| | | ᠥᠩᠭᠡᠷᠡᠭᠰᠡᠨ ᠳᠤ ᠤᠷᠠᠳᠴᠤᠳ ᠤᠨ ᠨᠤᠲᠤᠭ ᠰᠣᠩᠭᠤᠬᠤ ᠵᠠᠩ ᠳᠠᠳᠬᠠᠯ ᠨᠢ ᠲᠡᠳᠡᠨ ᠤ ᠮᠡᠯᠵᠢᠵᠦ ᠠᠮᠢᠳᠤᠷᠠᠬᠤ ᠤᠨᠴᠠᠯᠢᠭ ᠬᠡᠷᠡᠭᠴᠡᠭᠡ ᠠᠴᠠ ᠪᠣᠯᠵᠤ | ᠠᠭᠤᠯᠠ ᠤᠰᠤ ᠲᠠᠢ᠂ ᠡᠪᠡᠰᠦ ᠤᠷᠭᠤᠮᠠᠯ ᠲᠠᠢ ᠭᠠᠵᠠᠷ ᠢ ᠰᠣᠩᠭᠤᠵᠤ ᠰᠠᠭᠤᠷᠢᠨ ᠢᠶᠠᠨ ᠪᠣᠯᠭᠠᠳᠠᠭ ᠤᠨᠴᠠᠯᠢᠭ ᠲᠠᠢ ᠪᠠᠶᠢᠵᠠᠢ᠃ | ᠡᠶᠢᠮᠦ ᠠᠴᠠ ᠪᠠᠨ ᠨᠤᠲᠤᠭ ᠰᠣᠩᠭᠤᠬᠤ ᠳᠠᠭᠠᠨ ᠬᠤᠶᠢᠲᠤ ᠲᠠᠯᠠ ᠪᠠᠷ ᠢᠶᠠᠨ ᠠᠭᠤᠯᠠ ᠲᠠᠢ ᠪᠤᠶᠤ ᠥᠨᠳᠦᠷᠯᠢᠭ ᠨᠢᠷᠤᠭᠤ ᠲᠠᠢ᠂ ᠡᠮᠦᠨᠡ ᠲᠠᠯᠠ ᠪᠠᠷ ᠢᠶᠠᠨ | ᠠᠭᠤᠳᠠᠮ ᠰᠠᠷᠠᠭᠤᠯ ᠲᠠᠯᠠ ᠬᠥᠨᠳᠡᠢ ᠲᠠᠢ᠂ ᠭᠤᠣᠯ ᠭᠤᠷᠤᠬᠠ ᠲᠠᠢ ᠪᠤᠶᠤ ᠬᠤᠳᠳᠤᠭ ᠱᠠᠩᠳᠠ ᠲᠠᠢ ᠭᠠᠵᠠᠷ ᠢ ᠡᠷᠬᠢᠮᠯᠡᠨ ᠰᠣᠩᠭᠤᠳᠠᠭ ᠪᠢᠯᠡ᠃ | ᠨᠤᠲᠤᠭ ᠤᠰᠤ ᠪᠠᠨ ᠰᠣᠩᠭᠤᠨ ᠲᠣᠭᠲᠠᠭᠠᠭᠠᠳ ᠰᠠᠶ᠋ᠢ ᠭᠡᠷ ᠢᠶᠠᠨ ᠪᠣᠰᠬᠠᠵᠤ ᠪᠠᠭᠤᠴᠠ ᠪᠠᠨ ᠵᠠᠰᠠᠳᠠᠭ᠃ ᠭᠡᠷ ᠤᠨ ᠶᠡᠭᠡ ᠪᠠᠭᠠ ᠶᠢᠨ ᠬᠡᠮᠵᠢᠶᠡ ᠪᠠᠷ | ᠪᠠᠷᠢᠮᠵᠢᠶᠠ ᠪᠤᠯᠭᠠᠵᠤ ᠭᠠᠵᠠᠷ ᠠᠴᠠ ᠳᠡᠭᠡᠭᠰᠢ ᠬᠤᠶᠠᠷ ᠭᠤᠷᠪᠠᠨ ᠲᠣᠬᠤᠢ ᠥᠨᠳᠥᠷ ᠴᠢᠯᠠᠭᠤᠨ ᠶᠠᠨᠳᠠᠷ ᠪᠠᠶᠢᠭᠤᠯᠳᠠᠭ᠃ ᠭᠡᠷ ᠤᠨ ᠡᠭᠦᠳᠡ ᠶᠢᠨ ᠬᠡᠰᠡᠭ ᠲᠡᠭᠡᠨ | ᠤᠷᠲᠤ ᠳᠥᠷᠪᠡᠯᠵᠢᠨ ᠲᠠᠪᠴᠠᠩ ᠵᠠᠰᠠᠵᠤ᠂ ᠪᠦᠭᠦ ᠪᠠᠭᠤᠴᠠ ᠶᠢᠨ ᠲᠠᠯᠠᠪᠠᠢ ᠪᠠᠨ ᠲᠡᠭᠰᠢᠯᠡᠨ ᠵᠠᠰᠠᠭᠰᠠᠨ ᠤ ᠬᠤᠶᠢᠨᠠ ᠰᠠᠶ᠋ᠢ ᠭᠡᠷ ᠢᠶᠠᠨ ᠪᠣᠰᠬᠠᠨ ᠪᠠᠶᠢᠭᠤᠯᠬᠤ ᠪᠣᠯᠣᠨᠠ | ᠃ | ᠤᠷᠠᠳᠴᠤᠳ ᠤᠨ ᠭᠡᠷ ᠰᠠᠭᠤᠷᠢᠨ ᠤ ᠪᠠᠶᠢᠷᠢᠰᠢᠯ ᠪᠣᠯ ᠠᠭᠤᠯᠠ ᠲᠦᠰᠢᠵᠦ᠂ ᠤᠰᠤ ᠢᠰᠬᠦᠯᠵᠦ ᠭᠡᠷ ᠢᠶᠠᠨ ᠪᠣᠰᠬᠠᠬᠤ ᠵᠠᠩᠰᠢᠯ ᠲᠠᠢ ᠪᠥᠭᠡᠳ ᠭᠡᠳᠦ ᠬᠡᠳᠦᠨ | ᠭᠡᠷ ᠢ ᠴᠦ ᠪᠦᠷ ᠵᠡᠷᠭᠡᠴᠡᠭᠦᠯᠦᠨ ᠪᠠᠷᠢᠳᠠᠭ᠃ ᠮᠠᠯ ᠤᠨ ᠬᠤᠷᠢᠶᠠ ᠬᠠᠰᠢᠶᠠ ᠶᠢ ᠭᠡᠷ ᠠᠴᠠ ᠪᠠᠨ ᠨᠡᠯᠢᠶᠡᠳ ᠵᠠᠢ ᠲᠠᠢ ᠪᠠᠷᠢᠵᠤ᠂ ᠶᠡᠷᠦ ᠨᠢ ᠭᠡᠷ ᠤᠨ ᠳᠣᠣᠷᠠ ᠲᠠᠯᠠ | ᠳᠤ ᠪᠠᠶᠢᠷᠢᠰᠢᠭᠤᠯᠳᠠᠭ᠃ ᠪᠠᠰᠠ ᠭᠡᠷ ᠤᠨ ᠵᠡᠭᠦᠨ ᠡᠮᠦᠨᠡ ᠪᠠᠨ ᠵᠤᠨ ᠤ ᠴᠠᠭ ᠲᠤ ᠬᠡᠷᠡᠭᠯᠡᠬᠦ ᠰᠢᠭᠤᠢ ᠮᠣᠳᠣᠨ ᠬᠠᠰᠢᠶᠠ ᠪᠠᠶᠢᠳᠠᠭ᠃ ᠡᠬᠦᠨ ᠢ ᠵᠠᠪᠠᠯ ᠭᠠᠵᠠᠷ ᠤᠨ | ᠦᠨᠳᠦᠷ ᠲᠤ ᠪᠠᠶᠢᠭᠤᠯᠬᠤ ᠬᠡᠷᠡᠭᠲᠡᠢ᠃ | ᠭᠡᠷ ᠤᠨ ᠥᠢᠷᠠᠯᠴᠠᠭᠠ ᠲᠦᠷᠪᠡᠨ ᠮᠣᠳᠣ ᠪᠣᠯᠠᠵᠤ ᠲᠠᠯᠪᠢᠭᠤᠷ ᠬᠢᠳᠡᠭ᠃ ᠡᠨᠡ ᠨᠢ ᠶᠠᠭᠤᠮᠠ ᠬᠤᠷᠢᠶᠠᠬᠤ ᠪᠣᠶᠣ ᠠᠭᠠᠷᠣᠣᠯ ᠬᠤᠷᠣᠳ ᠬᠠᠲᠠᠭᠠᠬᠤ ᠳᠤ | ᠬᠡᠷᠡᠭᠯᠡᠳᠡᠭ᠃ ᠲᠣᠭᠤᠯ ᠤᠨ ᠵᠠᠯᠠ ᠶᠢ ᠪᠠᠭᠠ ᠮᠠᠯ ᠤᠨ ᠬᠤᠷᠢᠶᠠ ᠬᠡᠪᠲᠡᠷᠢ ᠠᠴᠠ ᠵᠠᠶᠢᠲᠠᠢ ᠲᠠᠲᠠᠵᠦ᠂ ᠬᠤᠨᠢ ᠢᠮᠠᠭᠠ ᠶᠢ ᠲᠠᠭᠠᠷᠢᠬᠤ ᠠᠴᠠ ᠰᠡᠷᠭᠡᠶᠢᠯᠡᠳᠡᠭ᠃ | ᠮᠣᠷᠢᠨ ᠤ ᠣᠶᠠᠭᠠ ᠱᠣᠩ ᠨᠢ ᠶᠠᠷᠣ ᠳᠡᠭᠡᠨ ᠭᠡᠷ ᠠᠴᠠ 50 — 60 ᠠᠯᠬᠤᠮ ᠤᠨ ᠭᠠᠵᠠᠷ ᠲᠤ ᠪᠠᠶᠢᠳᠠᠭ᠃ ᠭᠡᠷ ᠤᠨ ᠪᠠᠷᠠᠭᠤᠨ ᠡᠮᠦᠨᠡ ᠪᠠᠶᠢᠷᠢᠰᠢᠳᠠᠭ᠃ | ᠭᠡᠷ ᠤᠨ ᠪᠠᠷᠠᠭᠤᠨ ᠬᠤᠶᠢᠨᠠ᠂ ᠭᠡᠷ ᠤᠨ ᠶᠦᠳ᠋ ᠲᠤ ᠨᠠᠷᠢᠨ ᠮᠣᠳᠣ ᠬᠠᠳᠬᠤᠨ ᠪᠣᠰᠬᠠᠵᠤ ᠬᠡᠢ ᠮᠣᠷᠢ ᠶᠢᠨ ᠳᠠᠷᠴᠤᠭ ᠬᠡᠶᠢᠰᠬᠡᠳᠡᠭ ᠵᠠᠩᠰᠢᠯ ᠲᠠᠢ᠃ ᠪᠠᠰᠠ ᠭᠡᠷ ᠤᠨ | ᠡᠭᠦᠳᠡᠨᠡ ᠠᠷᠪᠠᠭᠠᠳ ᠠᠯᠬᠤᠮ ᠤᠨ ᠦᠵᠦᠭᠦᠷ ᠲᠤ ᠬᠠᠪᠲᠠᠭᠠᠢ ᠴᠢᠯᠠᠭᠤᠨ᠂ ᠲᠠᠪᠴᠠᠩ ᠵᠣᠬᠢᠶᠠᠵᠤ ᠳᠡᠭᠡᠷᠡ ᠨᠢ ᠭᠠᠯ ᠤᠨ ᠬᠤᠪᠣᠩ ᠲᠠᠯᠪᠢᠵᠤ ᠡᠳᠦᠷ ᠪᠦᠷᠢ ᠲᠡᠭᠷᠢ | ᠪᠣᠷᠬᠠᠨ ᠳᠤ ᠠᠷᠴᠠ ᠰᠠᠩ ᠣᠭᠤᠭᠢᠭᠤᠯᠤᠨᠠ᠃ ᠭᠡᠷ ᠤᠨ ᠳᠣᠣᠷᠠ ᠲᠠᠯᠠ ᠳᠤ ᠥᠨᠳᠦᠷᠯᠢᠭ ᠰᠡᠷᠢᠭᠦᠨ ᠭᠠᠵᠠᠷ ᠲᠤ ᠠᠷᠭᠠᠯ ᠲᠦᠯᠡᠰᠢ ᠶᠢᠨ ᠣᠪᠣᠭᠠ ᠪᠠᠶᠢᠭᠤᠯᠵᠤ | ᠲᠦᠯᠡᠰᠢ ᠪᠠᠨ ᠬᠠᠳᠠᠭᠠᠯᠠᠨ ᠲᠠᠯᠪᠢᠳᠠᠭ᠃ ᠦᠨᠡᠰᠦ ᠬᠤᠭ ᠢᠶᠠᠨ ᠰᠠᠯᠬᠢᠨ ᠤ ᠳᠣᠣᠷᠠ ᠲᠠᠯᠠ ᠳᠤ ᠨᠢᠭᠡ ᠯᠡ ᠲᠣᠭᠲᠠᠭᠰᠠᠨ ᠭᠠᠵᠠᠷ ᠲᠤ ᠬᠠᠶᠠᠬᠤ ᠵᠠᠩᠰᠢᠯ ᠲᠠᠢ | ᠪᠠᠶᠢᠳᠠᠭ᠃ ᠡᠪᠦᠯ ᠬᠠᠪᠤᠷ ᠤᠨ ᠬᠠᠬᠢᠷ ᠴᠠᠭ ᠲᠤ ᠬᠤᠬᠢᠷᠠᠭᠰᠠᠨ ᠮᠠᠯ ᠤᠨ ᠰᠡᠭ ᠢ ᠭᠡᠷ ᠠᠴᠠ ᠬᠤᠯᠠ ᠭᠠᠵᠠᠷ ᠲᠤ ᠭᠠᠷᠭᠠᠵᠤ ᠰᠢᠲᠠᠭᠠᠬᠤ ᠪᠤᠶᠤ ᠨᠦᠬᠡ ᠮᠠᠯᠲᠠᠵᠤ | ᠪᠤᠯᠠᠵᠤ ᠬᠠᠶᠠᠳᠠᠭ᠃ | ᠡᠪᠦᠯ ᠬᠠᠪᠤᠷ ᠬᠤᠬᠢᠷᠠᠭᠰᠠᠨ ᠮᠠᠯ ᠢ ᠬᠠᠩᠰᠢ ᠶᠢᠨ ᠡᠳᠦᠷ ᠠᠷᠠᠰᠤ ᠶᠢ ᠨᠢ ᠥᠪᠴᠢᠳᠡᠭ ᠵᠠᠩᠰᠢᠯ ᠲᠠᠢ ᠪᠢᠯᠡ᠃ | | |