ᠡᠷᠡᠭᠦᠯ ᠪᠡᠶᠡ ᠰᠠᠷᠠᠭᠤᠯ ᠤᠬᠠᠭᠠᠨ ᠲᠠᠢ ᠪᠠᠶᠢᠬᠤ ᠪᠣᠯ ᠬᠥᠮᠦᠨ ᠪᠦᠷᠢ ᠶᠢᠨ ᠬᠥᠭᠡᠭᠡᠴᠡᠯᠳᠦᠯ ᠪᠣᠯᠬᠤ ᠶᠤᠮ᠃ ᠬᠥᠮᠦᠨ ᠬᠡᠮᠡᠭᠴᠢ ᠶᠡᠷᠦ ᠨᠢ ᠡᠷᠡᠭᠦᠯ ᠰᠠᠷᠠᠭᠤᠯ | ᠪᠠᠶᠢᠬᠤ ᠳᠠᠭᠠᠨ ᠪᠡᠶᠡ ᠭᠡᠭᠴᠢ ᠮᠢᠨᠦᠬᠢ ᠯᠠ ᠶᠤᠮ ᠭᠡᠵᠦ᠂ ᠶᠡᠷᠦ ᠠᠴᠠ ᠬᠠᠶᠢᠷᠠᠯᠠᠵᠤ ᠬᠠᠮᠠᠭᠠᠯᠠᠬᠤ ᠶᠢ ᠠᠩᠬᠠᠷᠳᠠᠭ ᠥᠬᠡᠶ ᠪᠠᠶᠢᠨᠠ᠃ ᠬᠡᠮ ᠨᠢ ᠡᠮᠦᠨᠡ ᠪᠠᠨ | ᠭᠡᠮᠰᠢᠯ ᠨᠢ ᠬᠤᠶᠢᠨᠠ ᠪᠠᠨ ᠭᠡᠭᠴᠢ ᠪᠠᠷ ᠬᠥᠮᠦᠰ ᠲᠤ ᠡᠶᠢᠮᠤ ᠲᠣᠬᠢᠶᠠᠯᠳᠤᠯ ᠪᠠᠰᠠ ᠳᠠᠭᠠᠷᠠᠭᠰᠠᠨ ᠪᠠᠶᠢᠬᠤ ᠳ᠋ᠠ᠃ | ᠥᠪᠡᠷ ᠤᠨ ᠪᠡᠶᠡ ᠶᠢᠨ ᠥᠩᠭᠡᠷᠡᠯᠲᠡ ᠪᠠᠷ ᠵᠢᠱᠢᠶᠡ ᠪᠣᠯᠭᠠᠵᠤ᠂ ᠳᠠᠶᠠᠭᠠᠷ ᠤᠨ ᠡᠷᠡᠭᠦᠯ ᠮᠡᠨᠳᠦ ᠳᠤ ᠲᠤᠰᠠ ᠪᠣᠯᠭᠠᠶᠠ ᠭᠡᠵᠦ ᠪᠤᠳᠤᠯᠠ᠃ | 2021 ᠣᠨ ᠤ 8 ᠰᠠᠷᠠ ᠶᠢᠨ 30 ᠤ ᠥᠷᠯᠥᠭᠡ ᠠᠵᠢᠯ ᠳᠤ ᠭᠠᠷᠬᠤ ᠳᠤ ᠬᠠᠮᠢᠶᠠ ᠥᠬᠡᠶ ᠪᠠᠶᠢᠬᠰᠠᠨ᠂ ᠦᠳᠡ ᠳᠤ ᠠᠵᠢᠯ ᠠᠴᠠ ᠪᠠᠭᠤᠬᠤ ᠳᠤ ᠲᠡᠷᠭᠡᠨ | ᠵᠠᠮ ᠤᠨ ᠵᠢᠷᠤᠭᠠᠰᠤ ᠳᠠᠪᠬᠤᠴᠠᠵᠤ ᠬᠠᠷᠠᠭᠳᠠᠬᠤ ᠪᠣᠯᠪᠠ᠃ ᠦᠳᠡ ᠶᠢᠨ ᠬᠤᠶᠢᠨᠠ ᠶᠠᠭᠠᠬᠢᠵᠤ ᠪᠠᠶᠢᠨᠠ ᠭᠡᠵᠦ ᠲᠤᠷᠰᠢᠵᠤ ᠦᠵᠡᠯᠡ᠂ ᠮᠥᠨ ᠠᠳᠠᠯᠢᠬᠠᠨ ᠪᠠᠶᠢᠯᠠ᠃ | ᠳᠠᠷᠠᠭᠠ ᠡᠳᠦᠷ ᠠᠴᠠ ᠨᠢ ᠬᠡᠤᠬᠡᠳ ᠤᠳ ᠬᠦᠷᠭᠡᠵᠦ ᠳᠤᠰᠤᠯᠠ᠃ ᠲᠡᠭᠡᠭᠡᠳ ᠪᠡᠯᠡᠳᠬᠡᠯ ᠠᠵᠢᠯ ᠢᠶᠠᠨ ᠬᠢᠵᠦ᠂ ᠪᠤᠭᠤᠲᠤ ᠬᠤᠲᠠ ᠶᠢᠨ ᠴᠤᠤ ᠵᠢᠦᠢ ᠨᠢᠳᠦᠨ | ᠰᠠᠯᠠᠭᠠᠨ ᠤ ᠡᠮᠨᠡᠯᠭᠡ ᠳᠤ ᠬᠦᠷᠴᠦ ᠡᠮᠨᠡᠯᠭᠡ ᠳᠤ ᠰᠠᠭᠤᠨ ᠬᠠᠭᠠᠰ ᠰᠠᠷᠠ ᠵᠠᠰᠠᠯ ᠬᠢᠯᠭᠡᠪᠡ᠃ ᠣᠨᠣᠰᠢᠯᠠᠯᠲᠠ ᠪᠠᠷ ᠪᠠᠷᠠᠭᠤᠨ ᠨᠢᠳᠦᠨ ᠵᠢᠷᠭᠤᠳᠤᠭᠠᠷ ︵ᠳᠡᠯᠭᠡᠯᠲᠡ︶ | ᠮᠡᠳᠡᠷᠡᠯ ᠤᠨ ᠮᠢᠨᠴᠦᠭᠦᠷᠡᠯ ᠪᠣᠯᠤᠭᠰᠠᠨ ᠪᠠᠶᠢᠪᠠ᠃ ᠡᠮᠨᠡᠯᠭᠡ ᠳᠤ ᠰᠠᠭᠤᠵᠤ ᠵᠡᠭᠦᠤ ᠬᠠᠳᠬᠤᠬᠤ᠂ ᠵᠡᠭᠦᠤ ᠲᠥᠭᠡᠨᠡᠯᠭᠡ ᠬᠢᠬᠦ᠂ ᠡᠮ ᠶᠡᠭᠦᠯᠡᠬᠦ᠂ ᠡᠮ ᠤᠤᠭᠤᠬᠤ ᠪᠠᠷ | ᠭᠤᠤᠯᠯᠠᠭᠤᠯᠵᠤ ᠵᠠᠰᠠᠯ ᠬᠢᠭᠡᠳ ᠨᠡᠯᠢᠶᠡᠳ ᠰᠠᠶᠢᠨ ᠪᠣᠯᠪᠠ᠃ | ᠪᠢ ᠤᠶᠢᠷᠡ ᠬᠠᠷᠠᠭᠠᠨ ᠤ ᠰᠢᠯ ᠲᠠᠭᠠᠷᠠᠭᠤᠯᠵᠤ ᠵᠡᠭᠦᠭᠰᠡᠨ ᠨᠢ 1982 ᠣᠨ ᠳᠤ ᠥᠪᠥᠷ ᠮᠣᠩᠭᠤᠯ ᠤᠨ ᠪᠠᠭᠰᠢ ᠶᠢᠨ ᠶᠡᠭᠡ ᠰᠤᠷᠭᠠᠭᠤᠯᠢ ᠳᠤ ᠰᠢᠯᠭᠠᠭᠳᠠᠵᠤ | ᠤᠷᠤᠭᠰᠠᠨ ᠤ ᠳᠠᠷᠠᠭᠠᠬᠢ ᠤᠴᠢᠷ ᠪᠢᠯᠡ᠃ ᠨᠢᠳᠦᠨ ᠰᠢᠯ ᠲᠠᠢ ᠪᠠᠷᠢᠯᠳᠤᠯᠭᠠ ᠲᠠᠢ ᠪᠣᠯᠣᠭᠠᠳ ᠪᠠᠷᠤᠭ 40 ᠵᠢᠯ ᠪᠣᠯᠵᠣ ᠪᠠᠶᠢᠨᠠ᠃ ᠡᠨᠡ ᠬᠤᠭᠤᠴᠠᠭᠠᠨ ᠳᠤ | ᠬᠡᠴᠢᠨᠡᠭᠡᠨ ᠴᠤ ᠰᠢᠯ ᠰᠣᠯᠢᠵᠤ ᠵᠡᠭᠦᠭᠰᠡᠨ ᠢᠶᠠᠨ ᠴᠡᠭᠡᠵᠢᠯᠡᠵᠥ ᠥᠬᠡᠶ᠃ 2010 ᠣᠨ ᠠᠴᠠ ᠬᠤᠶᠢᠰᠢ ᠪᠢᠴᠢᠵᠦ ᠵᠢᠷᠤᠬᠤ ᠠᠵᠢᠯ ᠢ ᠡᠬᠢᠯᠡᠭᠡᠳ ᠺᠣᠮᠫᠢᠦ᠋ᠲ᠋ᠧᠷ | ᠳᠡᠭᠡᠷᠡ ᠭᠦᠶ᠋ᠴᠡᠳᠬᠡᠳᠡᠭ ᠪᠣᠯᠤᠯᠠ᠃ ᠰᠡᠭᠦᠯᠴᠢ ᠶᠢᠨ ᠦᠶᠡ ᠪᠣᠯᠣᠭᠠᠳ ᠨᠢᠭᠡᠮᠦᠰᠦᠨ ᠨᠢᠭᠡ ᠠᠵᠢᠯ ᠢ ᠡᠬᠢᠯᠡᠭᠦᠯᠦᠭᠰᠡᠭᠡᠷ ᠰᠡᠭᠦᠯ ᠮᠥᠷ ᠢ ᠭᠠᠷᠭᠠᠬᠤ ᠭᠡᠳ ᠡᠳᠦᠷᠵᠢᠨ | ᠨᠤᠤᠷᠠᠯᠳᠤᠬᠤ ᠪᠣᠯᠪᠠ᠃ ᠪᠠᠷᠤᠭ ᠤᠨ ᠶᠠᠭᠤᠮᠠ ᠶᠢ ᠪᠦᠷ ᠯᠠ ᠥᠪᠡᠷ ᠢᠶᠠᠨ ᠬᠢᠵᠦ᠂ ᠪᠠᠭᠠ ᠰᠠᠭᠠ ᠪᠡᠷᠯᠡᠵᠦ ᠵᠣᠬᠢᠴᠠᠭᠤᠯᠬᠤ ᠠᠵᠢᠯ ᠢ ᠪᠣᠯ ᠬᠡᠪᠯᠡᠵᠦ ᠳᠠᠷᠤᠮᠠᠯᠯᠠᠬᠤ | ᠭᠠᠵᠠᠷ ᠤᠨ ᠬᠥᠮᠦᠰ ᠢ ᠵᠠᠷᠤᠳᠠᠭ ᠪᠠᠶᠢᠪᠠ᠃ | ᠣᠲᠣ ᠬᠥᠮᠦᠰ ᠶᠡᠷᠦ ᠨᠢ ᠭᠠᠷ ᠤᠲᠠᠰᠤ᠂ ᠺᠣᠮᠫᠢᠦ᠋ᠲ᠋ᠧᠷ ᠵᠡᠷᠭᠡ ᠠᠴᠠ ᠰᠠᠯᠵᠤ ᠴᠢᠳᠠᠬᠤ ᠪᠠᠨ ᠪᠤᠯᠢᠵᠤ᠂ ᠠᠵᠢᠯ ᠠᠮᠢᠳᠤᠷᠠᠯ ᠭᠡᠰᠡᠨ ᠥᠬᠡᠶ ᠡᠳᠦᠷ ᠲᠡᠭᠡᠨ | ᠱᠠᠭᠠᠶᠢᠵᠤ ᠯᠠ ᠪᠠᠶᠢᠳᠠᠭ᠃ ᠭᠡᠲᠡᠯᠡ ᠲᠡᠭᠦᠨ ᠤ ᠴᠡᠭᠡᠨ ᠬᠡᠷᠡᠯ ᠨᠢ ᠬᠥᠮᠦᠰ ᠤᠨ ᠨᠢᠳᠦᠨ ᠳᠤ ᠶᠡᠬᠡᠬᠡᠨ ᠰᠡᠳᠡᠯᠲᠡ ᠥᠭᠴᠦ ᠨᠢᠳᠤ ᠮᠠᠰᠢ ᠶᠡᠭᠡ ᠴᠢᠯᠡᠵᠦ ᠶᠠᠳᠠᠷᠠᠳᠠᠭ᠃ | ᠲᠡᠶᠢᠮᠤ ᠪᠣᠯᠬᠤᠷ ᠨᠢᠳᠦ ᠪᠠᠨ ᠵᠦᠶ ᠵᠣᠬᠢᠰᠲᠠᠶ ᠬᠠᠮᠠᠭᠠᠯᠠᠵᠤ ᠪᠠᠶᠢᠬᠤ ᠬᠡᠷᠡᠭᠲᠡᠶ᠃ | ᠨᠢᠭᠡ ᠳᠤ᠂ ᠨᠢᠳᠦ ᠪᠠᠨ ᠬᠡᠲᠦ ᠶᠠᠳᠠᠷᠠᠭᠠᠬᠤ ᠠᠴᠠ ᠪᠣᠯᠭᠤᠮᠵᠢᠯᠠᠬᠤ ᠬᠡᠷᠡᠭᠲᠡᠶ᠃ ᠤᠶᠢᠷᠡ ᠶᠢᠨ ᠠᠷᠪᠠᠭᠠᠳ ᠵᠢᠯ ᠳᠤ ᠨᠣᠮ ᠰᠤᠳᠤᠷ ᠲᠠᠢ ᠤᠷᠤᠯᠳᠤᠬᠤ ᠨᠢ | ᠠᠬᠠᠳᠠᠵᠤ᠂ ᠨᠢᠳᠦ ᠪᠠᠨ ᠬᠠᠶᠢᠷᠠᠯᠠᠵᠤ ᠬᠠᠮᠠᠭᠠᠯᠠᠬᠤ ᠲᠠᠯᠠ ᠪᠠᠷ ᠳᠤᠲᠠᠮᠠᠭ ᠪᠣᠯᠪᠠ᠃ ᠬᠥᠮᠦᠨ ᠶᠡᠷᠦ ᠨᠢ ᠵᠣᠬᠢᠬᠤ ᠬᠤᠭᠤᠴᠠᠭᠠ ᠳᠠᠷᠤᠶ 40 — 50 ᠮᠢᠨᠦ᠋ᠲ | ᠠᠵᠢᠯᠯᠠᠬᠤ ᠪᠦᠷᠢ 10 ᠮᠢᠨᠦ᠋ᠲ ᠣᠷᠴᠢᠮ ᠨᠢᠳᠦ ᠪᠠᠨ ᠠᠮᠠᠷᠠᠭᠠᠵᠤ ᠠᠪᠤᠭᠠᠳ ᠳᠠᠬᠢᠭᠠᠳ ᠠᠵᠢᠯᠯᠠᠪᠠᠯ ᠵᠣᠬᠢᠨᠠ᠃ ᠣᠷᠳᠣ ᠬᠤᠭᠤᠴᠠᠭᠠ ᠪᠠᠷ ᠶᠠᠳᠠᠷᠠᠯᠲᠠᠶ | ᠠᠵᠢᠯᠯᠠᠪᠠᠯ ᠨᠢᠳᠦᠨ ᠤ ᠠᠷᠬᠠᠭ ᠬᠡᠮ ᠠᠶᠠᠨᠳᠠᠭᠠᠨ ᠢᠯᠡᠷᠡᠵᠦ᠂ ᠬᠡᠴᠡᠭᠦᠳᠡᠪᠡᠯ ᠠᠮᠠᠷᠬᠠᠨ ᠨᠢᠳᠦᠨ ᠤ ᠶᠠᠮᠠᠷ ᠨᠢᠭᠡᠨ ᠡᠪᠡᠳᠴᠢᠨ ᠪᠣᠯᠵᠣ ᠬᠤᠪᠢᠷᠠᠨᠠ᠃ ᠡᠮᠴᠢ ᠶᠢᠨ | ᠬᠡᠯᠡᠬᠦ ᠪᠠᠷ ᠨᠢᠳᠦᠨ ᠤ ᠡᠪᠡᠳᠴᠢᠨ ᠣᠷᠣᠬᠤ ᠳᠤ ᠬᠢᠯᠪᠠᠷ᠂ ᠡᠳᠡᠭᠡᠷᠡᠬᠦ ᠳᠤ ᠤᠳᠠᠭᠠᠨ᠂ ᠴᠢᠨᠠᠭᠰᠢᠯᠠᠪᠠᠯ ᠳᠠᠬᠢᠨ ᠳᠠᠬᠢᠨ ᠤᠷᠪᠠᠭ᠋ᠤ ᠪᠣᠯᠤᠮᠵᠢᠲᠠᠶ ᠭᠡᠨᠡ᠃ | ᠡᠷᠲᠡ ᠠᠴᠠ ᠰᠡᠷᠭᠡᠶᠢᠯᠡᠬᠦ ᠶᠢ ᠴᠢᠬᠤᠯᠠᠴᠢᠯᠠᠬᠤ ᠬᠡᠷᠡᠭᠲᠡᠶ ᠪᠠᠶᠢᠨᠠ᠃ | ᠬᠤᠶᠠᠷ ᠲᠤ᠂ ᠺᠤᠮᠫᠢᠦ᠋ᠲ᠋ᠧᠷ ᠪᠤᠶᠤ ᠭᠠᠷ ᠤᠲᠠᠰᠤ ᠶᠢ ᠬᠡᠲᠦ ᠤᠳᠠᠭᠠᠨ ᠬᠡᠷᠡᠭᠯᠡᠵᠦ ᠪᠣᠯᠬᠤ ᠥᠬᠡᠶ᠃ ᠺᠤᠮᠫᠢᠦ᠋ᠲ᠋ᠧᠷ ᠪᠤᠶᠤ ᠭᠠᠷ ᠤᠲᠠᠰᠤᠨ ᠤ ᠬᠡᠷᠡᠭᠴᠡᠭᠡ | ᠱᠠᠭᠠᠷᠳᠠᠯᠭᠠ ᠡᠳᠦᠷ ᠢᠷᠡᠬᠦᠶᠡ ᠶᠡᠭᠡ ᠪᠣᠯᠵᠣ᠂ ᠪᠠᠷᠤᠭ ᠤᠨ ᠬᠥᠮᠦᠰ ᠰᠠᠯᠵᠤ ᠴᠢᠳᠠᠬᠤ ᠥᠬᠡᠶ ᠪᠣᠯᠤᠭᠰᠠᠨ ᠦᠨᠦᠳᠦᠷ ᠬᠡᠮᠵᠢᠶᠡᠨ ᠠᠴᠠ ᠬᠡᠲᠦᠷᠡᠲᠡᠯᠡ | ᠬᠡᠷᠡᠭᠯᠡᠭᠰᠡᠨ ᠠᠴᠠ ᠪᠣᠯᠣᠭᠠᠳ ᠬᠥᠮᠦᠰ ᠤᠨ ᠨᠢᠳᠦᠨ ᠬᠠᠷᠠᠭᠠ ᠶᠢ ᠮᠠᠭᠤᠳᠠᠭᠤᠯᠤᠭᠰᠠᠨ ᠶᠠᠪᠤᠳᠠᠯ ᠵᠥᠩᠳᠡᠭᠡᠨ ᠭᠠᠷᠬᠤ ᠪᠣᠯᠪᠠ᠃ ᠪᠢ ᠤᠶᠢᠷᠡ ᠶᠢᠨ ᠵᠢᠯ ᠤᠳ ᠲᠤ | ᠺᠤᠮᠫᠢᠦ᠋ᠲ᠋ᠧᠷ ᠪᠤᠶᠤ ᠭᠠᠷ ᠤᠲᠠᠰᠤ ᠶᠢ ᠬᠡᠷᠡᠭᠯᠡᠬᠦ ᠨᠢ ᠠᠬᠠᠳᠠᠬᠤ ᠪᠣᠯᠤᠭᠰᠠᠨ ᠢᠶᠠᠨ ᠥᠪᠡᠷ ᠢᠶᠠᠨ ᠴᠤ ᠮᠡᠳᠡᠨᠡ᠃ ᠨᠣᠮ ᠵᠣᠬᠢᠶᠠᠯ ᠤᠷᠤᠯᠳᠤᠨ ᠶᠡᠭᠡ ᠪᠠᠷᠤᠭ ᠢ ᠨᠢ | ᠣᠷᠳᠣ ᠬᠤᠭᠤᠴᠠᠭᠠᠨ ᠤ ᠴᠠᠭ ᠵᠠᠷᠤᠴᠠᠭᠤᠯᠵᠤ ᠪᠠᠶᠢᠭᠠᠳ ᠳᠠᠭᠤᠰᠬᠠᠳᠠᠭ ᠠᠴᠠ ᠪᠣᠯᠵᠣ ᠨᠢᠳᠦᠨ ᠤ ᠶᠠᠳᠠᠷᠠᠭᠠ ᠶᠡᠬᠡᠳᠦᠭᠰᠡᠨ ᠶᠠᠪᠤᠳᠠᠯ ᠪᠠᠶᠢᠨᠠ᠃ ᠡᠨᠡ ᠬᠤᠶᠠᠷ | ᠵᠢᠯ ᠠᠴᠠ ᠵᠠᠷᠢᠮ ᠰᠤᠷᠤᠯᠴᠠᠬᠤ ᠵᠦᠢᠯ ᠠᠷᠪᠢᠳᠤᠭᠰᠠᠨ ᠠᠴᠠ ᠪᠣᠯᠵᠣ᠂ ᠰᠥᠨᠢ ᠳᠡᠭᠡᠨ ᠨᠦᠢᠷ ᠬᠤᠯᠵᠢᠪᠠᠯ ᠭᠠᠷ ᠤᠲᠠᠰᠤ ᠪᠠᠨ ᠲᠡᠮᠲᠡᠷᠢᠵᠦ ᠠᠪᠤᠭᠠᠳ | ᠬᠠᠷᠠᠩᠭᠤᠶ ᠪᠠᠷ ᠭᠠᠷ ᠤᠲᠠᠰᠤᠨ ᠳᠡᠭᠡᠷᠡᠬᠢ ᠰᠤᠷᠤᠯᠴᠠᠯᠭᠠ ᠶᠢ ᠪᠡᠶᠡᠯᠡᠭᠦᠯᠳᠡᠭ ᠠᠴᠠ ᠪᠣᠯᠵᠣ ᠡᠨᠡ ᠨᠢ ᠮᠥᠨ ᠨᠢᠳᠦᠨ ᠤ ᠡᠪᠡᠳᠴᠢᠨ ᠢ ᠬᠦᠨᠳᠦᠷᠡᠭᠦᠯᠦᠭᠰᠡᠨ ᠪᠠᠶᠢᠵᠤ | ᠮᠡᠳᠡᠨᠡ᠃ ᠶᠠᠭᠤ ᠪᠣᠯᠤᠭᠰᠠᠨ ᠴᠤ ᠡᠳᠦᠷ ᠤᠨ ᠴᠠᠭ ᠢᠶᠠᠨ ᠵᠣᠬᠢᠰᠲᠠᠶ ᠠᠰᠢᠭᠯᠠᠵᠤ ᠠᠵᠢᠯᠯᠠᠵᠤ ᠰᠤᠷᠤᠯᠴᠠᠬᠤ ᠶᠢ ᠡᠷᠬᠢᠮᠯᠡᠬᠦ ᠬᠡᠷᠡᠭᠲᠡᠶ ᠭᠡᠳᠡᠭ ᠢ ᠮᠡᠳᠡᠬᠦ ᠴᠢᠬᠤᠯᠠᠲᠠᠶ | ᠪᠠᠶᠢᠨᠠ᠃ | ᠭᠤᠷᠪᠠ ᠳᠤ᠂ ᠨᠢᠳᠦᠨ ᠰᠢᠯ ᠲᠠᠭᠠᠷᠠᠭᠤᠯᠬᠤ ᠳᠠᠭᠠᠨ ᠡᠮᠨᠡᠯᠭᠡ ᠳᠤ ᠣᠴᠢᠬᠤ ᠪᠤᠶᠤ ᠲᠤᠰᠬᠠᠶ ᠬᠢᠷᠢ ᠲᠡᠩᠴᠡᠭᠰᠡᠨ ᠰᠢᠯ ᠲᠠᠭᠠᠷᠠᠭᠤᠯᠬᠤ ᠭᠠᠵᠠᠷ ᠣᠴᠢᠬᠤ | ᠬᠡᠷᠡᠭᠲᠡᠢ᠃ ᠤᠶᠢᠷᠡ ᠶᠢᠨ ᠵᠢᠯ ᠳᠤ ᠬᠡᠴᠢᠨᠡᠭᠡᠨ ᠰᠢᠯ ᠲᠠᠭᠠᠷᠠᠭᠤᠯᠵᠤ ᠵᠡᠭᠦᠭᠰᠡᠨ ᠢᠶᠠᠨ ᠮᠡᠳᠡᠬᠦ ᠳᠤ ᠪᠡᠷᠬᠡ ᠪᠠᠶᠢᠨᠠ᠃ ᠲᠠᠪᠤ ᠲᠤᠯᠤᠭᠠᠨ ᠵᠢᠯ ᠤᠨ ᠡᠮᠦᠨᠡ ᠠᠴᠠ | ᠬᠤᠰᠢᠭᠤᠨ ᠤ ᠪᠠᠨ ᠰᠢᠯ ᠲᠠᠭᠠᠷᠠᠭᠤᠯᠳᠠᠭ ᠭᠠᠵᠠᠷ ︽ᠣᠯᠠᠨ ᠬᠠᠷᠠᠭᠠᠲᠤ ᠨᠢᠳᠦᠨ ᠰᠢᠯ︾ ︵多视角 眼镜︶ ᠭᠡᠭᠴᠢ ᠶᠢ ᠬᠡᠲᠦ ᠤᠳᠠᠭᠠ ᠰᠣᠯᠢᠵᠤ | ᠬᠢᠯᠭᠡᠭᠰᠡᠨ᠃ ᠨᠢᠳᠦ ᠰᠠᠶᠢᠡ ᠬᠥᠮᠦᠨ ᠬᠠᠶᠡ ︽ᠨᠡᠷᠡᠨ ᠰᠢᠯ︾ ᠪᠤᠶᠣ ︽ᠰᠠᠯᠬᠢᠨ ᠰᠢᠯ︾ ᠪᠣᠯᠪᠠᠯ ᠴᠤ ᠶᠠᠭᠠᠬᠢᠬᠤ ᠪᠤᠢ᠂ ᠲᠠᠭᠠ ᠳᠤᠷᠠ ᠪᠠᠷ ᠢᠶᠠᠨ ᠰᠣᠩᠭᠤᠵᠤ | ᠪᠣᠯᠤᠨᠠ᠂ ᠭᠡᠪᠡᠴᠦ ᠤᠶᠢᠷᠡ ᠬᠠᠷᠠᠭᠠᠨ ᠤ ᠰᠢᠯ ᠵᠡᠷᠭᠡ ᠶᠢ ᠲᠠᠭᠠᠷᠠᠭᠤᠯᠬᠤ ᠦᠶᠡ ᠳᠤ ᠵᠠᠪᠠᠯ ᠡᠮᠨᠡᠯᠭᠡ ᠳᠤ ᠬᠦᠷᠴᠦ ᠬᠠᠷᠠᠭᠠ ᠪᠠᠨ ᠪᠠᠶᠢᠴᠠᠭᠠᠯᠭᠠᠵᠤ ᠲᠣᠬᠢᠷᠠᠮᠵᠢᠲᠠᠶ | ᠰᠢᠯ ᠲᠠᠭᠠᠷᠠᠭᠤᠯᠵᠤ ᠵᠡᠭᠦᠬᠦ ᠬᠡᠷᠡᠭᠲᠡᠶ᠃ | | | |