᠦ᠂ ᠲᠡᠵᠢᠭᠡᠬᠦ ᠡᠷᠳᠡᠨᠢ | ᠰᠢᠰᠢ ᠶᠢᠨ ᠮᠦᠬᠦᠯᠢᠭ ᠢ ᠡᠬᠢᠯᠡᠵᠦ ᠲᠡᠵᠢᠭᠡᠬᠦ ᠳᠤ ᠵᠢᠭᠠᠬᠠᠨ ᠭᠡᠮᠭᠡᠯᠵᠦ᠂ ᠢᠳᠡᠵᠦ ᠲᠠᠳᠤᠭᠰᠠᠨ ᠤ ᠰᠡᠭᠦᠯᠡᠷ ᠪᠦᠬᠦᠯᠢ ᠪᠠᠷ ᠲᠡᠵᠢᠭᠡᠨᠠ᠂ ᠬᠤᠷᠠᠭᠠ ᠶᠢᠨ | ᠬᠦᠳᠡᠯᠭᠡᠭᠡᠨ ᠤ ᠲᠠᠯᠠᠪᠤᠷ ᠢ ᠬᠠᠭᠤᠷᠠᠢ ᠪᠠᠶᠢᠯᠭᠠᠬᠤ ᠪᠦᠭᠡᠳ ᠭᠠᠵᠠᠷ ᠲᠡᠭᠡᠷᠠ ᠨᠢ ᠵᠢᠭᠠᠬᠠᠨ ᠡᠪᠡᠰᠦ ᠲᠡᠪᠢᠰᠦᠨᠠ᠃ | ᠴᠤᠯ ᠨᠠᠷᠢᠯᠢᠭ ᠪᠤᠷᠳᠤᠭᠠ ᠪᠠᠷ ᠪᠤᠷᠳᠤᠬᠤ | ︵1︶ ᠪᠤᠷᠳᠤᠬᠤ ᠪᠤᠷᠳᠤᠭᠠ ᠶᠢ ᠰᠤᠩᠭᠤᠨᠠ᠃ ᠶᠡᠷᠦ ᠳᠡᠭᠡᠨ ᠡᠷᠳᠡᠨᠢ ᠰᠢᠰᠢ ᠪᠠᠷ ᠪᠤᠷᠳᠤᠪᠠᠯ ᠦᠷᠠ ᠳ᠋ᠦᠩ ᠨᠢ ᠨᠡᠯᠢᠶᠡᠳ ᠰᠠᠶᠢᠨ ᠪᠠᠶᠢᠳᠠᠭ᠂ ᠪᠤᠷᠳᠤᠭᠠ ᠶᠢ | ᠬᠤᠯᠢᠬᠤ ᠬᠠᠷᠢᠴᠠᠯ ᠨᠢ᠄ ᠪᠦᠬᠦᠯᠢ ᠡᠷᠳᠡᠨᠢ ᠰᠢᠰᠢ 83%᠂ ᠳ᠋ᠸᠤᠪᠢᠩ 15%᠂ ᠶᠠᠰᠤᠨ ᠲᠠᠯᠬᠠ 1.4%᠂ ᠬᠤᠭᠤᠯᠠᠨ ᠤ ᠲᠠᠪᠤᠰᠤ 0.5%᠂ ᠸᠢᠲ᠋ᠠᠮᠢᠨ | ᠬᠢᠭᠡᠳ ᠪᠢᠴᠢᠯ ᠡᠯᠧᠮᠧᠨ᠋ᠲ 0.1% ᠪᠤᠯᠤᠨᠠ᠃ | ︵2︶ ᠪᠤᠷᠳᠤᠬᠤ ᠬᠤᠭᠤᠴᠠᠭᠠᠨ ᠳᠤ ᠪᠤᠷᠳᠤᠭᠠᠨ ᠤ ᠨᠠᠶᠢᠷᠠᠯᠭᠠ ᠶᠢ ᠬᠤᠪᠢᠷᠠᠭᠤᠯᠬᠤ ᠦᠭᠡᠢ᠃ | ︵3︶ ᠪᠤᠷᠳᠤᠬᠤ ᠬᠤᠭᠤᠴᠠᠭᠠᠨ ᠳᠤ ᠪᠤᠷᠳᠤᠭᠠᠨ ᠤ ᠤᠩᠭᠤᠴᠠᠨ ᠳᠤ ᠪᠤᠷᠳᠤᠭᠠ ᠲᠠᠰᠤᠯᠳᠠᠭᠤᠯᠬᠤ ᠦᠭᠡᠢ᠂ ᠴᠡᠪᠡᠷ ᠤᠤᠭᠤᠬᠤ ᠤᠰᠤ ᠪᠠᠶᠢᠬᠤ ᠶᠢ | ᠪᠠᠳᠤᠯᠠᠨᠠ᠃ | ︵4︶ ᠪᠠᠭᠠᠰᠤᠨ ᠤ ᠪᠠᠶᠢᠳᠠᠯ ᠢ ᠦᠷᠭᠦᠯᠵᠢ ᠠᠵᠢᠭᠯᠠᠨᠠ᠂ ᠡᠩ ᠤᠨ ᠪᠠᠶᠢᠳᠠᠯ ᠲᠤᠤᠷᠠ ᠪᠠᠭᠠᠰᠤ ᠨᠢ ᠰᠢᠷᠠ ᠦᠩᠭᠡ ᠶᠢᠨ ᠪᠦᠮᠪᠦᠭᠡᠯᠢᠭ ᠪᠠᠶᠢᠳᠠᠭ᠂ ᠭᠡᠷᠪᠡ | ᠪᠦᠷᠭᠦᠭ ᠪᠤᠷᠤᠭᠠᠨ ᠴᠠᠰᠤ ᠲᠠᠢ ᠡᠳᠦᠷ ᠲᠤᠬᠢᠶᠠᠯᠳᠤᠪᠠᠯ ᠪᠠᠭᠠᠰᠤ ᠠᠯᠳᠠᠬᠤ ᠲᠤᠯᠠ ᠭᠡᠷᠡᠭᠴᠡᠭᠡ ᠲᠠᠢ ᠦᠶᠡᠰ ᠭᠡᠳᠡᠰᠦᠨ ᠵᠠᠮ ᠤᠨ ᠦᠷᠪᠢᠰᠦᠯ ᠢ ᠲᠠᠷᠤᠬᠤ ᠡᠮ ᠢᠶᠠᠷ | ᠵᠠᠰᠠᠨᠠ᠃ | | |