| | ︽ᠮᠣᠩᠭᠤᠯᠴᠣᠳ ᠤᠨ ᠦᠨᠡᠨᠴᠢ ᠲᠣᠰᠠᠯᠠᠭᠴᠢ ᠠᠳᠣᠭᠤ ᠬᠠᠮᠢᠭᠠ ᠠᠴᠠ᠂ ᠬᠡᠵᠢᠶᠡ ᠡᠭᠦᠰᠦᠨ ᠪᠤᠢ ᠪᠣᠯᠪᠡ︾︖ ᠡᠨᠡ ᠠᠰᠠᠭᠤᠯᠳᠠ ᠶᠢᠨ | ᠬᠠᠷᠢᠭᠤᠯᠲᠠ ᠳᠤ ᠲᠡᠯᠡᠬᠡᠢ ᠶᠢᠨ ᠡᠷᠳᠡᠮᠲᠡᠳ ︽ᠮᠣᠩᠭᠤᠯ ᠠᠴᠠ ᠭᠠᠷᠤᠯ ᠲᠠᠢ︾ ᠭᠡᠮᠡᠨ ᠨᠢᠭᠡᠨ ᠳᠠᠭᠤ ᠪᠠᠷ ᠬᠠᠷᠢᠭᠤᠯᠳᠠᠭ᠃ ᠣᠴᠢᠷ ᠨᠢ ᠮᠣᠩᠭᠤᠯ ᠠᠴᠠ | ᠣᠯᠳᠠᠭᠰᠠᠨ ᠡᠷᠲᠡᠨ ᠤ ᠠᠳᠤᠭᠤᠨ ᠤ ᠤᠯᠳᠠᠪᠤᠷᠢ ᠨᠤᠭᠤᠳ ᠲᠤ ᠲᠣᠯᠭᠤᠷᠢᠯᠠᠨ ᠠᠳᠤᠭᠤᠨ ᠤ ᠡᠪᠦᠭᠡ ᠮᠣᠩᠭᠤᠯ ᠤᠨ ᠭᠤᠪᠢ ᠳᠤ ᠡᠭᠦᠰᠦᠭᠡᠳ ᠲᠡᠯᠡᠬᠡᠢ ᠶᠢᠨ | ᠪᠦᠮᠪᠦᠷᠴᠡᠭ ᠤᠨ ᠦᠨᠴᠦᠭ ᠪᠣᠯᠣᠩ ᠪᠦᠷᠢ ᠳᠤ ᠲᠠᠷᠬᠠᠭᠰᠠᠨ ᠢ ᠣᠯᠠᠨ ᠰᠤᠳᠤᠯᠭᠠ ᠨᠣᠳᠠᠯᠠᠵᠤ ᠪᠠᠶᠢᠨᠠ᠃ | | | ᠠᠮᠧᠷᠢᠺᠠ ᠶᠢᠨ ᠡᠷᠳᠡᠮᠲᠡᠨ ᠧᠨᠳᠧᠷᠶᠤᠰ ᠤᠨ ᠡᠺᠰᠫᠶᠧᠳᠴᠢ 1924 ᠣᠨ ᠳᠤ ᠮᠣᠩᠭᠤᠯ ᠤᠨ ᠭᠤᠪᠢ ᠠᠴᠠ ᠠᠳᠤᠭᠤᠨ ᠤ ᠡᠪᠦᠭᠡ ᠭᠡᠭᠳᠡᠳᠡᠭ ᠠᠪᠣᠷᠭᠤ | ᠲᠣᠮᠣ ᠮᠧᠽᠤᠨᠢᠬᠢᠳ᠋ — ᠺᠤᠨᠳᠢᠫᠢᠷᠳ᠋ᠷ ᠣᠯᠤᠭᠰᠠᠨ ᠪᠤᠯ ᠡᠮᠦᠨᠡᠭᠤᠪᠢ ᠠᠶᠢᠮᠠᠭ ᠤᠨ ᠭᠤᠷᠪᠠᠨ ᠰᠠᠶᠢᠬᠠᠨ ᠰᠤᠮᠤ ᠶᠢᠨ ᠬᠠᠰᠢᠶᠠᠲᠤ ᠭᠡᠳᠡᠭ ᠭᠠᠵᠠᠷ ᠠᠴᠠ 65 ᠰᠠᠶᠠ | ᠵᠢᠯ ᠤᠨ ᠡᠮᠦᠨᠡᠬᠢ ᠠᠳᠤᠭᠤᠨ ᠤ ᠶᠠᠰᠣ ᠣᠯᠵᠠᠢ᠃ ᠲᠡᠭᠦᠨᠴᠢᠯᠡᠨ ᠣᠷᠤᠰ ᠤᠨ ᠬᠤᠯᠪᠣᠭᠠᠨ ᠤ ᠣᠯᠤᠰ ᠤᠨ ᠫᠠᠯᠧᠨ᠋ᠲ᠋ᠤᠯᠤᠭᠢ ᠶᠢᠨ ᠡᠺᠰᠫᠶᠧᠳᠴᠢ ᠮᠣᠩᠭᠤᠯ ᠤᠨ | ᠳᠤᠷᠤᠨᠠᠭᠤᠪᠢ ᠠᠶᠢᠮᠠᠭ ᠤᠨ ᠡᠷᠬᠢᠯᠲᠡ ᠶᠢᠨ ᠵᠣ ᠠᠴᠠ ᠲᠠᠪᠣᠨ ᠰᠠᠯᠠᠭᠠ ᠬᠤᠷᠤᠭᠤ ᠲᠠᠢ ᠪᠦᠳᠦᠭᠦᠯᠢᠭ ᠠᠳᠣᠭᠤ᠂ 1975 ᠣᠨ ᠳᠤ ᠦᠪᠦᠷᠬᠠᠩᠭᠠᠢ ᠶᠢᠨ | ᠬᠤᠯᠪᠤᠭᠠᠵᠢ ᠨᠠᠭᠤᠷ ᠭᠡᠳᠡᠭ ᠭᠠᠵᠠᠷ ᠠᠴᠠ ᠲᠦᠷᠪᠡᠨ ᠬᠤᠷᠤᠭᠤ ᠲᠠᠢ ᠠᠳᠣᠭᠤ ᠣᠯᠤᠭᠰᠠᠨ ᠨᠢ 65 — 63 ᠰᠠᠶᠠ ᠵᠢᠯ ᠤᠨ ᠡᠮᠦᠨᠡ ᠮᠣᠩᠭᠤᠯ ᠨᠣᠲᠤᠭ ᠲᠤ | ᠠᠮᠢᠳᠤᠷᠠᠵᠤ ᠪᠠᠶᠢᠭᠰᠠᠨ ᠲᠠᠪᠣᠨ ᠬᠤᠷᠤᠭᠤ ᠲᠠᠢ ᠠᠳᠤᠭᠤᠨ ᠤ ᠵᠠᠯᠭᠠᠮᠵᠢ ᠡᠪᠦᠭᠡ ᠭᠡᠵᠦ ᠡᠷᠳᠡᠮᠲᠡᠳ ᠲᠣᠭᠲᠠᠭᠠᠵᠠᠢ᠃ ᠡᠨᠡ ᠮᠡᠳᠦᠴᠢᠯᠡᠨ ᠲᠡᠯᠡᠬᠡᠢ ᠶᠢᠨ | ᠠᠳᠤᠭᠤᠨ ᠤ ᠡᠪᠦᠭᠡ ᠮᠣᠩᠭᠤᠯ ᠨᠣᠲᠤᠭ ᠲᠤ ᠪᠠᠶᠢᠵᠠᠢ ᠭᠡᠵᠦ ᠦᠵᠡᠬᠦ ᠣᠯᠠᠨ ᠪᠠᠲᠣᠯᠠᠭᠠ ᠲᠡᠮᠳᠡᠭᠯᠡᠭᠳᠡᠨ ᠦᠯᠡᠳᠡᠭᠰᠡᠨ ᠪᠠᠶᠢᠨᠠ᠃ ᠢᠩᠬᠢᠵᠦ ᠠᠩᠬᠠᠨ ᠤ ᠲᠠᠪᠣᠨ | ᠰᠠᠯᠠᠭᠠ ᠬᠤᠷᠤᠭᠤ ᠲᠠᠢ ᠠᠳᠤᠭᠤᠨ ᠠᠴᠠ ᠣᠷᠴᠢᠨ ᠦᠶᠡ ᠶᠢᠨ ᠨᠢᠭᠡ ᠲᠣᠭᠤᠷᠠᠢ ᠲᠠᠢ ᠠᠳᠣᠭᠤ ᠬᠦᠷᠲᠡᠯᠡᠬᠢ ᠣᠯᠠᠨ ᠰᠠᠶᠠ ᠵᠢᠯ ᠤᠨ ᠬᠦᠭᠵᠢᠯ ᠤᠨ ᠶᠠᠪᠤᠴᠠ ᠳᠤ | ᠳᠡᠯᠡᠬᠡᠢ ᠲᠡᠭᠡᠷᠡ ᠡᠭᠦᠰᠦᠭᠰᠡᠨ 200 ᠊ᠭᠠᠳ ᠬᠡᠯᠪᠡᠷᠢ ᠶᠢᠨ ᠠᠳᠣᠭᠤ ᠮᠣᠩᠭᠤᠯ ᠣᠳᠤᠮ ᠤᠨ ᠠᠵᠢ᠃ | ᠡᠨᠡ ᠨᠢ ᠮᠣᠩᠭᠤᠯᠴᠣᠳ ᠤᠨ᠂ ᠢᠯᠠᠩᠭᠤᠶᠠ ᠴᠢᠩᠭᠢᠰ ᠤᠨ ᠦᠶᠡ ᠶᠢᠨ ᠶᠡᠭᠡ ᠠᠶᠠᠨ ᠲᠠᠶᠢᠨ ᠢᠶᠠᠷ ᠮᠣᠩᠭᠤᠯ ᠴᠡᠷᠢᠭ ᠤᠳ ᠵᠦᠪᠬᠡᠨ ᠮᠣᠷᠢ ᠪᠠᠷ ᠢᠶᠠᠨ | ᠲᠡᠯᠡᠬᠡᠢ ᠶᠢᠨ ᠦᠨᠴᠦᠭ ᠪᠣᠯᠣᠩ ᠪᠦᠷᠢ ᠳᠤ ᠬᠦᠷᠴᠦ᠂ ᠵᠠᠷᠢᠮ ᠨᠢ ᠲᠡᠨᠳᠡ ᠪᠠᠨ ᠲᠤᠬᠠᠢ ᠶᠢᠨ ᠣᠯᠤᠰ ᠢ ᠲᠦᠪᠬᠢᠨᠡᠬᠦᠯᠣᠨ ᠰᠠᠭᠤᠷᠢᠰᠢᠵᠤ ᠪᠠᠶᠢᠭᠰᠠᠨ ᠲᠠᠢ | ᠬᠤᠯᠪᠤᠭᠠᠲᠠᠢ ᠶᠤᠮ᠃ ᠡᠶᠢᠮᠣ ᠠᠴᠠ ᠴᠦ ᠮᠣᠩᠭᠤᠯᠴᠣᠳ ᠢ ︽ᠮᠣᠷᠢᠲᠠᠨ ᠮᠣᠩᠭᠤᠯᠴᠣᠳ︾ ᠭᠡᠮᠡᠨ ᠳᠡᠯᠡᠬᠡᠢ ᠲᠠᠶᠠᠭᠠᠷ ᠨᠡᠷᠡᠯᠡᠳᠡᠭ ᠪᠢᠯᠡ᠃ ᠰᠤᠨᠢᠷᠬᠠᠭᠤᠯᠤᠨ | ᠦᠭᠦᠯᠡᠬᠦ ᠳᠤ᠂ ᠬᠦᠢ ᠨᠢᠭᠡᠲᠦᠯ ᠤᠨ ᠦᠶᠡ ᠠᠴᠠ ᠡᠬᠢᠯᠡᠨ ᠠᠳᠣᠭᠤ ᠨᠣᠬᠠᠢ ᠬᠤᠶᠠᠷ ᠮᠣᠩᠭᠤᠯᠴᠣᠳ ᠤᠨ ᠰᠠᠯᠤᠰᠢ ᠦᠭᠡᠢ ᠠᠨᠳᠠ᠂ ᠦᠨᠡᠨᠴᠢ ᠨᠦᠬᠦᠷ ᠪᠣᠯᠣᠭᠰᠠᠨ | ᠲᠤᠬᠠᠢ ᠪᠠᠷᠢᠮᠲᠠ ᠨᠤᠭᠤᠳ ᠮᠣᠩᠭᠤᠯ ᠨᠣᠲᠤᠭ ᠤᠨ ᠬᠠᠳᠠ ᠴᠢᠯᠠᠭᠤᠨ ᠲᠡᠭᠡᠷᠡ ᠣᠯᠠᠨ ᠪᠤᠢ᠃ ᠣᠴᠢᠷ ᠨᠢ ᠲᠡᠯᠡᠬᠡᠢ ᠶᠢᠨ ᠠᠳᠤᠭᠤᠰᠤᠨ ᠲᠦᠷᠦᠯ ᠤᠨ ᠠᠮᠢᠳᠠᠨ ᠤ | ᠬᠠᠮᠤᠭ ᠤᠨ ᠶᠡᠭᠡ᠂ ᠪᠠᠷᠤᠭ 90 ᠬᠤᠪᠢ ᠨᠢ ᠮᠣᠩᠭᠤᠯ ᠭᠠᠵᠠᠷ ᠰᠢᠷᠣᠢ ᠶᠢᠨ ᠲᠡᠭᠡᠷᠡ ᠵᠡᠷᠯᠢᠭ ᠢᠶᠠᠷ ᠰᠦᠷᠦᠭᠯᠡᠨ ᠣᠷᠣᠰᠢᠵᠦ ᠪᠠᠶᠢᠭᠰᠠᠨ ᠪᠠᠶᠢᠨᠠ᠃ ᠦᠭᠡᠷᠡ ᠪᠠᠷ | ᠬᠡᠯᠡᠪᠡᠯ᠂ ᠡᠨᠡ ᠵᠡᠷᠯᠢᠭ ᠠᠳᠤᠭᠤᠨ ᠠᠴᠠ ᠦᠨᠳᠦᠰᠦᠯᠡᠨ 6000 ᠵᠢᠯ ᠤᠨ ᠡᠮᠦᠨᠡ ᠠᠴᠠ ᠮᠣᠩᠭᠤᠯ ᠠᠳᠣᠭᠤᠨ ᠣᠭᠰᠢᠯ ᠡᠭᠦᠰᠦᠭᠰᠡᠨ ᠪᠠᠶᠢᠨᠠ᠃ | ᠶᠡᠭᠡ ᠡᠵᠡᠨ ᠴᠢᠩᠭᠢᠰ ᠬᠠᠭᠠᠨ 1206 ᠣᠨ ᠳᠤ ᠨᠢᠭᠡᠳᠦᠭᠰᠡᠨ ᠣᠯᠤᠰ ᠢᠶᠠᠨ ᠪᠠᠶᠢᠭᠤᠯᠤᠭᠠᠳ ᠨᠠᠶᠠᠨ ᠨᠠᠢᠮᠠᠠ ᠭᠠᠪᠢᠶᠠᠳᠣ᠂ ᠶᠡᠷᠡᠨ ᠲᠠᠪᠣᠨ ᠮᠢᠩᠭᠠᠳᠦ ᠶᠢᠨ | ᠨᠣᠶᠠᠳ ᠲᠤ ᠬᠡᠰᠢᠭ ᠲᠠᠷᠬᠠᠭᠠᠨ ᠦᠭᠬᠦ ᠳᠡᠭᠡᠨ ᠨᠢᠭᠡ ᠴᠦ ᠮᠤᠷᠢ ᠶᠢ ᠱᠠᠩᠨᠠᠯ ᠳᠤ ᠦᠭᠭᠦᠭᠡ ᠦᠭᠡᠢ᠂ ᠵᠦᠪᠬᠡᠨ ᠬᠠᠷᠠᠴᠤ ᠠᠯᠪᠠᠳᠣ᠂ ᠠᠯᠳᠠ ᠮᠦᠩᠭᠦ᠂ ᠦᠯᠠᠮᠵᠢ | ᠬᠡᠮᠵᠢᠶᠡᠨ ᠤ ᠭᠠᠵᠠᠷ ᠨᠣᠲᠤᠭ ᠢ ᠦᠮᠴᠢᠯᠡᠵᠤ ᠦᠭᠭᠦᠭᠰᠡᠨ ᠭᠡᠳᠡᠭ᠃ ᠲᠡᠭᠦᠨᠴᠢᠯᠡᠨ ᠲᠡᠣᠬᠡᠨ ᠳᠤ ᠨᠡᠷᠡ ᠨᠢ ᠮᠦᠩᠬᠡᠷᠡᠭᠰᠡᠨ ᠪᠠᠭᠠᠲᠤᠷ ᠤᠳ ᠤᠨ ᠱᠠᠷᠢᠯ ᠢ ᠵᠠᠪᠠᠯ | ᠬᠦᠯᠦᠭ ᠮᠣᠷᠢ ᠪᠤᠯᠤᠨ ᠬᠠᠵᠠᠭᠠᠷ᠂ ᠡᠮᠡᠭᠡᠯ᠂ ᠳᠦᠷᠦᠭᠡ ᠵᠡᠷᠭᠡ ᠡᠳ᠋ᠯᠠᠯ ᠭᠡᠷᠡᠭᠯᠡᠯ ᠢ ᠨᠢ ᠳᠠᠭᠠᠯᠳᠤᠭᠤᠯᠤᠨ ᠣᠷᠤᠰᠢᠭᠤᠯᠳᠠᠭ ᠪᠠᠶᠢᠭᠰᠠᠨ ᠨᠢ ᠬᠦᠯᠤᠭ᠌ ᠮᠤᠷᠢ ᠶᠢ | ᠪᠠᠭᠠᠲᠤᠷ ᠤᠨ ᠵᠡᠷᠭᠡ ᠳᠤ ᠬᠦᠨᠳᠦᠳᠭᠡᠵᠣ ᠪᠠᠶᠢᠭᠰᠠᠨ ᠤ ᠬᠡᠷᠡᠴᠢ ᠶᠤᠮ᠃ ᠡᠶᠢᠮᠦ ᠪᠤᠯᠠᠰᠢ ᠪᠤᠩᠬᠤᠨ ᠮᠣᠩᠭᠤᠯ ᠨᠣᠲᠤᠭ ᠲᠤ ᠣᠯᠠᠨ᠃ | ᠦᠨᠦᠳᠦᠷ ᠴᠦ ᠮᠣᠩᠭᠤᠯᠴᠣᠳ ᠮᠣᠷᠢ ᠪᠠᠨ ᠳᠡᠭᠡᠳᠦᠯᠡᠨ᠂ ᠮᠣᠩᠭᠤᠯ ᠣᠯᠤᠰ ᠤᠨ ᠲᠦᠷᠦ ᠶᠢᠨ ᠠᠯᠳᠠᠨ ᠰᠦᠯᠳᠡᠨ ᠳᠤ ᠳᠡᠯ ᠰᠡᠭᠦᠯ ᠢᠶᠠᠨ ᠬᠡᠶᠢᠰᠭᠡᠨ᠂ | ᠬᠤᠷᠳᠤᠯᠠᠨ ᠶᠠᠪᠣᠭᠠ ᠮᠣᠷᠢ ᠪᠠᠨ ᠪᠠᠭᠲᠠᠭᠠᠵᠤ᠂ ᠮᠦᠨ ᠲᠦᠷᠦ ᠶᠢᠨ ᠶᠡᠭᠡ ᠬᠦᠨᠳᠦᠳᠭᠡᠯ ᠬᠠᠨ ᠬᠤᠭᠤᠷ ᠬᠦᠭᠵᠢᠮ ᠢᠶᠠᠨ ︽ᠮᠤᠷᠢᠨ ᠬᠤᠭᠤᠷ︾ ᠭᠡᠮᠡᠨ ᠨᠡᠷᠡᠯᠡᠭᠰᠡᠨ | ᠪᠢᠯᠡ᠃ | ᠮᠣᠩᠭᠤᠯᠴᠣᠳ ᠠᠳᠤᠭᠤ ᠶᠢ ᠰᠠᠯᠬᠢᠨ ᠠᠴᠠ ᠡᠭᠦᠰᠦᠯ ᠲᠠᠢ ᠭᠡᠳᠡᠭ᠃ ᠲᠡᠶᠢᠮᠦ ᠠᠴᠠ ᠬᠡᠶᠢᠮᠣᠷᠢ ᠭᠡᠵᠦ ᠪᠢᠴᠢᠳᠡᠭ ᠤᠨ ᠬᠤᠪᠢ ᠳᠤ ᠪᠤᠯ ᠬᠡᠢ ᠰᠠᠯᠬᠢᠨ ᠠᠴᠠ | ᠡᠭᠦᠳᠦᠯᠲᠡᠢ ᠶᠤᠮ᠃ ᠲᠡᠶᠢᠮᠦ ᠣᠴᠢᠷ ᠠᠴᠠ ᠠᠳᠤᠭᠤ ᠶᠢ ᠪᠤᠯ ᠬᠡᠶᠢᠮᠤᠷᠢᠯᠢᠭ᠌ ᠠᠮᠢᠲᠠᠨ ᠭᠡᠵᠦ ᠦᠵᠡᠳᠡᠭ᠃ ᠬᠡᠶᠢᠮᠤᠷᠢᠯᠢᠭ᠌ ᠣᠴᠢᠷ ᠠᠴᠠ ᠠᠳᠤᠭᠤᠨ ᠤ ᠮᠢᠬᠠ ᠶᠢ | ᠲᠡᠭᠡᠷᠡ ᠦᠶᠡ ᠳᠤ ᠢᠳᠡᠳᠡᠭ ᠦᠭᠡᠢ ᠪᠠᠶᠢᠭᠰᠠᠨ᠃ 13 — 14 ᠳ᠋ᠦ᠋ᠭᠡᠷ ᠵᠠᠭᠤᠨ ᠤ ᠦᠶᠡ ᠳᠤ ᠮᠣᠩᠭᠤᠯ ᠤᠨ ᠲᠠᠯᠠ ᠨᠣᠲᠤᠭ ᠲᠤ 16 ᠰᠠᠶᠠ ᠠᠳᠣᠭᠤ | ᠪᠡᠯᠴᠢᠵᠦ ᠪᠠᠶᠢᠭᠰᠠᠨ ᠭᠡᠰᠡᠨ ᠰᠤᠳᠤᠯᠤᠭᠠᠴᠢᠳ ᠤᠨ ᠮᠡᠳᠡᠭᠡᠯᠡᠯ ᠪᠠᠶᠢᠳᠠᠭ᠃ ᠦᠨᠡᠬᠡᠷ ᠶᠡᠭᠡ ᠠᠳᠣᠭᠤ ᠪᠠᠶᠢᠵᠤ᠂ ᠲᠡᠷᠡ ᠠᠳᠤᠭᠤ ᠪᠠᠨ ᠦᠨᠡᠬᠡᠷ ᠶᠡᠭᠡ ᠬᠠᠶᠢᠷᠠᠯᠠᠵᠦ᠂ | ᠡᠷᠬᠢᠮᠯᠡᠳᠡᠭ ᠪᠠᠶᠢᠵᠠᠢ᠃ ᠪᠦᠬᠦ ᠶᠠᠭᠤᠮᠠ ᠶᠢ᠂ ᠲᠣᠬᠠᠶᠢᠯᠠᠪᠠᠯ ᠬᠤᠷᠳᠤ ᠶᠢ ᠡᠷᠬᠡᠰᠢᠶᠡᠯ ᠳᠡᠭᠡᠨ ᠣᠷᠤᠭᠤᠯᠬᠤ ᠳᠤ ᠠᠳᠣᠭᠤ ᠯᠠ ᠬᠥᠢᠴᠡᠳᠬᠡᠳᠡᠭ᠃ ᠦᠷᠲᠡᠭᠡ | ᠪᠠᠶᠢᠭᠤᠯᠵᠤ᠂ ᠮᠡᠳᠡᠭᠡᠯᠡᠯ ᠳᠠᠮᠵᠢᠭᠤᠯᠬᠤ ᠭᠡᠳ ᠪᠦᠬᠦᠢ ᠯᠠ ᠵᠦᠢᠯ ᠢ ᠠᠳᠣᠭᠤ ᠭᠦᠢᠴᠡᠳᠭᠡᠵᠣ ᠪᠠᠶᠢᠭᠰᠠᠨ᠃ ᠠᠳᠤᠭᠤᠨ ᠤ ᠠᠰᠢᠭ ᠰᠢᠮᠠ᠂ ᠡᠭᠦᠷᠭᠡ ᠭᠡᠳᠡᠭ ᠮᠠᠰᠢ | ᠨᠠᠨᠳᠢᠨ᠃ ᠲᠡᠨᠳᠡ ᠠᠴᠠ ᠭᠠᠷᠭᠠᠵᠤ ᠠᠪᠤᠭᠰᠠᠨ ᠰᠦ ᠰᠠᠭᠠᠯᠢ ᠪᠠᠷ ᠨᠢ ᠮᠠᠰᠢ ᠨᠠᠷᠢᠨ ᠪᠤᠯᠪᠠᠰᠤᠷᠠᠭᠤᠯᠤᠯᠳᠠ ᠬᠢᠭᠡᠳ ᠶᠠᠮᠠᠷ ᠴᠦ ᠦᠨᠡ ᠪᠠᠷ ᠣᠷᠤᠯᠠᠭᠤᠯᠤᠰᠢ ᠦᠭᠡᠢ | ᠨᠠᠨᠳᠢᠨ ᠤᠮᠳᠠᠭᠠᠨ ᠢ ᠠᠳᠤᠭᠤᠨ ᠠᠴᠠ ᠭᠠᠷᠭᠠᠵᠤ᠂ ᠣᠣᠭᠤᠵᠦ᠂ ᠲᠡᠭᠦᠨ ᠢᠶᠠᠷ ᠢᠶᠠᠨ ᠪᠡᠶᠡ ᠰᠡᠳᠭᠢᠯ ᠢᠶᠠᠨ ᠲᠠᠶᠢᠪᠣᠰᠢᠷᠠᠭᠤᠯᠵᠤ᠂ ᠣᠯᠠᠮ ᠬᠦᠴᠦ ᠲᠠᠢ ᠪᠤᠯᠵᠤ᠂ | ᠡᠮᠴᠢᠯᠡᠭᠡ ᠬᠢᠳᠡᠭ ᠪᠠᠶᠢᠭᠰᠠᠨ ᠡᠶᠢᠮᠦ ᠨᠠᠷᠢᠨ ᠣᠯᠠᠮᠵᠢᠯᠠᠯ ᠲᠠᠢ᠃ | ᠳᠡᠯᠡᠬᠡᠢ ᠳᠤ ᠠᠳᠤᠭᠤᠨ ᠤ ᠣᠯᠠᠨ ᠡᠭᠦᠯᠳᠡᠷ᠂ ᠣᠭᠰᠢᠯ ᠪᠤᠢ ᠪᠤᠯᠵᠤ ᠬᠦᠭᠵᠢᠨ ᠳᠡᠪᠰᠢᠵᠤ ᠪᠠᠶᠢᠭᠠ ᠴᠦ ᠮᠣᠩᠭᠤᠯ ᠠᠳᠣᠭᠤ ᠰᠢᠭ ᠡᠷᠲᠡᠨ ᠤ ᠬᠠᠭᠠᠰ | ᠵᠡᠷᠯᠢᠭ ᠬᠡᠯᠪᠡᠷᠢᠲᠡᠢ᠂ ᠠᠬᠤᠢ ᠶᠢᠨ ᠲᠠᠯᠠ ᠪᠦᠷᠢ ᠶᠢᠨ ᠬᠡᠷᠡᠭᠯᠡᠭᠡᠨ ᠳᠤ ᠠᠰᠢᠭᠯᠠᠬᠤ ᠴᠣᠭᠴᠠ ᠡᠭᠦᠯᠳᠡᠷ ᠣᠳᠤ ᠬᠦᠷᠳᠡᠯᠡ ᠪᠠᠶᠢᠬᠤ ᠦᠭᠡᠢ ᠶᠤᠮ᠃ ᠮᠣᠩᠭᠤᠯ | ᠠᠳᠣᠭᠤ 45 ᠭᠷᠠᠳᠦ᠋ᠰ ᠤᠨ ᠬᠦᠢᠲᠡᠨ ᠠᠴᠠ 45 ᠭᠷᠠᠳᠦ᠋ᠰ ᠤᠨ ᠬᠠᠯᠠᠭᠤᠨ ᠳᠤ ᠲᠡᠰᠪᠦᠷᠢᠳᠡᠢ᠃ ᠡᠪᠣᠯ ᠤᠨ ᠴᠠᠭ ᠲᠤ ᠵᠦᠪᠬᠡᠨ ᠲᠤᠭᠤᠷᠠᠢ ᠪᠠᠷ ᠢᠶᠠᠨ ᠴᠠᠰᠣ | ᠮᠠᠯᠲᠠᠨ ᠬᠠᠭᠳᠠᠷᠠᠭᠰᠠᠨ ᠡᠪᠡᠰᠣ᠂ ᠬᠠᠭᠳᠠ᠂ ᠨᠠᠪᠴᠢ ᠲᠡᠭᠦᠵᠤ ᠢᠳᠡᠳᠡᠭ᠂ ᠨᠡᠮᠡᠯᠲᠡ ᠲᠡᠵᠢᠭᠡᠯ ᠱᠠᠭᠠᠷᠳᠠᠳᠠᠭ ᠦᠭᠡᠢ ᠪᠡᠯᠴᠢᠭᠡᠷᠯᠡᠵᠦ᠂ ᠢᠳᠡᠰᠢᠯᠡᠳᠡᠭ | ᠣᠨᠴᠠᠯᠢᠭ ᠲᠠᠢ᠃ ᠵᠢᠷ ᠤᠨ ᠠᠳᠣᠭᠤ ᠴᠠᠭ ᠲᠤ 50 — 60 ᠺᠢᠯᠤᠮᠧᠲᠷ ᠬᠤᠷᠳᠤᠯᠠᠬᠤ ᠪᠦᠭᠡᠳ ᠧᠦᠶ᠋ᠷᠦᠫᠡ ᠵᠦᠭ ᠤᠨ ᠠᠳᠤᠭᠤ ᠶᠢ ᠪᠣᠳᠣᠪᠠᠯ ᠮᠣᠩᠭᠤᠯ | ᠠᠳᠣᠭᠤ ᠬᠤᠯᠠ ᠶᠢᠨ ᠵᠠᠢ ᠶᠢᠨ ᠳᠠᠪᠬᠢᠭᠠᠨ ᠳᠤ ᠮᠠᠰᠢ ᠲᠡᠰᠪᠦᠷᠢᠳᠡᠢ᠃ ᠨᠢᠭᠡ ᠠᠳᠣᠭᠤ 200 — 400 ᠺᠢᠯᠤᠭ᠍ᠷᠠᠮ ᠠᠴᠢᠶᠠ ᠳᠠᠭᠠᠭᠠᠬᠤ ᠴᠢᠳᠠᠪᠤᠷᠢ ᠲᠠᠢ | ᠪᠦᠭᠡᠳ 25 ᠬᠦᠷᠳᠡᠯᠡ ᠨᠠᠰᠤᠯᠠᠳᠠᠭ᠃ | ᠮᠣᠩᠭᠤᠯᠴᠣᠳ ᠠᠳᠤᠭᠤ ᠶᠢ ᠳᠦᠷᠢ ᠪᠠᠶᠢᠳᠠᠯ ᠢᠶᠠᠷ ᠨᠢ ᠦᠨᠳᠦᠷ ᠬᠡᠭᠡᠷ᠂ ᠴᠤᠮᠪᠣᠨ ᠲᠤᠭᠤᠷᠠᠢ᠂ ᠬᠢᠯᠮᠠᠩ ᠨᠢᠳᠦᠲᠦ᠂ ᠨᠠᠷᠢᠨ ᠬᠡᠭᠡᠷ᠂ ᠬᠦᠬᠡᠷᠦᠬᠦᠨ | ᠬᠠᠯᠢᠭᠤᠨ᠂ ᠵᠠᠩ ᠠᠷᠠᠨᠰᠢᠨ ᠢᠶᠠᠷ ᠨᠢ ᠬᠠᠱᠠᠩ ᠬᠠᠷᠠ᠂ ᠬᠤᠷᠭᠤᠳᠠᠭ ᠬᠠᠯᠳᠠᠷ᠂ ᠣᠷᠤᠭᠠ ᠪᠣᠷᠣ᠂ ᠦᠷᠬᠦᠳᠡᠭ ᠬᠦᠷᠡᠩ᠂ ᠪᠣᠰᠬᠠᠳᠠᠭ ᠪᠣᠷᠣ᠂ ᠭᠠᠵᠠᠷ ᠨᠣᠲᠤᠭ᠂ | ᠠᠭᠤᠯᠠ ᠣᠰᠤ᠂ ᠮᠣᠳᠣ ᠣᠷᠭᠤᠮᠠᠯ ᠤᠨ ᠨᠡᠷᠡ ᠪᠠᠷ ᠽᠠᠨᠳᠠᠨ ᠬᠦᠷᠡᠩ᠂ ᠳᠠᠷᠢᠭᠠᠩᠭᠠ ᠬᠡᠭᠡᠷ᠂ ᠰᠣᠬᠠᠢ ᠬᠦᠷᠡᠩ᠂ ᠬᠠᠶᠢᠷᠬᠠᠨ ᠤ ᠬᠠᠷᠠ ᠭᠡᠬᠦ ᠮᠡᠲᠣ ᠪᠠᠷ ᠨᠡᠷᠡᠯᠡᠳᠡᠭ᠃ | ᠬᠠᠷᠢᠨ ᠡᠵᠡᠨ ᠤ ᠬᠢᠨᠢ ᠨᠡᠷᠡ ᠪᠠᠷ ᠪᠠᠳᠤ ᠶᠢᠨ ᠪᠣᠭᠤᠷᠣᠯ᠂ ᠪᠤᠭᠳᠠ ᠶᠢᠨ ᠬᠠᠷᠠ᠂ ᠡᠷᠳᠡᠨᠢᠴᠢᠯᠠᠭᠤᠨ ᠤ ᠰᠢᠷᠭᠠ᠂ ᠣᠨᠣᠨ ᠤ ᠬᠦᠷᠡᠩ᠂ ᠪᠠᠶᠢᠭᠠᠯᠢ ᠶᠢᠨ ᠦᠵᠡᠭᠳᠡᠯ᠂ | ᠠᠷᠢᠶᠠᠲᠠᠨ ᠠᠮᠢᠳᠠᠨ ᠢᠶᠠᠷ ᠲᠤᠭᠤᠰ ᠬᠡᠭᠡᠷ᠂ ᠰᠠᠯᠬᠢᠨ ᠵᠡᠭᠡᠷᠳᠡ᠂ ᠡᠭᠦᠯᠡᠨ ᠬᠦᠭᠡ᠂ ᠰᠢᠭᠤᠷᠭᠠᠨ ᠬᠠᠷᠠ ᠭᠡᠬᠦᠴᠢᠯᠡᠨ ᠨᠡᠷᠡᠯᠡᠨᠡ᠃ | ᠮᠣᠩᠭᠤᠯ ᠤᠨ ᠠᠭᠤᠯᠠ ᠬᠠᠩᠭᠠᠢ ᠶᠢᠨ ᠪᠦᠰᠡ ᠳᠤ ᠬᠠᠷᠠ᠂ ᠪᠠᠷᠠᠭᠠᠨ ᠵᠢᠰᠦᠮ ᠤᠨ ᠠᠳᠣᠭᠤ ᠵᠤᠩᠭᠢᠯᠡᠵᠤ ᠪᠠᠶᠢᠬᠤ ᠳᠤ ᠭᠤᠪᠢ ᠬᠡᠭᠡᠷ ᠲᠠᠯᠠ ᠣᠷᠤᠭᠤ ᠪᠠᠨ | ᠬᠤᠯᠠ᠂ ᠰᠢᠷᠭᠠ᠂ ᠬᠤᠩᠭᠤᠷ ᠵᠢᠰᠦᠮ ᠤᠨ ᠠᠳᠣᠭᠤ ᠳᠠᠪᠠᠮᠠᠭᠠᠢ ᠪᠠᠶᠢᠳᠠᠭ᠃ ᠡᠨᠡ ᠨᠢ ᠮᠣᠩᠭᠤᠯ ᠠᠳᠤᠭᠤᠨ ᠤ ᠪᠠᠶᠢᠭᠠᠯᠢ ᠴᠠᠭ ᠠᠭᠤᠷ ᠤᠨ ᠨᠦᠬᠦᠴᠡᠯ ᠲᠠᠢ ᠪᠠᠨ | ᠵᠣᠬᠢᠴᠠᠭᠰᠠᠨ ᠤ ᠰᠢᠨᠵᠢ ᠶᠤᠮ᠃ ᠣᠴᠢᠷ ᠨᠢ ᠮᠣᠩᠭᠤᠯ ᠤᠨ ᠬᠠᠩᠭᠠᠢ ᠶᠢᠨ ᠠᠭᠤᠯᠠᠰ ᠤᠨ ᠪᠦᠰᠡ ᠳᠤ ᠡᠪᠦᠯ ᠬᠦᠢᠲᠡᠨ᠂ ᠴᠠᠰᠣ ᠶᠡᠭᠡ ᠣᠷᠤᠳᠠᠭ᠂ ᠰᠡᠷᠢᠭᠦᠨ | ᠪᠠᠶᠢᠬᠤ ᠳᠤ ᠲᠠᠯᠠ ᠬᠡᠭᠡᠷᠡ᠂ ᠭᠤᠪᠢ ᠶᠢᠨ ᠪᠦᠰᠡ ᠳᠤ ᠵᠤᠨ ᠨᠠᠮᠤᠷ ᠲᠣᠯᠠᠭᠠᠬᠠᠨ᠂ ᠡᠪᠡᠰᠣ ᠣᠷᠭᠤᠮᠠᠯ ᠨᠢ ᠲᠠᠴᠢᠷᠬᠠᠨ᠂ ᠪᠡᠯᠴᠢᠭᠡᠷᠯᠡᠬᠦ ᠳᠠᠯᠠᠪᠠᠢ ᠮᠠᠰᠢ ᠠᠭᠤᠵᠢᠮ | ᠪᠠᠶᠢᠳᠠᠭ᠃ ᠰᠤᠨᠢᠷᠬᠠᠭᠤᠯᠬᠤ ᠳᠤ᠂ ᠴᠢᠩᠭᠢᠰ ᠬᠠᠭᠠᠨ ᠪᠠᠭᠠ ᠪᠠᠯᠴᠢᠷ ᠠᠬᠤᠢ ᠳᠠᠭᠠᠨ ᠨᠠᠢᠮᠠᠠ ᠰᠢᠷᠭᠠ ᠮᠤᠷᠢ ᠲᠠᠢ ᠪᠠᠶᠢᠭᠰᠠᠨ ᠲᠤᠬᠠᠢ ᠮᠣᠩᠭᠤᠯ ᠤᠨ ᠨᠢᠭᠤᠴᠠ | ᠳᠤᠪᠴᠢᠶᠠᠨ ᠳᠤ ᠲᠣᠳᠣ ᠳᠣᠷᠠᠳᠣᠭᠳᠠᠭᠰᠠᠨ ᠪᠤᠢ᠃ ᠡᠨᠡ ᠨᠢ ᠲᠡᠮᠦᠵᠢᠨ ᠣᠳᠤ ᠶᠢᠨ ᠳᠤᠷᠤᠨᠠᠲᠤ ᠮᠣᠩᠭᠤᠯ ᠤᠨ ᠶᠡᠭᠡ ᠲᠠᠯᠠ ᠳᠤ ᠠᠮᠢᠳᠤᠷᠠᠵᠤ ᠪᠠᠶᠢᠭᠰᠠᠨ ᠢ | ᠭᠡᠷᠡᠴᠢᠯᠡᠨᠡ᠃ ᠡᠭᠦᠨ ᠠᠴᠠ ᠬᠤᠶᠢᠰᠢ ᠨᠠᠢᠮᠠᠠ ᠵᠠᠭᠤᠨ ᠤ ᠳᠠᠷᠠᠭᠠ ᠴᠦ ᠮᠣᠩᠭᠤᠯ ᠤᠨ ᠵᠡᠭᠦᠨ ᠬᠢᠵᠠᠭᠠᠷ ᠲᠤ ᠣᠷᠣᠰᠢᠬᠤ ᠬᠡᠨᠲᠠᠢ᠂ ᠳᠤᠷᠤᠨᠠᠲᠤ ᠠᠶᠢᠮᠠᠭ ᠤᠨ | ᠮᠤᠷᠢᠳ ᠬᠤᠷᠳᠤ ᠲᠠᠢ᠂ ᠭᠤᠣᠯᠳᠠᠭᠤ ᠬᠤᠯᠠ ᠬᠤᠩᠭᠤᠷ᠂ ᠰᠢᠷᠭᠠ ᠵᠢᠰᠦᠮ ᠤᠨ ᠠᠳᠣᠭᠤ ᠪᠠᠶᠢᠭᠰᠠᠭᠠᠷ ᠪᠠᠶᠢᠨᠠ᠃ | ᠮᠣᠩᠭᠤᠯ ᠠᠳᠣᠭᠤ ᠡᠬᠡ ᠠᠴᠠ ᠣᠨᠠᠭᠰᠠᠨ ᠭᠠᠵᠠᠷ᠂ ᠠᠩᠬᠠ ᠠᠮᠰᠠᠭᠰᠠᠨ ᠭᠤᠣᠯ ᠣᠰᠣ ᠪᠠᠨ ᠶᠠᠮᠠᠷ ᠴᠦ ᠦᠶᠡ ᠳᠤ ᠣᠯᠵᠤ ᠢᠷᠡᠳᠡᠭ ᠪᠠᠰᠠ ᠨᠢᠭᠡᠨ | ᠭᠠᠶᠢᠬᠠᠮᠰᠢᠭᠳᠦ ᠣᠨᠴᠠᠯᠢᠭ ᠲᠠᠢ᠃ ᠡᠨᠡ ᠲᠤᠬᠠᠢ ᠣᠯᠠᠨ ᠰᠣᠨᠢᠷᠬᠠᠯᠲᠠᠢ ᠪᠠᠷᠢᠮᠲᠠ ᠪᠤᠢ᠃ ᠲᠣᠬᠠᠶᠢᠯᠠᠪᠠᠯ᠂ ᠮᠣᠩᠭᠤᠯ ᠤᠨ ᠲᠡᠣᠬᠡᠨ ᠳᠤ ᠭᠠᠳᠠᠭᠠᠳᠤ ᠣᠷᠤᠨ ᠳᠤ | ᠸᠠᠭᠤᠨ ᠢᠶᠠᠷ ᠠᠴᠢᠭᠳᠠᠵᠤ ᠶᠠᠪᠣᠭᠰᠠᠨ ᠠᠳᠤᠭᠤᠨ ᠠᠴᠠ ᠪᠣᠴᠠᠵᠣ ᠨᠣᠳᠤᠭ ᠲᠠᠭᠠᠨ ᠢᠷᠡᠭᠰᠡᠨ ᠠᠳᠣᠭᠤ ᠴᠦᠬᠡᠨ ᠦᠬᠡᠢ᠃ 1941 ᠣᠨ ᠤ ᠲᠡᠯᠡᠬᠡᠢ ᠶᠢᠨ | ᠬᠤᠶᠠᠳᠤᠭᠠᠷ ᠳᠠᠶᠢᠨ ᠳᠤ ᠮᠣᠩᠭᠤᠯ ᠠᠴᠠ ᠣᠷᠣᠯᠴᠠᠭᠰᠠᠨ ᠣᠨᠣᠯᠭᠠ ᠶᠢᠨ ᠠᠳᠣᠭᠤ ᠪᠧᠷᠯᠢᠨ ᠬᠤᠳᠠ ᠠᠴᠠ ᠡᠬᠡ ᠨᠣᠲᠤᠭ ᠣᠷᠤᠭᠤ ᠪᠠᠨ ᠭᠦᠶᠦᠵᠤ᠂ ᠪᠠᠷᠠᠭᠤᠨ | ᠧᠦᠶ᠋ᠷᠦᠫᠡ᠂ ᠣᠷᠣᠰ ᠤᠨ ᠲᠠᠯᠠ᠂ ᠰᠢᠪᠧᠷᠢᠶᠠ ᠶᠢᠨ ᠶᠡᠭᠡ ᠬᠦᠪᠴᠢ ᠲᠠᠶᠢᠭᠠ ᠶᠢ ᠭᠠᠳᠣᠯᠣᠨ ᠢᠷᠡᠭᠰᠡᠨ ᠪᠠᠶᠢᠬᠤ ᠳᠤ ᠸᠢᠶᠧᠲᠨᠡᠮ ᠤᠨ ᠳᠠᠶᠢᠨ ᠠᠴᠠ ᠮᠣᠩᠭᠤᠯ ᠤᠨ | ᠲᠦᠪ ᠠᠶᠢᠮᠠᠭ ᠤᠨ ᠮᠦᠩᠭᠦᠨ ᠮᠤᠷᠢᠳᠤ ᠰᠤᠮᠤ ᠶᠢᠨ ᠨᠢᠭᠡᠨ ᠠᠳᠣᠭᠤ ᠡᠬᠡ ᠨᠣᠲᠤᠭ ᠣᠷᠤᠭᠤ ᠪᠠᠨ ᠭᠦᠶᠦᠵᠤ 3 ᠵᠢᠯ ᠤᠨ ᠲᠠᠷᠠᠭᠠ ᠢᠵᠢᠯᠢ ᠰᠦᠷᠦᠭ ᠲᠠᠢ ᠪᠠᠨ | ᠨᠡᠶᠢᠯᠡᠭᠰᠡᠨ ᠭᠡᠳ ᠪᠣᠳᠠᠲᠦ ᠦᠢᠯᠡ ᠶᠠᠪᠣᠳᠠᠯ ᠣᠯᠠᠨ ᠲᠤᠬᠢᠶᠠᠵᠠᠢ᠃ | ᠰᠤᠨᠢᠷᠬᠠᠭᠤᠯᠬᠤ ᠳᠤ᠂ ᠲᠡᠯᠡᠬᠡᠢ ᠶᠢᠨ ᠬᠤᠶᠠᠳᠤᠭᠠᠷ ᠳᠠᠶᠢᠨ ᠤ ᠬᠦᠨᠳᠦ ᠨᠦᠬᠦᠴᠡᠯ ᠳᠤ ᠡᠸᠦᠶ᠋ᠷᠦᠫᠠ ᠶᠢᠨ ᠮᠤᠷᠢᠳ ᠣᠪᠢᠶᠠᠰᠦ᠂ ᠪᠣᠭᠤᠲᠠᠢ ᠵᠡᠷᠭᠡ ᠢᠳᠡᠰᠢ | ᠲᠡᠵᠢᠭᠡᠯ ᠢᠶᠠᠨ ᠲᠠᠪᠬᠤᠷ ᠠᠪᠴᠤ ᠶᠠᠪᠣᠳᠠᠭ ᠪᠠᠶᠢᠬᠤ ᠳᠤ ᠮᠣᠩᠭᠤᠯ ᠮᠤᠷᠢᠳ ᠵᠦᠪᠬᠡᠨ ᠴᠠᠰᠣ ᠮᠠᠯᠲᠠᠵᠤ᠂ ᠡᠪᠡᠰᠣ ᠲᠡᠵᠢᠭᠡᠯ ᠢᠶᠠᠨ ᠣᠯᠵᠤ ᠢᠳᠡᠭᠡᠳ᠂ ᠬᠦᠴᠦ | ᠲᠡᠪᠡᠭᠡᠷᠡᠭ ᠠᠪᠴᠤ ᠪᠠᠶᠢᠭᠰᠠᠨ ᠢ ᠴᠡᠷᠢᠭ ᠤᠳ ᠬᠤᠵᠢᠮ ᠨᠢ ᠲᠣᠷᠠᠳᠬᠠᠯ ᠪᠤᠯᠭᠠᠨ ᠳᠤ ᠮᠠᠭᠲᠠᠨ ᠪᠢᠴᠢᠭᠰᠡᠨ ᠪᠠᠶᠢᠳᠠᠭ᠃ ᠨᠦᠭᠦᠭᠡ ᠲᠠᠯᠠ ᠪᠠᠷ ᠬᠠᠷᠢ ᠣᠯᠤᠰ ᠲᠤ | ᠣᠴᠢᠭᠰᠠᠨ ᠮᠣᠩᠭᠤᠯ ᠠᠳᠣᠭᠤᠨ ᠢᠵᠢᠯᠢ ᠰᠦᠷᠦᠭ ᠣᠭ ᠭᠠᠵᠠᠷ ᠨᠣᠳᠤᠭ ᠲᠠᠭᠠᠨ ᠢᠳᠡᠭᠡᠰᠢᠭᠰᠡᠨ ᠬᠡᠳᠦᠢ ᠴᠦ᠂ ᠦᠭᠡᠷᠡ ᠴᠢᠰᠤᠨ ᠤ ᠠᠳᠤᠭᠤ ᠲᠠᠢ ᠡᠪᠰᠡᠳᠡᠭ | ᠦᠭᠡᠢ ᠣᠨᠴᠠᠯᠢᠭ ᠲᠠᠢ᠃ ᠡᠭᠦᠨ ᠤ ᠵᠢᠱᠢᠶᠡ ᠪᠤᠯᠭᠠᠵᠤ ᠰᠤᠯᠤᠩᠭᠤᠰ ᠤᠨ ᠮᠣᠩᠭᠤᠯ ᠠᠳᠤᠭᠤ ᠶᠢ ᠨᠡᠷᠡᠯᠡᠵᠤ ᠪᠤᠯᠬᠤ ᠶᠤᠮ᠃ | ᠮᠣᠩᠭᠤᠯᠴᠣᠳ ᠠᠳᠤᠭᠤ ᠪᠠᠨ ᠠᠶᠠᠨ ᠵᠠᠮ ᠳᠤ ᠣᠨᠣᠬᠤ᠂ ᠣᠷᠣᠯᠳᠣᠭᠤᠯᠬᠤ᠂ ᠰᠦ᠂ ᠮᠢᠬᠠ ᠶᠢ ᠨᠢ ᠬᠦᠨᠡᠰᠦᠨ ᠳᠤ ᠬᠡᠷᠡᠭᠯᠡᠬᠦ᠂ ᠮᠦᠨ ᠠᠷᠠᠰᠦ᠂ ᠶᠠᠰᠣ᠂ | ᠦᠰᠦ᠂ ᠨᠣᠣᠰᠤ ᠶᠢ ᠨᠢ ᠠᠬᠤᠢ ᠶᠢᠨ ᠬᠡᠷᠡᠭᠴᠡᠭᠡᠨ ᠳᠤ ᠦᠷᠭᠡᠨ ᠠᠰᠢᠭᠯᠠᠳᠠᠭ᠃ ᠮᠣᠩᠭᠤᠯ ᠭᠡᠬᠦᠤ ᠶᠢᠨ ᠰᠦ ᠪᠤᠶᠤ ᠰᠠᠭᠠᠮᠠ ᠡᠷᠡᠭᠦᠯ ᠠᠬᠤᠢ ᠡᠮᠴᠢᠯᠡᠭᠡᠨ ᠤ | ᠬᠡᠷᠡᠭᠰᠡᠯ ᠪᠤᠯᠳᠠᠭ ᠢᠶᠠᠷ ᠢᠶᠠᠨ ᠣᠯᠠᠨ ᠣᠯᠤᠰ ᠤᠨ ᠬᠡᠮᠵᠢᠶᠡᠨ ᠳᠤ ᠨᠢᠭᠡᠨᠲᠡ ᠦᠨᠡᠯᠡᠭᠳᠡᠭᠰᠡᠨ ᠶᠤᠮ᠃ ᠡᠨᠡ ᠮᠡᠳᠦᠴᠢᠯᠡᠨ ᠮᠣᠩᠭᠤᠯ ᠠᠳᠤᠭᠤᠨ ᠳᠤ ᠣᠯᠠᠨ | ᠭᠠᠶᠢᠬᠠᠮᠰᠢᠭᠳᠦ ᠰᠢᠨᠵᠢ ᠴᠤᠭᠴᠠᠯᠠᠵᠠᠢ᠃ ︵︽ᠬᠤᠯᠪᠤᠭᠠ ᠰᠥᠯᠵᠢᠶᠡᠨ︾ ᠠᠴᠠ︶ | | | |