| | ᠠᠭᠤᠰᠭᠢ ᠪᠣᠯ ︽ᠬᠥᠮᠦᠨ ᠤ ᠪᠡᠶᠡ ᠶᠢᠨ ᠬᠡᠢ ᠶᠢᠨ ᠦᠨᠳᠦᠰᠦ︾ ᠮᠥᠨ᠂ ᠲᠡᠷᠡ ᠨᠢ ᠠᠮᠢᠰᠬᠤᠯ ᠤᠨ ᠬᠡᠢ ᠶᠢ ᠭᠤᠤᠯᠯᠠᠬᠤ ᠪᠠᠷ ᠪᠠᠷᠠᠬᠤ ᠦᠭᠡᠢ ᠪᠦᠬᠦ | ᠪᠡᠶᠡ ᠶᠢᠨ ᠬᠡᠢ ᠶᠢ ᠭᠤᠣᠯᠯᠠᠨ᠂ ᠬᠥᠮᠦᠨ ᠤ ᠪᠡᠶᠡ ᠶᠢᠨ ᠬᠡᠢ ᠶᠢ ᠡᠭᠦᠰᠭᠡᠬᠦ ᠪᠠ ᠠᠵᠢᠯᠯᠠᠭᠤᠯᠬᠤ ᠲᠠᠢ ᠨᠢᠭᠲᠠ ᠬᠠᠷᠢᠴᠠᠭᠠ ᠲᠠᠢ ᠪᠠᠶᠢᠵᠤ᠂ ᠪᠡᠶᠡ ᠶᠢᠨ ᠳᠣᠲᠣᠷᠠ | ᠭᠠᠳᠠᠨᠠᠬᠢ ᠬᠡᠢ ᠶᠢ ᠴᠡᠪᠡᠷᠯᠡᠬᠦ᠂ ᠪᠤᠬᠢᠷ ᠬᠡᠢ ᠶᠢ ᠰᠣᠯᠢᠯᠴᠠᠵᠤ ᠭᠠᠳᠠᠭᠰᠢᠯᠠᠭᠤᠯᠬᠤ ᠵᠠᠮ ᠪᠠᠶᠢᠵᠤ᠂ ᠭᠤᠣᠯ ᠴᠢᠰᠤᠨ ᠰᠤᠳᠠᠯ ᠳᠤ ᠲᠤᠰᠠᠯᠠᠵᠤ ᠵᠢᠷᠦᠬᠡᠨ ᠤ ᠴᠢᠰᠤ ᠶᠢ | ᠨᠡᠪᠲᠡᠷᠡᠭᠦᠯᠦᠨ ᠴᠢᠰᠤᠨ ᠰᠤᠳᠠᠯ ᠢ ᠨᠡᠪᠲᠡᠷᠡᠭᠦᠯᠳᠡᠭ᠃ | ᠠᠭᠤᠰᠭᠢ ᠪᠠᠨ ᠬᠠᠮᠠᠭᠠᠯᠠᠬᠤ ᠳᠤ ᠲᠤᠤᠷᠠᠬᠢ ᠲᠠᠪᠤᠨ ᠲᠠᠯᠠ ᠪᠠᠷ ᠰᠠᠶᠢᠳᠤᠷ ᠠᠩᠬᠠᠷᠬᠤ ᠬᠡᠷᠡᠭᠳᠡᠢ᠄ | ᠬᠠᠮᠠᠷ ᠢᠶᠠᠨ ᠢᠯᠢᠬᠦ᠃ ᠬᠤᠶᠠᠷ ᠭᠠᠷ ᠤᠨ ᠡᠷᠡᠬᠡᠢ ᠬᠤᠷᠤᠭᠤᠨ ᠤ ᠪᠠᠨ ᠠᠷᠤ ᠲᠠᠯᠠ ᠶᠢ ᠱᠦᠷᠭᠦᠭᠡᠵᠦ ᠬᠠᠯᠠᠭᠤ ᠣᠷᠭᠢᠭᠰᠠᠨ ᠤ ᠳᠠᠷᠠᠭᠠ ᠬᠠᠮᠠᠷ ᠤᠨ ᠬᠢᠷᠠ᠂ | ᠬᠠᠮᠠᠷ ᠤᠨ ᠬᠠᠵᠠᠭᠤ ᠶᠢᠨ ᠬᠤᠶᠠᠷ ᠲᠠᠯᠠ ᠪᠠᠷ ᠳᠡᠭᠡᠭᠰᠢ ᠳᠣᠷᠣᠭᠰᠢ 30 ᠤᠳᠠᠭᠠ ᠢᠯᠢᠵᠦ ᠨᠤᠬᠤᠯᠠᠨᠠ᠂ ᠳᠠᠷᠠᠭᠠ ᠨᠢ ᠦᠨᠦᠷᠲᠦ ᠪᠡᠯᠴᠢᠷ ᠢ 20 ᠤᠳᠠᠭᠠ | ᠢᠯᠢᠨᠡ᠃ ᠬᠦᠢᠲᠡᠨ ᠠᠭᠤᠷ ᠠᠮᠢᠰᠬᠤᠯ ᠳᠤ ᠬᠠᠷᠰᠢᠯ ᠲᠠᠢ ᠬᠥᠮᠦᠨ ᠠᠮᠠᠷᠬᠠᠨ ᠬᠠᠮᠠᠷ ᠪᠥᠭᠯᠡᠷᠡᠬᠦ᠂ ᠨᠢᠰᠤ ᠭᠤᠭᠤᠵᠢᠬᠤ ᠢᠯᠡᠷᠡᠯ ᠭᠠᠷᠪᠡᠯ᠂ ᠦᠷᠭᠦᠯᠵᠢ ᠬᠠᠮᠠᠷ ᠤᠨ | ᠬᠡᠰᠡᠭ ᠢᠶᠠᠨ ᠢᠯᠢᠵᠦ ᠨᠤᠬᠤᠯᠠᠬᠤ ᠨᠢ ᠡᠪᠡᠳᠴᠢᠨ ᠤ ᠢᠯᠡᠷᠡᠯ ᠢ ᠨᠠᠮᠳᠠᠭᠠᠳᠠᠭ᠃ | ᠬᠤᠭᠤᠯᠠᠶ ᠪᠠᠨ ᠢᠯᠢᠬᠦ᠃ ᠡᠷᠡᠬᠡᠢ ᠬᠤᠷᠤᠭᠤ ᠪᠠᠨ ᠪᠤᠰᠤᠳ ᠳᠥᠷᠪᠡᠨ ᠬᠤᠷᠤᠭᠤ ᠲᠠᠢ ᠪᠠᠨ ᠰᠠᠯᠭᠠᠵᠤ᠂ ᠬᠤᠭᠤᠯᠠᠢ ᠤᠷᠤᠭᠤ ᠪᠠᠨ ᠬᠠᠨᠳᠤᠭᠤᠯᠤᠨᠠ᠃ | ᠰᠠᠭᠤᠬᠤ ᠪᠤᠶᠤ ᠵᠣᠭᠰᠣᠬᠤ ᠳᠠᠭᠠᠨ᠂ ᠲᠣᠯᠣᠭᠠᠢ ᠪᠠᠨ ᠭᠡᠳᠡᠶᠢᠵᠦ᠂ ᠬᠦᠵᠦᠭᠦᠦ ᠪᠠᠨ ᠲᠡᠨᠢᠢᠯᠭᠡᠨ᠂ ᠭᠠᠷ ᠢᠶᠠᠷ ᠢᠶᠠᠨ ᠬᠤᠭᠤᠯᠠᠢ ᠪᠠᠨ ᠲᠠᠭᠠᠭᠤᠯᠤᠨ ᠳᠣᠷᠣᠭᠰᠢ | ᠴᠡᠭᠡᠵᠢᠨ ᠤ ᠬᠡᠰᠡᠭ ᠬᠦᠷᠲᠡᠯᠡ ᠬᠤᠶᠠᠷ ᠭᠠᠷ ᠢᠶᠠᠨ 30 ᠤᠳᠠᠭᠠ ᠰᠣᠯᠢᠵᠤ ᠢᠯᠢᠪᠡᠯ᠂ ᠨᠢᠭᠡ ᠤᠳᠠᠭᠠ ᠬᠢᠭᠰᠡᠨ ᠳᠤ ᠲᠤᠭᠠᠴᠠᠵᠤ᠂ ᠡᠨᠡ ᠮᠡᠳᠦ ᠪᠠᠷ ᠦᠷᠭᠦᠯᠵᠢᠯᠡᠨ | 2 ~ 3 ᠤᠳᠠᠭᠠ ᠬᠢᠨᠡ᠃ ᠡᠨᠡ ᠠᠷᠭᠠ ᠨᠢ ᠵᠠᠯᠭᠢᠬᠤ᠂ ᠬᠠᠨᠢᠶᠠᠳᠤ ᠶᠢ ᠲᠠᠷᠤᠬᠤ᠂ ᠴᠠᠷ ᠢ ᠠᠷᠢᠯᠭᠠᠬᠤ ᠳᠤ ᠲᠤᠰᠠ ᠲᠠᠢ᠃ | ᠠᠮᠢᠰᠬᠤᠯ ᠢᠶᠠᠨ ᠬᠤᠷᠢᠶᠠᠵᠤ ᠭᠠᠷᠭᠠᠬᠤ ᠲᠠᠰᠬᠠᠯ᠃ ᠤᠨᠲᠠᠬᠤ ᠠᠴᠠ ᠪᠠᠨ ᠡᠮᠦᠨᠡ ᠪᠤᠶᠤ ᠪᠣᠰᠬᠤ ᠦᠶᠡ ᠳᠡᠭᠡᠨ᠂ ᠣᠷᠣ ᠳᠡᠭᠡᠷᠡ ᠪᠠᠨ ᠬᠡᠪᠲᠡᠭᠡᠳ | ᠬᠡᠪᠡᠯᠢ ᠪᠠᠷ ᠢᠶᠠᠨ ᠠᠮᠢᠰᠬᠤᠵᠤ᠂ ᠠᠭᠠᠵᠢᠮ ᠢᠶᠠᠷ ᠭᠦᠨ ᠠᠮᠢᠰᠬᠤᠭᠠ ᠠᠪᠤᠭᠰᠠᠨ ᠤ ᠳᠠᠷᠠᠭᠠ ᠠᠮᠢᠰᠬᠤᠯ ᠢᠶᠠᠨ ᠭᠠᠷᠭᠠᠵᠤ᠂ ᠡᠨᠡ ᠮᠡᠳᠦ ᠪᠠᠷ 30 ᠤᠳᠠᠭᠠ ᠬᠢᠨᠡ᠃ | ᠨᠢᠷᠤᠭᠤ ᠪᠠᠨ ᠬᠦᠡᠭᠭᠡᠨ ᠰᠢᠭᠠᠬᠤ᠃ ᠲᠥᠪ ᠰᠠᠭᠤᠵᠤ᠂ ᠨᠢᠷᠤᠭᠤ ᠪᠠᠨ ᠲᠡᠨᠢᠢᠯᠭᠡᠨ᠂ ᠬᠤᠶᠠᠷ ᠨᠢᠳᠦ ᠪᠠᠨ ᠠᠨᠢᠵᠤ᠂ ᠬᠤᠶᠠᠷ ᠭᠠᠷ ᠢᠶᠠᠨ ᠵᠠᠩᠬᠢᠳᠤᠭᠠᠳ᠂ | ᠨᠢᠷᠤᠭᠤᠨ ᠤ ᠪᠠᠨ ᠠᠷᠤ ᠪᠠᠷ ᠳᠣᠣᠷᠠ ᠠᠴᠠ ᠳᠡᠭᠡᠭᠰᠢ᠂ ᠳᠠᠬᠢᠨ ᠳᠡᠭᠡᠷᠡ ᠠᠴᠠ ᠳᠣᠷᠣᠭᠰᠢ ᠬᠦᠡᠭᠭᠡᠨ ᠰᠢᠭᠠᠨᠠ᠃ ᠤᠷᠢᠳ ᠢᠶᠠᠷ ᠨᠢᠷᠤᠭᠤᠨ ᠭᠤᠤᠯ ᠳᠠᠭᠠᠨ | ᠰᠢᠭᠠᠵᠤ᠂ ᠲᠠᠷᠠᠭᠠ ᠨᠢ ᠵᠡᠭᠦᠨ ᠪᠠᠷᠠᠭᠤᠨ ᠲᠠᠯᠠ ᠳᠤᠨᠢ ᠬᠦᠡᠭᠭᠡᠨ ᠰᠢᠭᠠᠨᠠ᠂ ᠡᠨᠡ ᠮᠡᠳᠦ ᠪᠠᠷ 3 ~ 4 ᠤᠳᠠᠭᠠ ᠬᠢᠨᠡ᠃ ᠨᠢᠷᠤᠭᠤ ᠪᠠᠨ ᠰᠢᠭᠠᠬᠤ ᠦᠶᠡᠰ | ᠠᠮᠢᠰᠬᠤᠯ ᠢᠶᠠᠨ ᠲᠦᠷ ᠬᠤᠷᠢᠶᠠᠵᠤ ᠲᠠᠲᠠᠬᠤ ᠶᠢᠨ ᠬᠠᠮᠲᠤ᠂ 5 ~10 ᠤᠳᠠᠭᠠ ᠰᠢᠳᠦ ᠪᠠᠨ ᠬᠠᠪᠢᠷᠤᠨ᠂ ᠰᠢᠯᠦᠰᠦ ᠪᠠᠨ ᠵᠠᠯᠭᠢᠬᠤ ᠶᠢ ᠤᠳᠠᠭᠠᠰᠢᠷᠠᠭᠤᠯᠤᠨᠠ᠃ | ᠡᠨᠡ ᠬᠦ ᠠᠷᠭᠠ ᠨᠢ ᠬᠢᠮᠤᠷᠠᠭᠠ ᠶᠢ ᠰᠡᠷᠭᠡᠶᠢᠯᠡᠬᠦ ᠳᠤ ᠠᠰᠢᠭᠲᠠᠢ᠃ | ᠦᠷᠭᠦᠯᠵᠢ ᠢᠨᠢᠶᠡᠬᠦ᠃ ᠢᠨᠢᠶᠡᠬᠦ ᠨᠢ ᠬᠥᠮᠦᠨ ᠤ ᠴᠡᠭᠡᠵᠢ ᠶᠢ ᠲᠡᠨᠢᠢᠯᠭᠡᠨ᠂ ᠴᠡᠭᠡᠵᠢᠨ ᠪᠤᠯᠴᠢᠩ ᠢ ᠰᠤᠨᠢᠶᠠᠯᠭᠠᠵᠤ᠂ ᠠᠭᠤᠰᠭᠢᠨ ᠤ ᠪᠠᠭᠲᠠᠭᠠᠮᠵᠢ ᠶᠢ | ᠨᠡᠮᠡᠭᠳᠡᠭᠦᠯᠳᠡᠭ᠂ ᠢᠨᠢᠶᠡᠬᠦ ᠳᠤᠮᠳᠠ ᠪᠠᠰᠠ ᠦᠯᠦ ᠮᠡᠳᠡᠭ ᠭᠦᠨ ᠠᠮᠢᠰᠬᠤᠵᠤ᠂ ᠠᠮᠢᠰᠬᠤᠯ ᠤᠨ ᠵᠠᠮ ᠢ ᠴᠡᠪᠡᠷᠯᠡᠳᠡᠭ᠃ ᠬᠥᠮᠤᠨ ᠶᠡᠭᠡ ᠢᠨᠢᠶᠡᠬᠦ ᠪᠠᠷ᠂ ᠨᠡᠩ ᠠᠷᠪᠢᠨ | ᠬᠦᠴᠢᠯᠲᠥ᠋ᠷᠥᠭᠴᠢ ᠶᠢ ᠠᠮᠢᠰᠬᠤᠨ ᠣᠷᠣᠭᠤᠯᠵᠤ᠂ ᠪᠤᠬᠢᠷ ᠬᠡᠢ ᠶᠢ ᠠᠮᠢᠰᠬᠤᠨ ᠭᠠᠷᠭᠠᠵᠤ᠂ ᠴᠢᠰᠤᠨ ᠤ ᠡᠷᠭᠢᠯᠲᠡ ᠶᠢ ᠲᠦᠷᠭᠡᠳᠭᠡᠨ᠂ ᠶᠠᠳᠠᠷᠠᠭᠠ ᠶᠢ ᠲᠠᠶᠢᠯᠵᠤ᠂ | ᠲᠠᠮᠢᠷ ᠲᠡᠩᠬᠡᠭᠡ ᠶᠢ ᠰᠡᠷᠭᠦᠭᠡᠨᠡ᠃ | ᠡᠭᠦᠨ ᠠᠴᠠ ᠭᠠᠳᠠᠨᠠ᠂ ᠵᠠᠷᠢᠮ ᠡᠮ ᠲᠠᠩ ᠨᠢ ᠪᠠᠰᠠ ᠬᠦᠮᠦᠨ ᠤ ᠪᠡᠶᠡ ᠶᠢᠨ ᠲᠠᠮᠢᠷ ᠢ ᠰᠢᠮᠡᠵᠢᠭᠦᠯᠵᠦ ᠠᠭᠤᠰᠭᠢ ᠶᠢ ᠰᠠᠶᠢᠵᠢᠷᠠᠭᠤᠯᠬᠤ ᠦᠢᠯᠡᠳᠦᠯ ᠲᠠᠢ | ᠪᠠᠶᠢᠳᠠᠭ᠃ ᠵᠢᠱᠢᠶᠡᠯᠡᠪᠡᠯ ᠬᠤᠨᠴᠢᠷ ᠤᠳᠪᠠᠯᠠ ᠴᠡᠴᠡᠭᠲᠦ ᠴᠠᠢ᠄ ᠬᠤᠨᠴᠢᠷ᠂ ᠴᠢᠨ᠋ᠸᠠ ᠶᠢᠨ ᠬᠠᠷᠮᠠᠭ ᠲᠤᠰ ᠪᠦᠷᠢ 10 ᠭᠷᠠᠮ ᠬᠢᠵᠤ᠂ 1200 ᠮᠢᠯᠢᠯᠢᠲᠷ ᠤᠰᠤ | ᠨᠡᠮᠡᠵᠦ ᠶᠡᠭᠡ ᠭᠠᠯ ᠢᠶᠠᠷ ᠪᠤᠴᠠᠯᠭᠠᠨ᠂ ᠪᠠᠭᠠ ᠭᠠᠯ ᠢᠶᠠᠷ 10 ᠮᠢᠨᠦ᠋ᠲ ᠪᠤᠴᠠᠯᠭᠠᠵᠤ᠂ ᠳᠠᠬᠢᠨ ᠰᠢᠷᠠ ᠤᠳᠪᠠᠯᠠ ᠴᠡᠴᠡᠭ 6 ᠶᠢ ᠬᠢᠵᠦ᠂ ᠪᠠᠭᠠ ᠭᠠᠯ ᠢᠶᠠᠷ 5 | ᠮᠢᠨᠦ᠋ᠲ ᠪᠤᠴᠠᠯᠭᠠᠨ᠂ ᠵᠣᠬᠢᠬᠤ ᠬᠡᠮᠵᠢᠶᠡᠨ ᠤ ᠮᠥᠰᠥᠨ ᠰᠢᠬᠢᠷ ᠬᠢᠵᠦ᠂ ᠴᠠᠢ ᠪᠣᠯᠭᠠᠨ ᠤᠤᠭᠤᠨᠠ︔ ᠲᠦᠭᠦᠬᠡᠶ ᠠᠯᠢᠮᠠ ᠲᠠᠢ ᠨᠤᠭᠲᠤᠷᠦ ᠡᠪᠡᠰᠦᠨ ᠤ ᠱᠦᠯᠦ᠄ | ᠰᠢᠨᠡ ᠰᠤᠷᠭᠤᠭ ᠠᠯᠢᠮᠠ ᠠᠴᠠ ᠨᠢᠭᠡ ᠶᠢ ᠠᠪᠴᠤ᠂ ᠤᠬᠢᠶᠠᠨ ᠴᠡᠪᠡᠷᠯᠡᠵᠦ ᠬᠠᠯᠢᠰᠤ ᠶᠢ ᠨᠢ ᠱᠠᠭᠠᠯᠵᠤ᠂ ᠭᠤᠤᠯ ᠢ ᠨᠢ ᠵᠢᠵᠢᠭᠯᠡᠨ ᠬᠡᠷᠴᠢᠵᠦ᠂ 3 ~ 5 ᠭᠷᠠᠮ | ᠤᠷᠢᠶᠠᠩᠭᠤ ᠨᠤᠭᠳᠤᠷᠤ᠂ ᠵᠦᠷᠵᠢ ᠶᠢᠨ ᠬᠠᠯᠢᠰᠤ ᠶᠢᠨ ᠬᠠᠭᠠᠰ ᠢ ᠨᠢ ᠴᠤᠭ ᠠᠶᠠᠭᠠᠨ ᠳᠤ ᠬᠢᠵᠦ᠂ 300 ᠮᠢᠯᠢᠯᠢᠲᠷ ᠤᠰᠤ ᠬᠢᠵᠦ᠂ ᠬᠠᠭᠠᠰ ᠴᠠᠭ ᠵᠢᠩᠨᠡᠭᠰᠡᠨ ᠤ | ᠲᠠᠷᠠᠭᠠ᠂ ᠨᠤᠭᠲᠤᠷᠤ ᠪᠠ ᠵᠦᠷᠵᠢ ᠶᠢᠨ ᠬᠠᠯᠢᠰᠤ ᠶᠢ ᠲᠡᠭᠦᠵᠦ ᠬᠠᠶᠠᠭᠠᠳ᠂ ᠱᠥᠯᠥ ᠶᠢ ᠨᠢ ᠤᠤᠭᠤᠵᠤ ᠠᠯᠢᠮᠠ ᠶᠢ ᠨᠢ ᠢᠳᠡᠨᠡ᠃ | | |